أشكي معاناتي لمن !!

السلام عليكم ورحمة الله وبركاته ..

كيفكم صبايا عروس ..؟

والله لكم وحشة ..

أسفة ع الغيبة الطويلة اللي غبتها ..

بس للأسف حكم القدر صار اللي تمنيت أنه مايصير

أنا زي ماعندكم أو عند البعض خلفية أن زواجي بـ 1/8

وكنا كلنا فرحانين ومبسوطين وقاعدين أهلي كلهم يجهزون لي خصوصاً أني البنت الوحيدة

فجأة يوم الجمعة قبل أقل من شهر بالضبط 24 / 4 حدث اللي ماكنت أتوقعه

والفاجعة اللي قصمت ظهري واللي تمنيت أني أموت أو أختفيت بس ماعشتها وهي ..

(( موووووووت أمي )) أحن قلب وأغلى إنسانة آآآآآآآآهـ يالدنيا

ضاعت إبتسامتي وأنكسرت فرحتي وماعاد صرت متحمسة لزواج أبداً

بس هذا اللي صار وحبيت أشكي لكم لأنكم خواتي في الله وماتتصورون كيف أحبكم

من فترة وأنا لوحدي قعدت أفكر أشكي لمين قلت مالي الا بنات منتداي الغالي

المهم أخواني رافضين يأجلون الزواج ويقولون لازم تتزوجين في نفس الموعد وأنا ماأبي

وهالموضوع متعبني أشلون أتزوج وأدخل ع الرجال ونفسيتي تعبانه حتى هو بسد نفسه من

الحياة ومن ناحية أقول لا خلني أتزوج عشأن ماأقعد لوحدي لأنه ماكان لي بدنياي الا أمي بس

كنت أنا وهي بالبيت وأخواني كلهم بمدن ثانية ..

عاد أبي شوركم علماً أن الزواج لو أقيم بوقته ماراح أحط [ طـــق ]

لانه باقي ع الزواج شهرين وأمي توها متوفية

وأخيراً أعذروني ع الإطالة وتكفون أبي دعواتكم أن الله يصبرني

ويعوضني بالفرح والسعادة مع زوجي