طفلك حركي جدا ما يقعد طفلك متى تكلم طفلك دايما امام التلفاز ادخلي وقلولي لي

اختي من واحد لواحد غير

بنتي ماشاء الله عليها حركيه

هم في هالسن يحبوا الاستكشاف وكل شي يعبثوا فيه

وتكلمت من وقت مااحسها تاخرت

وتقعد على التلفزيون واجد بس ماتحفظ شي منه

جنه ساكنها حبيبي .... شكرا حبيبتي على الرد بس حقيقة مأرقتني لان بس كم كلمة كان عنده ماي في ادونه و عملوا اليه تخطيط اي بي ار و طلع طبيعي عصب السمع

مادا أقول ..... الله يطنج طمنتيني ..... هو مختلف تماما عن اخته بتي بطيئة و ماشاء الله لسانها حليوو واجد و تسولف و هدا اللي شككني فيه

هادئ مرات و مرات يتعصب و ادا اخدت اخته منه شي او اي احد يضرب راسه علشان يرجوعونه له الحاجة

دايما يفتر يركب على الكراسي و على الطاولات

بس يقول دادا دادا و يقول اسمي مرات

و يقول تا

و دكتوره مال الربو قال لي ان لازم بعد شهرين ادا ما تكلم نسوي له تخطيط و نطق و انا بصراحة اخاف و اليوم يوم اشوف الدنيا سودة في عيوني

لاتخافي ولاتحاتي كله بيد رب العالمين
ناس واجد يتاخروا في النطق بس سريعين في حاجه ثانيه
مثل الحبي المشي
هدا عادي اختي
والله يطمن بالك

جنه ساكنها حبيبي

صدق والله , الله يطمن قلبش نفس ما طمنتيني حبيبتي

بس ياليت احد يقول لي عن تجربته اتطمن اكثر

اليوم قال كلمة car و اممما

حبيبي خاطري اسمع صوته يعبر لي عن مشاعره خصوصا انه صاير عصبي و من احد ياخد شي من ايده يروح يرقع راسه في الارض

عااادي حبيبتي انا بنتي ماشااااء الله عليهااااا حررررركية
واااااااااااايد و الحمد الله للحين ما تتكلم عدل بس تحاول تقووول كلمات بسيطة

كلمة الحياة .... صج والله الله يحفظها يارب .... انا يقول و ينسى و بعدين دكتوره هو اللي شككني لان قال لي ما يسمي الحليب شي ما يقول ماما ما يقول بابا قلت لا و انا لان فيه ربو تقريبا اسبوعيا احنا عنده
و ولدي حركي حركي ما يقعد كانه شالي شابلن حركته يضحك يتحرك بدون كلام الا جم كلمة
احاتيه وايد و اختي تقول لي مدام قالج الدكتور روح للنطق روحي ليش بعد عقب شهرين تقعدين في شكوك و ولوال بس انا قلت بشوف تجارب البنات وش يقولون لان التجارب افضل من الاطبة

و الغريبة انه من يشوف كارتون يقعد ما يتحرك ابدا في عالم ثاني يروح فقمت سكرت عنه التلفزون عشان يتكلم و يتعود على الكلام :-#

و من يشوف دعاية يوقف قدام التلفزون يطالعها

مريمتي .... مشكورة حبيبتي انتوا من البحرين يعني ادا جدي بوديه نفس الاخصائية

و بنتي الله يحفظها و يخليها ..... ما تشتهييه مسوية له تعديب ولا جوانتناما تصرخ تخوفه و هو خواف يشرد منها و متأثر ماخد الموضوع جد اياها و هي مو مقصرة ما يقدر يلمس ولا لعببه من العابه و كل شوي عطته كف او فعصته من ارقبته

و اقول لها ماما كلميه هدا اخوج تقلد كلامه و بس تصرخ عليه تبط جبدي و هو دلوعه كلش رقيق عكس اخته

سنة و نص لساته صغير ليش تستعجلي عليه
بكرة يتكلم و يوجع راسك بالكلام
مو تخافي عليه طالما أنه تكلم كلمات بسيطة و سمعه زين
من خلال تجربتي أولادي الثنين تكلموا متأخرين
الكبير كانت كلماته قليله بمجرد ما دخل الروضة انطلق في الكلام
الصغير نفس الشئ كلماته قليله دخل الروضة و تحسن واجد في الكلام مع انه لساته يبي اليه شوي
أنت تكلمي معاه واجد و مو تمنعيه من التلفزيون على الأقل لو ساعه في اليوم خليه يشاهد أي قناة تناسبه
أكيد بيتعلم و بيخزن الكلامات في عقله
بالنسبة للحركة شئ طبيعي و فطري فيهم ما بتقدري تمنعيه عنها بكرة يكبر و يهدأ شوي
و ما عليه الا العافيه البطل

هلا اختي بالنسبة لسنه المفروض يكون حافظ 4 كلمات على الاقل يعني كللللش طبيعي

وعلى الحركة في هالسن وقت حركتهم ونشاطهم

بس على سالفة في اذونه ماي هني المشكله اذا ماعالجتوها لانها لا سمح الله اذا طولت في اذن الطفل تؤدي الى الصمم غير عن انها تأثر على السمع

ما ادري بس احسه طبيعي بنتي مثله بس اهم شيء نطق كم كلمة وبس والباقي جاي لا تخافين

انى بنت اختى ما تكلمت الا بعد 3 سنوات وهكي ويش حلاوتها

ها شي عادي

rawiyah الله يحفظهم لك يعني اتطمن عليه في عمر كم تكلموا اولادك لان تجربتي الاولى كانت مع بنتي و تعرفي دايما يتضايق و يصرخ و يفهم حركات بنتي انها تغيظه فيبكي منها
Blossoms مشكورة حبيبتي عمره سنه و نص و احس ان يتعلم كلمة كلمتين و ينساهم و الماي عالجته تعرفي يوك كان فيه ماي تخطيط السمع اليدوي العادي كان 50% فشكك الكل فعملوا اليه اي بر ار حبيبي وانا كان معاي القران و طول الليل ادعية و حطوا وايرات في راسه و سوا له تخطيط سمع بالكمبيوتر و طبعا عطوووه منوم فطلع كل شي طبيعي الا اليمين عند درجة 20 سوي خفيف بس الدكتور قال طبيعي جدا مافي مشكلة

غزالة زوجها مشكورة حبيبتي بس بنتج كم عمرها و بعد البنات غير يحبون السوالف و الكلام

احلى فراوووولة صحيح حبيبتي الحمد لله

والله ان تجاربكم و رددودكم ريحوا نفسيتي مع ( ولدي ) و صرت اتعامل معاي طبيعي كلش و احس ان بتكلم و بيقول لي ماما

الغاليات ابي تجاربكم

اللي عندها طفل تاخر شوي بالكلام و حركي وايد تفيدني اكثر

مرحبا ...... عروس المنامة حبيبتي ... بنتي الكبيره نفس الحالة .... الحين كملت سنتين ونص بس .. ماتتكلم وحركية عمري ماشفتها تجلس الصراحه ويوم طيور الجنه واي قناة اطفال ... ولا دعايه يشدها وتقعد اتجوف سويتلها فحص سمع قالولي سليم ويوم اناديها ولا اي حد يناديها باسمها ماترد ... او ماتستوعب مادري .ساعات تيجي وترد وساعات لا.. وماتتكلم الا خرابيط دادا بابا ماما وكلام مو مفهوم...وكله تلعب ..المهم قررت اوديها الحضانه والحمدالله احسن بسسسس المس الي في الحضانه قالت لي لازم اوديها متخصص في النطق والسمع لانها ماتستوعب يوم نناديها ويوم نكلمها ماتشوف في عيونا تتهرب ..وماتحب تجلس وتسمع لما نكلمها كله تلعب ماتعرف تندمج مع الاطفال مع انها تحبببببببب الاطفااااال كثير .... المهم ان شاء الله اليوم بوديها وبشوف وبخبرك ان شاء الله ابنك مو بها السوء بس حاسبي عليه لانه التلفزيون يودي الى التوحد اذا اصغر من سنتين.....فانا خااااايفة لانه فرط الحركه يودي الى قلة التركيز ولانتباه مره اخصائيه قالتلي وانتي حاولي ماتاكلينه سويييييت ولا شوكلا ولا كافييين بس اكل صحي .. والله يطمن قبلج وقلبي يارب ادعووو لبنتي

without_horizon الله يطمنش عليها يارب بس الاهل شيقولون انا بنت اختي ما تكلمت الا 5 سنوات بس كانت تفهم اتدكر انها ما ترضى اخد شنطة امها و كانت حركية بس مش مثل ولدي حتى كانوااا يسمونها غتومي .... و بنت خالتي بعد ما تكلمت الا في المدرسة والحين ثنتينهم لساناتهم شطولها و كسالى في الدراسة و كله مع الصديقات و التلفونات و الصداقات

بس صح انا ولدي كان طول الوقت مع باري و خد ادوية ربو واجد كرتزون و بخاخات و ابر بشكر واجد واجد وولاته كان تعبان
و غلطتي كان طول الوقت مع بارني في التلفزون وكان في ماي في ادنه عالجته
و بعد ما قطعت عنه بارني صار اجتماعي يعرف يحظن خالتي و امي و اختي يركض و يجي يسوي حظينه بس الكلام

شارلي شابلن يتحرك بسرعة بدون كلام

دادا اننننن ايييي و اسمي و كلام مو مفهوم

المشكلة هالدكاترة هالايام كل واحد يحط مليون عيب في الطفل بأساس و بدون اساس

بس في دكتور شافه شاطر مال ادن و انف و حنجرة قال لي هدا سمعه عادي بس ما بيتكلم بسرعه لان هايبر سريع و السريع ما يركز

بس خلي ايمانش بالله و روحي طمنينا و طمني روحش عليها و ادا شي والله والله لا يقوله تدرين بدري احسن من عقب

من خبرتي السابقة في التدريس ( كنت مدرسة ) ان التلاميد فروق فرديه تختلف من واحد لواحد يعني وحدة شاطرة شاطرة و تأئتأ في الكلام و وحدة لسان وش طولة و كسلانه و ما تستوعب و عندها صعوبات تعلم ووحدة متوسطة و كسلانة

يعني ما في حكم لخلق الله لا علم ولا غير علم

اتدكر تلميدة صغيرة كانت تقول لي انا شفتج مع زوجج اول يوم مدرسة توقعتها فلته من الدكاء و قوة الداكرة و خصوصا نظراتها الا بعدين طلعت اكسل من الكسل و الاهمال

فالحكم بيد الله العلم على عيني وراسي بس رب العالمين فوق كل عالم و طبيب و فوق كل دي علم عليم

يجيبون لنا دواء و يمدحونه و بعدين يسحبونه يقولون مضر محد يعرف السر و اخفى الا الله الله الله

و الله يشفيها و يطلق لسانها رب اشرح لي صدري و يسر لي امري و احلل عقدة من لساني يفقه قولي

الم نجعل له عينين و لسان و شفتين و هديناه النجدين

الله يشفيها بشفاء الله و يشفى ابني معاها بشفاءه