اخاف احمل

هلا والله ..
حبيبتي نصنا المتزوجات إذا موكلنا نخاف نحمل بعد الولاده الاولى وأنا مثلك كنت خايفه أحمل والنتيجه إني حملت بعد بنتي كان عمرها9شهور مابعد كملت سنه,,والحين عندي بنتين وماخذه احتياطات أمنيه قووويه وإن شاء الله أوقف لين 10 سنوات :cool:
وإنتي استخدمي موانع واذا ماتبين العزل أفضل وإنتي وراحتك..

احسن شي خلي ولدك ايتم السنتين وبعدين حاولي تحملي اريح له ولكي اتكون نفسيتك مرتاحة وولدك كبير اشوية ومعتمد على نفس نوعا ما ولو سبب الخوف من تجربة الولادة ترا هذه سنة الحياة وكل الالم والتعب يتنسي لما اتشوفي ضناك

مشكورات اخواتي من الخوف ركبت لولب بعد3شهور من الولاده جلست سنه وفكيته جتني التهابات والحين ركبت للولب مره ثانيه ادعولي مااحمل الابعد عشرسنوات

لا تقولين ادعولي أحمل بعد عشر سنوات ربما تكون ساعه إجابه وتستجاب الدعوه بعدين تندمين أنتي الحين مصدومه من الولاده وبعده راح تنسين واتمنين الحمل أنا ظليت أذكر الولاده لين تمت بنتي سنه وبعدين نسيتها والحين لي سنه تاركه الحبوب ولا حملت وبالتوفيق

سوالف الحب بالعكس لو تجيبي وراء بعض يكون احسن لك مستقبلا يكبرون عيالك سواء ويدخلون المدرسه سواء وترتاحي واذا جبتي 3 او اربعه حطي لولب وفكيه بعد كم سنه انا اشوف كذا احسن لك بكثير

لا والله انا ايدكي خللي اللولب فيكي وبعد مايكمل ولدك اربع سنين فكيه

انا مثلك عنددي ولد هوبكري والله ركبت لولب بعد الولادة باربع شهور عشان الرحم يرتاح وكنت اشرب حبوب والحين بعد ماركبت لولب صح

تعبت من الاتهابات وبعدين روحت عند دكتور ممتازه والحمدلله ولدي عمر 3سنوات وعادني مابفكه لانه مجنني والله ..............

الله يهدي ولدي يارب ويصلح له شانه ويشفيه من كل داء يؤذيه يارب قولوا اللهم امين يابنات

حرام تقولين ادعو انج ماتحملين إلا بعد 10 سنوات انتي بنفسج بعد جم سنه راح تولهين على العيال وتدرني انه الضنا غالي .. روحي شوفي قسم المتأخرات عن الحمل شسون عشان بس وحده منهم تسمع كلمه انها حامل .. استغفري ربج الخوف طبيعي اكيد السبب انج عانيتي بالولاده وكلشي بأجره

اختي الخوف شي عادي .. بس احمدي ربك عل النعمه اللي احنا فيها.. ربي انعمنا بالنسيان .. انا والحمدلله نسيت الام الولاده بعد ماكملت بنتي سنه ونص .. والحمدلله ..

والله لو كل حرمة خافت كان امك ماجابتك ولا اخوانك ولا جدتك جابت خوالك او اعمامك .. انتي اصرفي تفكيرك عن الام وفكري بالنعمه يكفي انه بها الالام تنمحى ذنوب ..

ولا تدعين على نفسك انتبهي ترا تتحسفين .. قولي يارب اكتب اللي فيه صلاح لي وبس

يارب انا اللى احمل