ولدي الغالي هدوي الليلة طلع من المستشفى (مصاب بإلتهاب رئوي وجرثومة في الدم)

كيف الحال أخواتي، وحشوتني وإشتقت للمنتدى، مع إني صار ليي فترة ما أشارك بس كنت متابعتكم على طول.

هذا سلمكم الله ليلة السبت كان عندنا زواج، والصالة كانت باررررررررررردة مرة مثل الثلج، واني الشاطرة كنت ملبسته أفرول شورت لفوق الركبة، وعلى نهاية العرس برد، وفجأة حسيته إنتفض ومثل اللي مو قادر ياخذ نفس، كانت بس لحظة وبعدين عادي.
لغاية ما رجعنا البيت ونومته، وبدأ يكح، وكحته كانت تخوف مرة، كأنه رجال شايب مو قادر يطلع الكحة، ضليت أراقبه طول الليل ما جاني نوم، وكل شوي أتحسس حرارته، لغاية قريب الظهر بدت حرارته ترتفع، عطيته خافض للحرارة ودوا الكحة، ومثل ما شفتوا يوم السبت كان الجو مخيف ومغبر ومطر، يعني أنوام الجراثيم في الجو، وما طلعنا غير المغرب.
المغرب حطيت له تحميلة، طلعنا نبارك للمعاريس، وكل شوي ترتفع حرارته زيادة، ومن التعب نام وزادت حرارته مررررررررة، حتى وجهه صار أحمر من الحرارة، طلعت على طول للمستشفى عند الدكتورة، قالت بتعطيه مضاد حيوي عبارة عن إبر، لأن الدوى يرجعه ويتعبني ما يرضى يشرب.
والحمد لله صار زين، وبعد ما رجعنا نام، بس كان نومه متقطع ومو مرتاح، وما جاني نوم أبداً، وتنفسه كان مخيف، وصدره يرتفع وينزل بشكل غريب، لغاية الساعة 11 الظهر قست حرارته، كانت 39.6 واكيد إن الميزان يعطي قراءة أقل بخمس شرطات، فمعناه إن حرارته كانت 40، على طول سبحته وحطيت له تحميلة، ورحت معاه المشتشفى، عطوه إبرة المضاد الثانية، ورجعنا لبيت أهلي، صار زين وصار يلعب، بس من التعب ما رضى ياكل، نومته أمي، وضليت كل شوي أقيس حرارته، مرة ترتفع لقريب الاربعين ومرة تنزل للثمانية وثلاثين، بس ضلت عالية، حتى مع المضاد والخافض والتحاميل.

شوي وبرجع لا تروحوا بعيد، هذرتي الخفيفة ما خلصت:p