حبيت افتتح هالتجمع عشان نفيد بعض ونستفيد من الخبرات
يعني كل وحده تقول ايش تأكل طفلها وكيف جدول التغذية اليومية وكم وزنه
وايش الحركات اللي يسويها طفلها
عشان نفيد بعض
بسم الله بأبدء
انا عندي ألمى عمرها ثمان شهور
كسولة مرررررة توها تجلس وماتتقلب
عشان انا مااعرضها للشمس بسبب دوامي
وبنتي الحمدلله وزنها 8 ونص
وحليبها سيميلاك والحمدلله ماشيين عليه تمام واعطيها في اليوم 4 رضعات
واعطيها وجبة سيريلاك قمح مع تمر
ووجبة زبادي مع بسكوت شاي مطحون
او بدال البسكوت صفار بيض
ووجبة الخضار وهي اهم وجبة وطريقتها اسلق (جزر+كوسا+بطاط+3ملاعق رز مصري+شويه صدر دجاج )
وبعد ماتستوي اخلطها في الخلاط واضيف مكعب جبن كيري
واحياناً بدال الزبادي اعطيها مهلبية وهي تحبها مرة
وماننسى الفواكة
الموز المهروس لازم منه بين الوجبات
او تفاح مسلوق ونهرسه في الخلاط
وعن جدول التغذية في اليوم اربع رضعات حليب و3 وجبات أو اربع
وخلصنا :p
انتظركم ياأمهات
واذا عجبكم موضوعي الميزان موجود