انقذوني .. ولدي مدمن طيـور الجنة وكراميش يفضلها على اللعب حتى

زي ولدي مدمن مرررررره كان اكثر شي على طيور الجنه وبعدها كراميش بس انا ما احب كراميش فدحين على سنا بس بصراحه سنا ممتازه مره فيها كرتون واناشيد وقصص احسن من طيور الجنه كراميش جربي احذفي كراميش وطيور الجنه وخليك على سنا وكمان مافيها ايقاع من جد روعه

ما عليكم لا تتضليقوا ولاغ تمسحوها ولا شي انا ولدي كان كذا فترة بس وبعدين راح تتمني يجلس عليها ما راح يعبرها
اصبروا شوي والله المستعان

مثل بنتي ادمنت على طيور الجنه فتره والحين ناسيتهم

مثل حالتي

اولادي مدمنين طيور الجنه وكراميش

واني تلوع جبدي من كثر ما يطالعونهم

حتى اللعب مثل ماقلتين يتركونه عشانهم

حبيبتي هو مثل ما قالوا البنات ممكن تكون فترة و تعدي

و ممكن لا فانت لازم تعدلين بالامور

الطفل لازم يتحرك و يلعب و الا بيصيده خمول

و الطفل بشكل عام ممنوع يطالع تلفزيون او كومبيوتر اكثر من ساعتين باليوم

حاولي تاخذينه للغرفة اللي ما فيها تلفزيون و تلعبون بالالعاب

بالتوفيق

وانا ولدي كان كذا يبكي ادا قلبت ولكن الان ادا ابغاه يجلس والله يبكي مايبي طيور الجنه الاعلى كيفه وكراميش مايحبهاااا

والله الله يهديهم العيال يجننوا الواحد

ياقلبي عليه

عادي حبيبتي اختي كانت مدمنه قبل هالقنوات على سبيس تون يعني لا اكل ولا شر ب الا مايجي الين مكانها

خلاص انسيها قدام هالقناه

ويوم اللي ماتجي انشوده فيها تجلس تبكي

فتره الين ماكبرت صارت الان في المدرسه ونست هالقناه

كل ما اقول لها تذكرين الانشوده اللي تقول من يعرف كيف يكون محبوبا بين الناس تموت علي ضحك

فلا تخافين الطفل يحب الاناشيد والاطفال بالعكس هالقنوات تعلمهم على التركيز ومعرفة الاشياء

فتره وتشوفينه رجال ربي يحفظه لج

مرحبا ..............
أنا بنتي نفس الشي من عمرها خمس شهور امي تحطلها طيور الجنه فالحين مدمنه .... يعني عادي نايمه تسمع نشيده تنش وتنقز على السرير .... المهم بس انا قالولي عادي يستويلها توحد لانه نسبه كبيرة من الاطفال يستويلهم توحد ... اذا شافو التلفزيون من عمر شهرين لين سنه لانه هذا يكون عالمهم .... ويتخيلون الناس ... انا بنتي الحين سنتين .. ماتتكلم ماتستوعب شي الله يعافيها وانا الحين احاول اعالجها عند اخصائي منع عنها التلفزيون لانها صح تلعب وتندمج نفس الاطفال بس فيها .... اشيا من التوحد مو كل شي تستوعبه ............ الله يعافيها بليييييز ادعو لبنتي وحاولو تخففون التلفزيون صح في اطفال ماياثر عليهم بس وايد اطفال ياثر عليهم واحنا ماندري هم يبنون عالم في خيالهم من التلفزيون

الله يكون في عونكم
ويعينكم ويساعدكم على تربيتهم

بس عادي انا مااشوف فيها شيء خلوهم
بيطفشو منهم وبيتركوها من نفسهم

الله يعينك ..

انا ولدي قبل فتره كان مدمن على قناة ( سنا ) .. ماحد يغيرها وما يبي الا هي ..

بس الحمدلله من يوم تعدى عمره سنتين .. وهو الآن متعلق في افلام الكرتون .. خاصة قناة ( براعم ) .. ما أغيرها ..

بس وقت محدد وبسيط جداً يجلس عند التلفزيون ..

احياناً يبكي اذا غيرتها .. لكن أتجاهل بكاءه .. وأغير القناة وأتابع .. وهو يبكي لحد ما يمل ويسكت .. الحين تعود اني اغيرها بأي وقت .. وبعدين هو من نفسه يقوم يلعب ...

هي مشكلة يبي لها صبر .. وتجآآآآآآآآآآآآآهل البكاء ......

حاولي حبيبتي تغيرين لة يعني لعبي معاه بدون ما تشغلين التلفزيوون يمكن يتعود شوي شوي
والله يعينج