هلا بنات شخباركم؟؟
انا بطرح لكم مشكلتي اهي مو مكشله بحذاتها لكن اهي مصير ونصيبي الظاهر في الدنيا جذي:(
عالعموم انا طبعا كنت متزوجه من قبل وانفصلت والسبب انا مارتحت معاه ولا حسيت من ناحيته اي شعور فكانت المشاكل معاه مستمره لمدة سنة خطوبة واربعة شهور زواج وانتهت بالطلاق طبعا :(
وماتتصورون الراحه الي عشتها من بعد ماتطلقت وعشت حياتي طبيعيه مع اهلي ولا حسيت بمعنى اني انا وحده مطلقة :thumbs_up:
وتميت تقريبا 10 شهور وبعدها تقدم لي واحد وخطبني وكان فترة هالـ 10 شهور يتقدمون لي وايد بس النصيب كاتب لي آخذ خطيبي هذا :(
المهم انخطبت ومن بعد خطوبتنا بفترة تقارب الأسبوعين حسيته جذاب منافق يلف ودور يقص علي باكلام وبعدين اكتشف انه قالي كلام وسوا شي غير الكلام الي قاله :confused:
مااذكر شي بس بعطيكم شي بسييييييييط جدا انا طبعا المفروض زواجي بداية شهر 6 وقاعده اجهز لزواجي وكل شي جهز اله اشياء بسيطه وانا كنت بقعد معاه في بيت ابوه في غرفة وعزكم الله حمام ورضيت على مايطلع اخوه من الشقه قلت اوكي اصبر جم شهر :thumbs_up:
وعدلت غرفته وبقى الحمام وانتو بكرامة وقلت له سوا عدل قالي اي اكيييد المهم جهز الحمام وقالي جهز قلت اوكي عجل بجي وبغسله عن الوصخ والتكسر وجذي رحت الله لايوريكم الحمام شنو لا تركيب مثل الناس ولاهم يحزنون :woo:
المهم انقهرت وقلت له خلاص مااقد هني وابي شقه بروحي رفض وقلت له اوكي تبي تتفاهم تفاهم مع بيتنا انا ماعندي معاك اي كلام
المهم جى وكلم بيتنا وقعد مع الماما وتخيلو هذا مثال بسييط على لفه وجذبه معاي اوكي
قدامم الماما قالها لا خلاص الشقه الي تبغيها جاهزة بس فيها مستأجرين وبطلعون بعد ثلاث شهور او شهرين لانه على اساس هالشقه اخوه يأجرها وكلم اخوه
قال لكن اهي طلبت شقه لاتقول تبغي مصروف وابي اشتري ملابس وغيره قالت له امي مايصير انت زوجها مسؤل عنها
المهم سألتني الماما قدامه ها شرايش قلت لها لا واقعد في بيت ابوي احسن انا مو قاعده في الشارع واطلب منه يأمن لي مسكن صح او لا؟
قلت لها لا ماابي وخلاص اهو في طريق وانا في طريق
وانتهى الموضوع على جذي وبعد ماطلع من بيتنا اتصل فيني وكلمته قلت له نعم قالي انتي طحتي من عيوني قلت له اوكي وغيره وقام يصرخ قلت له لاتصارخ وقالي اصارخ واجيج البيت اكفخج واكسر راسج قلت له اوكي اذا انت رجال وقد كلمتك تعال ارجع مره ثانيه وبجوف شلون بتكفخني وبتكسر راسي وقال اجي ومايهموني اهلج قلت له اوكي تعال وصكيت التلفون
طبعا ماجى لانه خاف وقلت له هالحجي بقوله لبيتنا، تم يتصل يتصل ماارد عليه وبعدها انا نمت وراي دوام
وقعدت على صوت مسج منه الساعه 6 الصبح :woo: يهددني انا هني طرشت له مسج وقت له احترم نفسك ولاتغلط ورد طرش مسج انه بجيني البيت ويقدر ياخذني غصبا عني انا هني انهرت وعصبت واتصلت فيه وتتميت اصرخ له واقوله مابيك ونهرت من لصياح وجتني الماما وهدئتني وسكت وقالت لي خلاص ماتبينه لاتبينه مو آخر الدنيا
وبعدها اتصلت اخته وقلت لها كل الموضوع وقلت لها عن موضوع الشقة قالت لي لا ماعليج منه اصلا اهم مابطلعون الحين ولا يدري متى بطلعون قلت لها عجل ليش قالي جذي اتقول عشان يبي ياحذ بخاطرج؟؟
قلت لها الماما مو لعبة يقص عليها بالكلام واحنه جاين نتفاهم مو يطيب بخاطري ولو كنت موافقه على كلامه جان قص علي وبقولي بعد الزواج لا مافي شقه وبتمين هني وانا الي بنصم (( عرفتوا ليش قلت لكم جذاب ولف ودور؟؟ ))
المهم بعد كل هالموضوع بنات اخواني قعدو معاه وابوي كلمه وقاله شلون اتقولها مافي مصروف ومافي اكل وماتشترين اثياب من هالمكان وغيره انت شنو العيشه الي بتعيشها ؟؟
اهي قاعده في بيت ابوها معززه مكرمه مو ناقصنها شي وكل طلباتها متوفره وانت تبغي اتعيشها في شي اقل من مستوا بيت ابوها لا انا ماارضاها على بنتي
المهم بنات مختصر كل كلامي انا بطلق للمرة الثانية وخايفه هالمره وااايد انا عمري 21 سنة يعني صغيره مو كبيرة بس بصير مطلقة مرتين ويمكن النصيب يقل :(:'(
بس انا مو كريهه ولا فيني عيب
بنات لحد يقولي لا تفكرين بالطلاق او غيره مااقدر اعيش معاه ولا اتأقلم مع حياتهم انا ماعيب بس بيتهم وصخ اهو مهمل وفوق هذا جذاب وبخيل ولف ودور وهذا اكره الصفات
وفوق هذا انا عايشه بششي مااقدر اعيش في شي ثاني انا صدق مو بيتنا قصر بس الحمدالله حالتنه زينه وعايشين الحمدالله رب العالمين
بس بنات انا خايفه من الطلاق للمرة الثانية وشنو بتكون حياتي هالمرة مو عارفة مع العلم هو ميت علي وحبني وقاعد يحاول ويترجاني ارجع له بس انا لا طابت نفسي منه ومستحيل ارجع له
وبيتنا كلهم واقفين معاي لانه عرفو هو شنو .
شرايكم بنات قراري صح ؟؟ وبكون لي نصيب مره ثالثه اتزوج او خلاص؟ هذا نصيبي في ازواج جذي؟:'(
وتوها من شوي اخته مكلمتني وخبرتها بقراري وقالت بتخبره واي شي بصير بتكلمني
ادعولي الله افكني منه وتتسهل علي كل الأمور يارب
:'(