اريد افطم بنتي المجربات ساعدوني

ارجوكم عطوني افكاركم

مبرووك الحمل والله يثبت لك ان شاء الله
اختي كنت باقول لش ابدأي وياها الفطام بالتدريج بس بما انك حامل الله يعينك
حاولي اذا بتنام مو انتي الا تنوميها خلي ابوها وانتي روحي مكان ثاني لا تشوفك وتظل تبكي
وفي النهار حاولي تعوضيها بالسوائل والاكل وان شاء الله تنسى بسرعة
والاهم انك تعطيها حليب في كوب

مشكوووووووووووره اختي على اهتمامج الله يفرحج دنيا وآخره

امين يارب الله يسمع منك حبوبة

هلا حبيبيتي

مبرووووك حملج والله يثبته لج

من خبرات امي واختي

لما تردين فطام الصغير
حاولي انك تأكلينها تشبيعنها
قبل النوم
حاولي كل ما تجلسون تاكلون أكليها معك
مثلا تأكلينها بطاطاس مقليه
حاولي انك تأكلينه حتى لو شابوره وحليب
خبز وحليب
المهم تكون معدتها مليانه
عوديها تشرب حليب بارد مثلا فيه بالسوبر ماركت حليب بارد اشكال وانواع ومفيده للاطفال اشتري له
وقت النوم
لاجيتي بتنومينها اكيد بتوله على صدرك لانه فتره ماينام الا على الصدر
حاولي كل ماجيتي تنامين امسحي منقوع المره على حلمة صدرك
واذا طلبت اعطيها
بسرعه بينفطم
بيجلس يصيح وبينام
حاولي اذا كان معك احد بالبيت ياخذها منك وقت النوم هذا بعد ماتذوق مرارة صدرك
وخليها ينومونها لك



وفتره صدقيني اسبوع الا هو ناسيه شئ اسمه صدرك

دعواتك لي بالزوج الصالح

الله يرزقج الزوج الصالح عاجلا ان شاء الله

بس قلبي يعورني بس الظاهر هذا الحل الاسهل

اختي لا تحاتين و لا تشيلين هم تراها بتنسى بسرعة ، بنتي يوم فطمتها كنت عند امي و كنت طول النهار اطلع يعني ما اكون بالبيت و هي ويا امي و اذا قالت حليب اعطوها بالكوب مع العلم انها ما كانت تقبل تشرب اي حليب و لا تاكل اي شي ، بس الرضاعة الطبيعية ، و بالليل هم كنت اخليهم تنام يم امي و مرات تكعد تبجي و امي مسكينة تحاول وياها تنيمها و ماصار 3 ايام الا و هي ناسية الحمد لله ، اما تجربتي مع ولدي الثاني فكنت بروحي و كنت شايلة هم شلون افطمه ، شفت موضوع هنا لاخت قالت انها تحط لزاق على صدرها قلت بجرب و لو اني شاكة انه ينفع بس الحمد لله جاب نتيجة ، بس ولدي شوف الزاق على صدري يخاف و يوخر و بالليل كله نايم يمي لما يكعد بالليل بس يذكر اللزاق يوخر و الحمد لله نسى و كان فطامه اسهل مما تصورته كنت شايلة هم و خايفة اني ما اقدر عليه بروحي
اسفة طولت عليج بس اتمنى اني اكون افدتج

ماعليه ياقلبي
نفس كلام اختي لما جات تفطم بنتها

لكن البدايه صعب وبتشوفينها تبكي وتتألمين بس مالج حل الا كذا
لانه الرضاعه بتكون مضره للجنين
وا شاء الله تنفطم بسرعه بالعافيه يارب وبسهووووله

بوسي لي اياااها النونو

ومشككوره على دعوتج الحلوه

اختي جربي المره
هدا بينفع معاك
وحدها 3 ايام وتنساه
بس بتحسي او ليله صعبه على الام والبنت
كل اشوي بتصيح شربيها ماي بعدين بتواصل في نومها
وان شاء الله ماتعبك ولاتتعبي
والله يثبت حملك ويقومك بالسلامه

الف مبروك الحمل عزيزتي والله يهون عليك ان شاءلله

بالنسبه لفطام بنتك مثل ما قالوا لك البنات قبلي حاولي تشبعينها

بالاكل اللي انتم تاكلون منه علشان ما تنقصها فيتامينات من حليب او عصير او رز او خضار او فواكه

حاولي كل شوي تعطينها اكل شكل وشوي شوي راح تنسى الرضاعه

والله يسعدك


تحياتي ام زياد

مشكورااااااااااات خواتي والله يعطيكن الصحه والعافيه

اشكرج اختي انا مثلج ابي ا فطم طفلي مب عارفه وعمره سنه وثلاث اشهر بس تعبت من الرضاعه من سؤالج استفت من الردود اشكرج واشكر للي رد عليج وراح اجرب للي انكتب لج والله يقومج باسلامه حبيبتي

الف مبروك وربي يثبته

زوري موضوع حملة عيالنا كبروا وراح تستفيدين ان شاء الله

الف الف مبروك وربي يتمم لج حملك ويرزقك بالولد السليم المعافى

في النهار عوضيها بالاكل والحليب البارد والعصيرات

والليل حطي على صدرك المر وربي يعينك

مشكورات خواتي والله يفرحكن دنيا واخره