مرحبا خواتي اتمنى اتساعدني او تقترحن عليه ..مشكلتي ولدي عمره 4 سنوات...
عودته على الحمام من سنه ونص المشكلة انه دوم ايبول على ملابسه قبل ايروح للحمام تعبت فهمته يابابا لما اتحس انك تبي اتبول روح للحمام بسرعة لاتسويها ع ملابسك بس مافيه فايده وضربته وكل شي جربته بس بعده على حاله ايقولي ماما انا ماعرف ومادري شو يتعذر..
المشكلة اني سجلته في الروضة وبعد رمضان الدوام .......................وانا خايفة من هالنقطة انه ايسويها على عمره ويرجعونه لي البيت...........
للعلم بنات انا اذا عندي مشوار حق مول او جمعية ألبسه بامبرز لان احيانا الحمام ايكون بعيد او مافيه حمام خلال المشوار ولما يرجع البيت اشل عنه ...يمكن هالشي ءخربه ...وبالليل بعد ألبسه بامبرز عطوووني حل شو اسوي معه عشان مايسويها على عمره ..
واليوم كسر خاطري
هو وايييييييييييييد متحمس للروضة والمدرسة والشنطة دوم ايقولي ماما قولي لهم انا كبرت خل الباص ايجي ايشلني ............عاد انا اليوم ضربته بالقو عشان سبب ثاني المهم راضيته وصدمني قالي ماما انا ماريد اروح المدرسة لاني ببول على سروالي ..........هنيه انا انصدمت كان يقولها وهو يبكي:'(:'(:'( وخايف حسيت ان عنده مشكلة شو اسوي قلبي يعورني عليييييه
لللعلم انا دوم اتنازع معه واقوله شو بتسوي لارحت كيجي ون شو بعد بتبول على عمرك بيرجعونك للبيت ..............مادري انا سببت عقدة للولد ولا شو ..........بليز اللي مرت بنفس تجربتي اتقولي شو الحل
ولـدي والحمام نفسيتي تعبت ساعدوني
ر
10-05-2010 | 02:44 AM
م
10-05-2010 | 02:49 AM
هلا حبيبتي انا ولدي عمره 2 ونص وعلمته بطريقه حلوه كنت اشجعه اقول له اذا ما سويتها في ثيابك لك حلاوه او ايسكريم وكان هذا تشجيع له
حاولي انج اتسوين له جذي وحاولي انج تحرمينه من شي يحبه اذا سواها في ثيابه
بس خلي في بالج لا تعصبين عليه ترى الطفل مرات اسويها عناد انتي حاولي اتهدين بالج معاه
حاولي انج اتسوين له جذي وحاولي انج تحرمينه من شي يحبه اذا سواها في ثيابه
بس خلي في بالج لا تعصبين عليه ترى الطفل مرات اسويها عناد انتي حاولي اتهدين بالج معاه
ر
10-05-2010 | 02:55 AM
والله جربت معه كل شي بس ماعرف شو مشكلته ..........ملاحظة أنه يبول كثير عزكم الله
م
10-05-2010 | 02:57 AM
انزين قللي السوائل عليه
أ
10-05-2010 | 03:16 AM
اختي كشفي عليه
بعيد الشر لايكون سكر
بعيد الشر لايكون سكر
م
10-05-2010 | 03:29 AM
انتي كل ساعتين خوذيه الحمام قولي يالله سوها حبيبي بعطيك حلاو واسكريم تمي معاه جذي اسبوعين وبعدين خففي عليه قولي له بس لا تروحين معاه يعني قول له كل ساعتين حبيبي روح الحمام واعطيك حلاو واسكريم وتمي معاه جذي اسبوعين وبعدين بيتعود من حاله
ز
10-05-2010 | 07:52 AM
حبيبتي بقول لج تجربة اختي
اختي ما شاء الله ولدها الكبير بسرعة تعلم و ما تعبها كلش
لكن ولدها الثاني .. ما استوعب و كان كله يسويها في ثيابه !!
فعصبت عليه و ضربت وووو .. و في النهاية حصلت طريقة من النت
انها تظل تسال ولدها كل شوي فيك بولة >> و انتي بالكرامة
تقريبا كل عشر دقايق كانت تساله لين تملل من سؤالها و قام يروح بروحه الحمام
طبعا انتي اخذي ولدج كل ساعة او ساعتين الحمام و ظلين اساليه لا تغفلين عنه
لانه هو ما يبي يسويها على عمره بس يمكن يلتهي باشياء ثانية مثل الالعاب و يسويها
اضافة لذلك لا تلبسينه البامبرز !!!!!!!
لانج انتي تقولين له لا تسويه في ملابسك
و تلبسينه الحفاظ عشان يسويها فيها !!!
مو يمكن اغلب الاوقات اللي يسويها على عمره .. يعتقد ان لابس البامبرز و ان بيسويها فيها مو في ثيابه !!
نصيحتي اتعبي معاه اسبوعين او حتى 4
بس لا تلبسينه البامبرز نهائي !!
حتى بالليل لا تلبسينه .. قومي كل ساعتين من النوم و اخذي للحمام
بتتعبين في البداية بس بترتاحين في النهاية
و ربي يوفقج لكل خير
اختي ما شاء الله ولدها الكبير بسرعة تعلم و ما تعبها كلش
لكن ولدها الثاني .. ما استوعب و كان كله يسويها في ثيابه !!
فعصبت عليه و ضربت وووو .. و في النهاية حصلت طريقة من النت
انها تظل تسال ولدها كل شوي فيك بولة >> و انتي بالكرامة
تقريبا كل عشر دقايق كانت تساله لين تملل من سؤالها و قام يروح بروحه الحمام
طبعا انتي اخذي ولدج كل ساعة او ساعتين الحمام و ظلين اساليه لا تغفلين عنه
لانه هو ما يبي يسويها على عمره بس يمكن يلتهي باشياء ثانية مثل الالعاب و يسويها
اضافة لذلك لا تلبسينه البامبرز !!!!!!!
لانج انتي تقولين له لا تسويه في ملابسك
و تلبسينه الحفاظ عشان يسويها فيها !!!
مو يمكن اغلب الاوقات اللي يسويها على عمره .. يعتقد ان لابس البامبرز و ان بيسويها فيها مو في ثيابه !!
نصيحتي اتعبي معاه اسبوعين او حتى 4
بس لا تلبسينه البامبرز نهائي !!
حتى بالليل لا تلبسينه .. قومي كل ساعتين من النوم و اخذي للحمام
بتتعبين في البداية بس بترتاحين في النهاية
و ربي يوفقج لكل خير
B
10-05-2010 | 08:59 AM
كلام زهرة السعاده صح
اختي اسمحي لي بس غلطتي كم غلط
الاول انك عودتيه على الحمام وهو صغير يعني جهازه لسه مااكتمل نموه وشي طبيعي انه ينتكس
الثاني انك لما تطلعين معاه تلبسينه بامبرز فيحط في باله انه عليه بامبرز لو كان ماعليه
اول الشي الصرااااخ والضرب ممنوع قطعيا لانك انتي الا بتعبي صوتك ولاراح يتعلم
اخذيه بالتشجيع والمكافئات
نقطه مهمه لا تقولين قدامه لاي احد انه يتبول على نفسه حتى لو كان ابوه حتى مايتعرض للاحراج ودايما امتدحيه قدام الاطفال وحتى الكبار قدامه انه شاطر ويروح الحمام
الله يهديه ان شاء الله ولا يتعبك
اختي اسمحي لي بس غلطتي كم غلط
الاول انك عودتيه على الحمام وهو صغير يعني جهازه لسه مااكتمل نموه وشي طبيعي انه ينتكس
الثاني انك لما تطلعين معاه تلبسينه بامبرز فيحط في باله انه عليه بامبرز لو كان ماعليه
اول الشي الصرااااخ والضرب ممنوع قطعيا لانك انتي الا بتعبي صوتك ولاراح يتعلم
اخذيه بالتشجيع والمكافئات
نقطه مهمه لا تقولين قدامه لاي احد انه يتبول على نفسه حتى لو كان ابوه حتى مايتعرض للاحراج ودايما امتدحيه قدام الاطفال وحتى الكبار قدامه انه شاطر ويروح الحمام
الله يهديه ان شاء الله ولا يتعبك
ر
14-05-2010 | 01:05 AM
خواتي هو يعرف ان ماعليييه بامبرز يوم ايبول ع نفسه ..واللي قالت احتمال عنده مرض السكر بعيد الشر انا قلت جيييه شاكه فييه ويبالي اوديه دكتور,,يفحصه..........
بحاول انفذ نصايحكم ..والف شكر لكم
بحاول انفذ نصايحكم ..والف شكر لكم
أ
14-05-2010 | 11:05 AM
مثل ما قالوا الخوات ما قصروا عطونج نصايح بس هم روحي المستشفى كشفي عليه عشان تطمئنيين اختي
&
14-05-2010 | 06:14 PM
ابعدي عنه البامبرز نهائيا وخذيله من هوم سنتر غطا تغطينه على السرير يمنع تسرب السوائل يعني لو سواها وهو نايم اغسلي الغطا وخلاص
ولمن ينام كل ساعتين وديه الحمام
هو مو مهتم لانهم معتمد على البامبرز
ولمن ينام كل ساعتين وديه الحمام
هو مو مهتم لانهم معتمد على البامبرز
ر
14-05-2010 | 06:18 PM
فيه اطفال تكون عندهم المثانه صغيره عشان كذما ما يمسكوا انفسهم ..واذا كبروا تنحل المشكله ..بس انتي وديه لعياده سلوكيه ..وان شاء الله تطمني عليه ..