الابتعاث حلم حياتي

صباح الأنوار
انا في حيرة من أمري , والله مدري ايش اسوي
توي فتحت لزوجي موضوع الابتعاث للخارج (هو انا لي كم يوم اتكلم في هالموضوع بصراحة لأن زميلتي سافرت أمريكا مبتعثة ويا زوجها وأولادها) هو كان ساكت بس اليوم انفجر علي وقالي ان سكوته مايعني موافقته ..
يابنات انا جايتني فرصة من جهة عملي للابتعاث ودراسة اللغة وهو وياي واولادي بس هو رافض نهائيا وبصراحة انا هذا الموضوع مرة طاري على بالي وخاصة بعد ماسافرت صديقتي قد ماحاولت اقنعه مو راضي
قولولي ايش السبيل اللي يخليه يوافق؟؟
والله حاولت انسى الموضوع بس مافي فايدة
وعلى فكرة لاتقولون لي انتي مقصرة معاه . والله ماشاء الله عليه اخذ حقه وزيادة , اول شي انا موظفة وشايله عنه حمل , ثاني شي كل طلباته مجابة واخرها قلي يبي اولاد قلت مافي مشكلة وتركت المانع , غير طلباته الباقية مجابة , غير انه يروح مع اصحابه يسهر واخذله فترة يتهاوش معاي بسبب هذا الموضوع لأني كنت ازعل وقالي انتي ماتفهميني وصرت امتأقلمة على هالوضع واحاول افهمه
بس هذا كله مايخليه يوافق اكمل دراستي برة ويساعدني
كل مرة يطلعلي بعذر , والله يابنات الحمد صار حالنا افضل بكثير بعد ماتوظفت ولله الحمد
اقوله ودينا لندن في الاجازة سياحة (قال الله اكبر لندن مرة وحدة مانتي بصاحية)
ايش رأيكم فيه بالله