سؤال عن برنامج Visio

أستخدمت هالبرنامج علشان ارسم network diagram , OU structure ..

اختي انتي بغيتيه ف شنو؟

عزيزاتي

انا سؤالي يخص ب Data flow diagram (level 0)

قد تعاملتوا ويااه؟؟

او تعرفون حد تعامل ويااه؟؟

ضياء القمر;12010400:

مرحبا أختي :)

ترى البرنامج جداً سهل و بسيط و منظم

و يساعدج في استكشاف الخصائص و المميزات المسهله اللي فيه

ألحين اول ما تفتحين البرنامج

اختاري نوع الرسومات او المخططات اللي انتي تبغينها
و اول ما تختارين النوع بتشوفين صفحه جديدة تفتح لج

و بتلاقين العناصر الاساسية المكونة لهذا النوع من المخططات موجوده على يمينج في ويندوز بروحها

و كل عنصر مكتوب تحته اسمه

مجرد تضغطين على العنصر دبل كليك او Drag & Drop بتلاقينة جدامج في الصفحة

و الصفحه بتلاقينها مخططة مثل الدفتر البياني لسهولة تنسيق العناصر و تنظيمها

بعدين لو حركتي الماوس على العنصر بتلاقين اسهم تطلع لج في كل الاتجاهات

هاذي الاسهم فايدتها للربط على اساس تربطين هالعنصر بغيره

ممكن تتحكمين بشكل الرابط و اتجاهه ان كان تبغينه سهم و لا منقط و لا متواصل من القائمة الاساسية فوق

يعني لو حطيتي عنصر ثاني تحته و ضغطتي على السهم التحتي للعنصر الاول بتلاقين صار رابط بينهم

و ممكن انج تتحكمين في اتجاه الربط بتحريك السهم من النقاط الخضراء اللي بطلع لج لو ضغطتي على السهم نفسه

و الشيء الاحلى انج تقدرين تكتبين داخل العناصر بمجرد تضغطين دبل كلك على العنصر بيطلع لج مؤشر الكتابة و تتحكمين بلون الشكل و نوعه و حجمه من القائمة فوق عادي مثل برنامج الوورد

و السهم بعد تقدرين تكتبين عليه بنفس الطريقة ضغطي دبل كلك و يطلع لج مؤشر الكتابة

هاذي اهو بكل بساطه :thumbs_up:

و ترى البرنامج جداً رائع

أي استفسار آخر أنا حاضرة ;)

و ترى شرحي هاذي كله بالنسبة لنسخة2007 Profissional

و ما اظن النسخة الاقدم تختلف كثير

تقبلي تحياتي : ضياء القمر :o

عزيزتي..أشكرج من كل قلبي على هذا الشرح الوافي..

بس انا الحمدلله اعرف استخدم البرنامج..وندرسه بالجامعة..

عندي واجب وسويت كل الخطوات..بس الخطوة الاخيرة متوهقة فيها ومااعرف كيف اسويها..

علشان جذي سألت عن DFD في Visio

إذا عندج فكرة فيه ياليت تخبريني..

ويسلمو حبيبتي..

أرسلت لج رسالة خاصة