دعواتكم لجنيني وخبرتكم حول ثقب كيس الجنين

السلام عليكم ورحمة الله وبركاته
انا حامل بالشهر الخامس بالاسبوع ال20 تحديدا وطول فتره حملي اعاني من مشاكل آلام وتقلصات وكانت تعطيني الدكتوره الدفاستون وابر مثبته ولتخفيف التقلصات اللي حصل ان الاسبوع اللي طاف حسيت بالم قوي أسفل البطن وحسيت بثقل كان البيبي ضاغط على منظقه الحوض غير ان احس ببلل في ملابسي الداخليه كنت اظنها من كثرة الافرازات من التهاب او شي لكن بعدها وانا داخلة الحمام وانتو بكرامه شفت نوع الماء لونه في البدايه ابيض عقب صار ع وردي نزل مني ع دفعات وكانت الكمية مو كثيرة بس خفت وايد ورحت المستشفى وللأسف ما قدرت اروح المستشفى اللي دكتورتي فيه واتابع عنده لان بعيد عن بيتي وخفت يصير لي شي بالطريج المهم يوم وصلت وفحصتي تفاجأت ان الرحم فاتح تقريبا 1 سم وحطو لي نوع القطنة طويله شوي تشبه عود تنظيف الاذن وقالت لي ان الماء اللي ينزل اهو ماء البيبي وع طول عطوني ادويه تمنع الطلق وتخفف من الانقباضات وتهدي الرحم والحمد لله بعدها رجع سكر عنق الرحم بس مشكله الماي استمرت معاي..
وقالت شكله فيج ثقب في كيس الجنين بس في البداية ماكانت قادره تحدد مكانه بالالتراساوند وحطت لي مغذي وفيه مضادات وادويه عشان تمنع ان البيبي تصيده اي عدوى ميكروبيه لان دام الجيس في ثقب ممكن البيبي يتاثر بسهوله باي ميكروبات.. وخلوني تحت المتابعه حتى القعده كانو مانعينها عني لان تضغط على الرحم وتزيد تسريب الماء...
قلت لدكتوره على عملية الربط عشان تمنع اي اجهاض او ولاده مبكره لا سمح الله دام الوضع جذي قالت لي بننطر الاستشارية واهي تقرر لان صار الويك اند والاستشارية ما كانت اتيي ايون الدكاتره اللي تحتها..
وطبعا ما قدرت اصبر اتصلت ببنت خالي دكتورة وبدكتورتي في المستشفى الثاني وقالو لي ما ينفع لج ربط لان بالعكس الربط ممكن يسبب ان الكيس يتبطل اكثر وينفض بالكامل ...
طبعا اللحين بكمل اسبوع وما سوو لي شي غير هلادويه والمضادات والنفسيه ما يحتاي اقول وايد معلقه آمال على هالحمل عسى الله يثبته لي فقررت اطلع ع مسؤوليتي لان ما قاعد يسووون لي اي شي غير انهم يجيكون نسبة الماي بالالتساوند كل يوم تقريبا وطبعا النسبة المفروض تكون اعلى من 5 لو اقل من 5 مستحيل الجنين يعيش ع كلام الدكتوره واسال الدكتوره جم قالت لي لا انتي اوكي حاليا وصل لي 6 بس عادي في امل الثقب يلتأم والماي يرد يكون نفسه من صار لها مثلي بليز بنات ابي عن تجربه ادري طولت عليكم وايد بس والله في قلبي نار وخايفه موت ونفسيتي زفت ابي بس اطمن في وحده صار لها مثلي واستمر حملها وولدت على خير في التاسع؟والانقباضات وتوسع عنق الرحم شنو الحل عشان ما ترد ترجع مره ثانيه وتسبب ولادة مبكره لاسمح الله وشنو سبب هالثقب يعني مستغربه شلون ينثقب الكيس ويسرب ماي اللي اعرفه ان ينفض بالكامل اثناء او عند قرب الولاده واللحين اهم عطوني مضادات تمنع اصابة البيبي باي عدوى لكن مثلا مفعول هالمضادات راح تظل لين يلتأم الثقب بإذن الله او يظل خطر على البيبي؟..
انا اللحين طلعت من المستشفى ع مسؤوليتي مع ان الدكتوره كانت رافضه قالت لي لازم نتابع نسبة الماي يعني تتابع وماتعطيني حل شالفايده من قعدتي بس نفسيتي بتتعب اكثر واكثر من قعدة هالمستشفى..
سامحوني طولت عليكم وايد بس ياليت تفيدوني