ان شاء الله مرتااااحين ... :adore:
اليوم يايبه لكم طريقه حلوووه دايما اسويها وتعجب هلي الحمدلله وتقدرين تستخدمين البايركس او كاسات او صينية الجيس كيك باعدادها ....
.... المقادير ....
4 علب قيمر ( قشطه )
1 دريم ويب
1 علبة حليب صغيره
1 كريم كرمل
2 كيك سرالي بالشوكلاته
حليب محلى
3 فليك
نس كويك بودرة الكاكو
.... الطريقه ....
- نخلط كل من 1 قيمر والدريم ويب والكريم كرميل والحليب السائل مع بعض بالخلاط اليدوي لحد ما يتجانسون ويوضع الخليط في الثلاجه ....
- نخلط كل من 3 قيمر و 4 ملاعق نس كويك بودرة الكاكو و3 ملاعق حليب محلى بالخلاط اليدوي وبعدين انحط الخليط في الثلاجه علشان يتماسكون شوووي تقريبا نخليهم نص ساعه او اكثر شوووي .
**********
انيب صينية الجيس كيك وانا اخترت صينية الجيس كيك لانه عندنا مناسبه فحبيت يطلع الشكل مثل الكيك بس الاحسن انكم تستخدمون بايركس لانه اسهل ينشال بالملعقه للتوزيع بس الصينيه بالسكين فاحتمال يتناثر وما يتماسك ...
- نفتفت في القاعده علبة الكيك كامله ونرصها في القاعده بعد ذلك نضع خلطة الكراميل فوقها وبعد ذلك نفتفت علبه الكيك الثانيه فوقها وترص عدل واخر شي خلطة الشوكلاته وتزيين بالفليك المبشور ....
- ندخلها في الثلاجه لحين تتماسك واذا كنتي مستعيله حطيها في الفريزر نص ساعه بتكون جاهزه ...
وهذي بيكون شكلها في الاخير وتبين الطبقااات واتمنى تعجبكم
واهني يوم ولعنا الشموووووع
اتمنى موضوعي عجبكم ولو استاهل التقييم قيموني يا عسل :o:L:
بحفظ الرحمن