شامبو العسل للشعر التالف من خبيرة التجميل دينا الجارم

ازيكم يا احلى عرايس
ده تانى موضوع لى واتمنى انكم تستفيدوا منه
انتم عارفين انى بتعامل مع دينا الجارم من زمن وكمان متابعها على قناة الخليجية وطبعا هى ثقة فى مجال العناية بالبشرة والشعر والجسم
والنهاردة انا جيبالكم طريقة عمل شامبو العسل بعد ما قدمت لكم برنامج التغذية الخاص بالشعر فى الموضوع الاول
المقادير :
600 جم صابون مبشور طبعا صابون طبيعى بزيت الزيتون او الغار
1 كيلو جرام عسل نحل طبعا نقى
250 ملل مياه مقطرة ودى بنجيبها من الصيدلية
100ملل زيت زيتون
الطريقة :
1- هنعمل حمام مائى وهندوب المياه مع العسل على نار هادية جدا من خلال حمام مائى يعنى مش هنحط العسل مباشرة على النار
2- بعد الدوبان هنضيف الصابون وهنقلب والتقليب يكون بمعلقة خشب
3- هنبدا نضيف زيت الزيتون واحدة واحدة ونقلب يعنى هنضيفه نقطة نقطة ونقلب
4- بعد ما يبرد هنحطه فى برطمان زجاجى محكم الغلق وبمرور الوقت هيجمد معانا وهناخد منه معلقة نضربها ونغسل بيها شعرنا
اتمنى اكون افدتكم وطبعا متنسوش تقيمونى