تهاني العروسة;12104887:
تبتدي القصة
بنت حماي فيها بو شنيتر عاد مرت حماي ما تحس ان احمد في البيت وطبعا هم مو ساكنين ويانا انا بس في شقه في بيت عمي وحماتي متزوجه وحمي واحد عندي بس مو ساكن ويانا المهم طلعت من شقتي الا بنتها تلعب ويه احمد استغربت قمت وشلت احمد وانا ساكته الا اسمعها تقول حق عمتي ليش بنتي فيها الايدز الا تهاني اخذت ولدها وراحت عااد انا سمعتها قلت لا حبيبتي مو الايدز واسمل على بنتج وبلا هالألفاظ اذا انتين قاعده في البيت وما عندج شغل ولا مشغله حاسبي اليي اجي من الشغل تعبانه ما بالش احمد فيه احب اشنيتر الا تقول اليي بصيده يعني بصيده قلت اليها اوكي كل جاهل يصيده بس اني ولدي صغير واني مو تفرغه اذا مرض اني اشتغل مو قاعده في البيت المهم قعدت هي تتلحطم وقمت ناديت على الخدامه عشان تقعد ويه احمد واني طلعت اقعد وياهم الا هي تقول وانتي ولدش كل فالتتنه على المربيه قلت اليها ايي كل فالتتنه عليها هي نفخت وجهه وسكتت الا بعدين تقول حق عمتي اني مستحيل بنتي اعطيها شغاله تجودها اكثر من 10 دقايق قمت ورديت عليها قلت اليها انتين لو على بدش اتجيبنين لش من بدال الوحده ثنتين وثاني بس مو حاصل لش ...
ما اطول عليكم حقرتها جه زوجي جاف بنتها متروسه حب اشنيتر الا يقول وين احمد لا تجيبونه ما نبي ولدنا يصيده الحين توه صغير ما جفت الا وحده قايمه وتصارخ على زوجي جه وش فيها بنتي تقول ان شاء الله ولدكم اصيده ههههههه قمت واني من قهري انها تصارخ قلت اليها انتين قليله ادب ما تعرفين تتكلمين انصدم زوجي ان اني كنت اصارخ ومنهاره يقول اشفيكم قلت اليه ما فيها شي المهم في الاخير قلت اليها اذا ما يعجبش لا تجين مره ثانيه ــ صرت قويه
طبعا هذا امس وذاك الاسبوع بنتها عاضه ولدي وكان ولدي على رجول مرت حمي كنت اتمسح بصلي سمعت احمد يصيح ما رحت الا تقول اليي ولدش دليع اخذته من عندها واني ادري بنتها كل تعض جفت رجول ولدي الا كلها دم الا بنتها عاضه ولدي قمت اصيح وديناه المركز سيده ضربوه ابره تسمم ومن ذاك اليوم احاسب الى ولدي هي تقول اليي انتين متخرعه على ولدش لأن اول ولد اليش اني اسكت عنها ما ارد عليها لانها حدها ما تنبلع لا عمتي تبلعها ولا حماتي ولا حميي بعد دايما يقول عنها متخلفه ههههههههه
وش رايكم في قصتي ابيكم تقولون لي وش رايكم ومن الغلطان؟؟؟؟؟؟؟؟
حبيبتي تهاني،،،
اني فهمت من كلامش انها يعني مو متخلفه بس موديل ما اول،، اذا هيه جدي خليها على راحتها وخذيها على قد عقلها ،، لان مو كل الناس نفس التفكير ومستو ىالتعلم،، وعلشان لا تسوين ليش مشاكل وياها الافضل انش تتحاشينها وتاخذينها على قد عقلها،، مو حليو نسوان حمي متزاعلين،،تجاوبي وياها بس بحدود،،
