الحمد لله بعد خوف ومعاناة اسبوعين ربنا سهلها قصة ولادتي

اخواتي الغاليات في منتدانن الغالي السلام عليكم ورحمة الله وبركاته اكيد فاكرين استفساري في قسم الاستفسارات عن راس الجنين فوق وانا في التاسع وانتن فعلا ما قصرتن بالنصايح والدعاء لاختكم يارب يالله تعطي كل اخت لي فيك دعتلي في ظهر الغيب انك يا كريم تعطيها كل اللي نفسها فيه واتسهل عليها ولادتها يارب ادا كانت حامل واتعوض عليها
المهم انا بصراحة اخدت بنصايحكم واعملت اللي حكتولي عليه من الحبي صرت احبي في البيت متل الاطفال حتى كل شغل البت اعملو وانا بحبي وكنت اطول في السجود وادعي ربي وكنت كمان امشي حتى قبل يومين مشاني زوجي حتى انقطع نفسي وحسي اني حلد في الشارع الله يخليه الي ما الي احد بعد الله في هاي الغربة الا هو
المهم امبارح كالعادة صحيت الصبح لبست شوشو بنتي عشان تروح عالروضة وبعدين دخلت المطبخ ارتب واعمل فطور لزوجي وابني حمود التهيت في الترتيب والا زوجي بيحكيلي ما اتعبي حالك قلتو اللي عليك عليك كلمة دايما كانت تحكيها الي صاحبتي الله يسهل عليها المهم اطلعت عالساعة لقيتها 8واشي سبت الترتيب وقمت اعمل فطور للغوالي وانا واقفة في المطبخ ما بشوف الا نافورة مي سخنة كبت علي اعذرونا عالتعبير شكيت في نفسي قلت مو معقولة انا توي داخلة الحمام وقتها ادجمدت مكاني وصرت انادي عزوجي كان بيشتغل في الحوش برى واجا يركض وشاف الوضع مسك بايدي وصار يهدي في بس المشكلة ما كان في وجع ولا طلق ولا اشي بس مي بتسيل حكيت مع صاحبتي دكتورة صيدلانية عندها خلفية حكتلي لازم اتروحي عالمستشفى لا يكون عندك توسع واحتمال الطلق ييجي فجاءة لانها مو الولادة الاولى الي المهم حكيت لزوجي والبست والمي كل ما اتحرك بتصب لا تخافو سويت احتياطاتي قبل ما اطلع وهنا نوجهنا انا وزوجي للمستشفى دخلنا عالدكتورة اللع يمسيها بالخير يارب قعدت تقراء في الملف تاعي بقت عنيها لبرة وقالتلي انتي راس البيبي تاعك فوق قلتلها اه حكولي وصار وجها بالالوان وتحكي مع الممرضة بالانجليزي وقالتلي بدي افحصك لا يكون معك توسع فحصتني وقبل ما تفحص صارت تسال اساله اجيتي مرة تانية شيكتي على البيبي قلتلها لا ما فضيت ووكلت امري لربي حكت ونعم بالله وفحصت اتنهدت وقالت لا الحمد لله عندك توسع 4 سانتي وراس البيبي تحت قلت الحمد لله هذا اهم اشي كانت الساعة 9 الصبح حطوني في عنبر الطلق على امل انو ييجي الطلق وفعلا بعد بعد ساعتين انتظار بدى الوجع ييجي بس خفيييييييييييييييييييييف كتير يعني زي وجع الدرورة وكل ربع ساعة تيجي الدكتورة فحص داخلي خايفة يكون في توسع والد فجاءة ولكن زي ماهو 4 سانتي وانا اقول يارب يارب وززجي جنبي بيدعيلي وحسيت قلبو معي ا\ن الظهر والوجع زاد بس ما في توع الحال على ما هو عليه وانا صرت احس بجسمي اتشنج وحرارة عالية بتطلع من جسمي راح زوجي هو والاولاد عشان يصلي انسيت اقلكم انو بنتي روحت من الروضة ولما شافتني بتوجع وبتالم صارت تبوس فس وتبكي علي فاخدهم زوجي وراح يصلي ويشتريلهم شغلات عشان يلتهو هو طلع من هان وانا يجيني طلق وقلت يااااااااااااااااااااااااااااارب ما بعرف هو طلق ولا روح بتطلع وانا دي عالسستر واجت حكتلها حاسة في ضغط لتحت اجت وفحصت ونادت الدكتورة وفحصت كمان مرة تانيه الا بتقلي مااااااااااااااااااااااااااشاء الله 8 سانتي ولادة ولادة وصارت حالت استنفار والممرضات يجرن بالممرات بدهم ينقلوني على غرفة الولادة خايفين الد في الممر ويقلولي لا تدفعي قلت اوكي بص خلصو المهم ودوني على غرفة الولادة وانا اقراء وادعي ادعية وياااااااااااااااااااااارب سهلها علي الدكتورة كانت حنونة كتير الله يسلمها يارب وتحكيلي لو اجاكي الوجع وبدك تدفعي ادفعي اول مرة اجى ما قدرت اكمل ريحتني وحكتلي خدي نفس وتاني مرة كمان ما صار منها وتالت مرة صرخت بقوة قالتلي لا ما تصرخي خدي نفس عميق اشدي واعملت زي ما حكت والحمد لله طلع على الدنيا احلى قمر واحلى محمد اللهم صلي وسلم على محمد
وغرزتني ونضفوني الممرضات وانا كل فكري انهم مخبرين زوجي طلع انو ما رجع لسا من بعد الصلاة اخد الاولاد يشتريلهم اغراض وشغلات اتلهيهم شوي ما انا حكيت الكم انو احنا في غربة والواحد ما الو الا الله المم طلعوني على الغرفة وبعد عشر دقايق زوجي اجى عالغرفة اللي كنت فيها وانا بطلق ما لقاني سالهم ماحكولو اني ولدت بس قالو نقلناها عالغرفة التانية واجا وحكالي شو حكولك وانا بطلع عليه وبقول في عقلي مالو حكيتلو الحمد لله ربنا سهلها طلع عنيه وصار يدور عالولد وراح جابو واذن في دانو والحمد لله اعذروني طولت عليكم و كلامي مش مرتب لاني مالي ساعتين طالعة من المستشفى