شخباركم حبوبات؟
اليوم يايبه لكم توزيعات ولاده من عمل يدي والفكره بسيطه جداً
واهي حق بنت عمتي حق ولاده اختها
والفكره اهي ان نستخدم البيض اللي داخله النبته العجيبه وبنت عمتي اهي اللي شرته ويابته لي اسويه توزيعات
انا ماحبيت ان اسوي في البيضه شي وايد لانها بروحه شكلها من غير شي حلو
بس خذت بوكسات شفاف عليهم رسمه بالوردي ومكتوب it's a girl
وحبيت اني ادخل مع الوردي اللون بنفسجي
حشيت البوكس بشوي قش وردي وصكيت البوكس وحطيت عليها شريطه ورديه وفصين باللون البنفسجي
السله حبيت اني اسويها بفكره تناسب فكره البيضه
غلفتها بورق تغليف وردي ولفيت على المقبض شريطه ضعيفه فضيه وسويت ثلاث فيونكات
ولصقت عليهم ثلاث ورود صغار و لصقت طير باللون الوردي والاصفر والابيض
وزينت جنبين السله بورد وريشه وشويه حركات
حشيت السله بقش وردي وبنفسجي وحطيت البوكسات
وعلى حواف السله لصقت ريش ابيض
اخليكم مع الصور
هذي صوره من كواليس العمل
البيض اللي استخدمته
هني البيض عقب ماحطيته داخل البوكسات
نموذج البوكس والشريطه
البوكسات في السله
تزييين جنبين السله
صور تبين حواف السله وتغطيته بالريش
الشكل النهائي للسله
الموضوع والصور حصري فقط لعروس وما احلل اي وحده تنقله سواء بذكر المصدر او من غيره
واعذروني على رداءة التصوير
ترقبوا توزيعات خالتي لولاده زوجة ولدها من شغلي
