طبعاً أني مسوية مقدارين يعني جيسين معكرونة
بس انتو بكتب لكم المقادير لجيس واحد :)
الخطوة الأولى
حمست 3 بصلات مقطعين صغار
ثم اضفت 3 فصوص توم مدقوق
>>> لحد اللون الذهبي الغامق
ثم أضفت صدر دجاج مقطع
ثم أضفت الفلفل الأسود + ملح
>>> وانتظرت 5 دقائق يستوي الدجاج
ثم اضفت 1 علبة فطر
ثم 3 كوسا مقطعه
ثم 2 فلفل بارد مقطع
وبروكلي اذا تحبون على حسب الرغبة
وأضفت قليل ماي علشان الخضار تلين قليل
الخطوة الثانية
جهزت بخلاط العصر الصلصة الحمرة
3 طماطم مقطع
1 علبة نور معجون طماطم
2 ماجي
وفلفل احمر
الخطوة الثالثة
أضفت الصلصة الحمرة الى الخضرة والدجاج
وخليتهم يطبخون لمدة 10 دقايق
الخطوة الرابعة
جهزت الصلصة البيضة
1 علبة كريمة حامضة
1 جبن صقر وسط
وجبن موزيرلا قليل حسب الرغبة
الخطوة الخامسة
اضفت الصلصة البيضة الى الخضرة والدجاج والصلصة الحمرة
وصارت عندي الخلطة بهذا الون
والريحة ياسلام عليها :thumbs_up:
الخطوة السادسة
جهزت الباستا النوع اللي تفضلينه
ووقت الفوح ضيفي قليل من الزيت عشان ماتلزق
والملح طبعاً
الخطوة السابعة والأخيرة
خلطت الخلطة بالباستا
صووورة أقرب :)
وهذا الطبق جاهز ولذيذ ومغري والطععم ياسلام ويستاهل كل هالتعبة
يالله بسم الله
وحياكم :lol:
بنات جربوها وعطوني رايكم
واذا عجبكم قيموني
واذا ماعجبكم ادعولي
ومشكورين :adore:
