كرهتها ابغى نصيحه

أريج الأقحوان;12014538:
أهلا بك أختي الحبيبة:

أختي:
يمكن تكونين أنتِ السبب!!
تدرين ليش؟؟
يمكن كنتِ في البداية بس تسولفين عنها عنده,وتكلمينه بالتفصيل!!

ويمكن هو فرحان أنك مرتبطة بإنسانة خلوقة مهتمة فيك وفعيالك,وبالتالي هو مقدرها..

بس كونك تغلطين عليها وتسبينها هذا غلط,حرام عليك,ما يصير كذا..

عادي خلي الزيارات بينكم مثل ما هي,لكن لا تجيبين سيرتها قدام زوجك كثير ولا تكلمينها قدامه,ولو زارتك بالبيت حاولي انه يكون ماهو موجود بالبيت.

ولا تسألينه لا تخلينه يحط بباله تفكير ثاني,وتنكدين العيشة عليك.

خلي الأمور عادية جداً ولا تتحسسين كثير يالغالية,الحرمة متزوجة وعندها عيال وقلتِ بنفسك أنها خلوقة,فلا تقلقين نفسك وتخربين بيتك بالمشاكل وتخربين علاقتك بصديقتك,نحي الغيرة شوي,وطنشي عشان تقدرين تعيشين بسعادة.

والله يوفقك,ويسحر لك بزوجك,ويديم المحبة بينكم,ويصلح حالكم.

سالي الاحزان;12014770:
حبيبتي
احس اذا زوجك يتكلم عنها اربع وعشرين ساعة فهالشي موطبيعي ابد
اما اذا فقط يسالك عنها احسه فرحان ان عندك صديقة تحبينها
اما انك تكرهينها فلاتكرهينها لانها مالها ذنب

ملكة مودي;12014802:
اولا شي اختي انتي غلطانه مليون بالميه لاتزعلين من كلامي بس يمكن انتي الي حلاتي المراه بعين زوجك


والحين تجين تسبينها وتقاطعينه ومدري شنو مع انك تمدحيها واجد وتقولين خلوقه نادرا تلاقين صديقه كذا


وبعدين اذا شفتي زوجك يسل عنها وقفيه عند حده خير ان شالله وش دخلك بسوالف الحريم خلك بحالك وبس


والله يكون بعونك بس اكبر غلط انك تسبي بالحرمه وهي ماسوت لك شي ولا اذتك بشي صح ولالا


وبالتوفيق ان شالله

Jasmine-DZ;12015298:

يمكن زوجك أهتم بالمرأة عشانك على أساس أنها و أبناؤها صاروا أصدقاء مقربين لكم أنت وأولادك

بعدما كنتوا لا تعرفوا أحد بالمنطقة ولا أحد يعرفكم فبالتالي كان سعيد بصداقتك لتلك المرأة وحريص على استمرارها
لأنه من غير المعقول أن ينظر الى امرأة متزوجة و بعيالها
اما اذا كان شكك في محلك فخلي علاقتك بها محدودة و توقفي عن تبادل الزيارات معها و ابعدي بذكاء ابناءك عن ابناءها فبيتك أولى و صدق اللي قال " الباب اللي يجيك منو الريح سدو و استريح "

موفقة ان شاء الله

ريحانة القلوب;12017910:
نصيحة لا تكرهي الحرمة ولا شي بس لا تجيبي سيرتها قدام زوجك

ŚũҝąЯ Ŋă3m;12017942:
اختي اذا علاقتك انتي وياها زينه .. حافظي عليها .. والعيب من زوجك باسئلته هذي

بقولك شي .. اقطعيها من البداية .. يسأل عن اللي سويتوه ردك يكون بكلمه وحده .. بشي انتي سويتيه .. اما هي شو قالت وشو سوت قوليله سوالف حريم
واسكتي عنه خليه شوي .. ولا تخلي حركاته تشكك فالحرمه لان العيب فيه هو ..

ونفس الشي ما نظلمه لان الله وحده العالم يمكن ما في شي بنيته .. بس انتي لا تطولي معه ولا تسولفي عنها ابدا لا بالشين ولا بالزين .. يمكن تبغي تذميها وتكون مدح فنظره .. فاحسن لا تجيبي سيرتها ابد

عيون وليد;12016178:
راجعي حساباتك وشوفي وش كنتي تقولين عنها عند زوجك

اختي خذيها نصيحه

لا تمدحين اي حرمه عند زوجك حتى لو كانت ملاك لان الرجال مالهم امان

يعني تعلمي الدرس وبالتدريج ابدي قولي عنها موب نظيفه او اكلها وع موب حلو وشوفي وش يكره زوجك وحطيه فيهااااا وانتي ماتبين تحشين فيه او تغتابين فيها بس تبين تحافظين على زوجك وبيتك

ربي يهدي زوجك يارب