ابي تفسير حلمي.

أختي الكريمه
قبل التفصيل بالحلم
هل تعانين من مشاكل عضويه أو نفسيه
وهل تعانين من مشاكل بالدوره

اهلين اختي
الدوره الحمدلله مااعاني منها
مشاكل عضويه إمساك مزمن واتعالج منه للآن
اما نفسيه لما تركت الكليه تعبت نفسيتي من اهلي ومن كلام الناس
وكمان لأني اروح عند شيخ يرقيني
وحده دايم تعايرني لأني اروح عند
شيخ يرقيني تقول انتي مريضه نفسيا عشان كذا من شيخ لشيخ وتقولها لي قدام الناس وهالشي يتعبني والله

اعذريني ع الأسلوب ماعرفت اكتب
زين لأني اول مره اكتب حلمي

وفيه كمان حلم يتكرر بشكل دايم
بس بعد ماتفسري هذا بنزله ان شاء الله.
وجزاك الله خير

أختي ضعي أحلامك الأخرى راح يساعد كثير بالتفسير
لان الأحلام مكمله لبعض وإن شاء الله راح أفصل في حلمك

هالحلم كان يتكرر بشكل يومي خاصه السنه اللي فاتت اما هالسنه الحمدلله تقريبا ماتكرر علي كثير ..
احلم ان واحد يقرب لي يكون خاطبني بالحلم واشوف نفسي ابكي مره يجي اخوه ويخطبني له ومره اخوه الثاني وانا ابكي لأني ما ابيه .
ومره برمضان شفت اني ببيته وان احنا تجوزنا وقاعده اضيف اهلي واهلي وبعدها حلمت انه يهاوشني ورحت عند اخوي اللي كان نايم واقوله ابيه يطلقني وشفت وجه ابوي حزين ومكتم لمن قلت كذا .
ومره حلمت ان وقت الملكه هو جنبي وانا ابكي ومدري اش تحدد بشهر 8 شي بس ما اعرف اش هو ...
حزتها بعد الحلم جاتني حاله خوف انتظر شهر 8 بشوف اش يصير لي والحمدلله جاء شهر 8 وعادي زي اي شهر مافي شي يذكر للمعلوميه كل الأحلام اللي شفتها مع هالشخص سبحان الله ما اشوف وجهه
سبحان الله احلامي اشوفها كأنها حقيقه
ملاحظه .هالشخص يبي يتزوجني وانا رافضته من قبل لايجي لأني اكرهه وادعي بصلاتي انه مايجي يخطبني لأني برفضه والناس بيتكلموا علي لأني رفضت  قبل
اختصرت الحلم لأن اغلب الأحداث انساها

أختي بارك الله فيك
الحلم الأول والاحلام الأخرى تشابه بعضها
فهو يدل على كبت ومخاوف من داخل أعماقك
فرفضك بالواقع لهذا الشخص يصور لك بالأحلام شي مقزز لنفسك
وهو نزول الدوره ،فانت لا تستطيعين أن تصرخي وتطالبي بحق الرفض
فبالأحلام كأنك تشاهدين منظر الدوره يتكرر مرارا وهو يعني التعايش مع واقع مر

الأحلام أخرى نفس الشي يدل على حديث نفس وكراهيه لهذا الشخص
فمره تبكين عند الخطوبه ومره تتمنين االطلاق منه ، نفسك من داخل تتعذب ترفض هذا
الوضع ، ولكن دعيني أقول لك شيئا طالما أنك تتعالجين عند شيخ راقي وتعرفين مدى
اصابتك بالمس ، احلام من به مس من الشيطان المفروض ما تصدقين أكثرها
بمعنى أنظري بالواقع إن كان هذا الشخص ما فيه عيب ورجل مقتدر فالشيطان يحاول أن
يصرفه عنك ويجعلك تكرهينه حتى بالأحلام يصور لك كراهية له ، فهو يتلاعب بمشاعرك
لذلك تواصلي مع شيخ راقي وارقي نفسك على طول واستخيري وإن شاء الله
الله يكتب لك اللي فيه الخير ويبعد عنك مكائد الشياطين اللهم آمين

اما بخصوص الرقيه فهو بخصوص عين وليس مس الحمدلله

جزاك الله كل خير طمنتيني الله يريح بالك زي ماريحتيني ..