بعد عشرتى بمنتدى عروس فتره طويله ومعرفتى ببنات كتير كويسه وبقينا صحاب
عارفه ان فى بنات كتير جدعه وبتحب تساعد الغير من قلبها بدون مقابل
عرفت من جوزى حاله انسانيه فالمنتدى اللى مشترك فيه
منتدى نايل موتورز وهو منتدى كبير ومعروف عن البعض
والحاله هى ان فى واحد من المنتدى محتاج المساعده لانه اصيب بمرض سرطان الدم
وده نص الاستغاثه فالمنتدى
(((( يوجد أخ لنا فى المنتدى يعانى من مرض سرطان الدم
وحالته متأخره الى حد ما
يرجو من ذوى القلوب الرحيمه التوجه الى مقر القصر العينى بالقاهره
للتبرع بالدم
للتبرع بالدم
بالدور التانى _ وحدة الأورام
نظرا للحاجه الشديده للتبرع بالدم فى أسرع وقت
أسم الزميل الفاضل / محمد جمعه كامل
يرجى لم يريد التبرع
التوجه بأسرع وقت الى القصر العينى لأنقاذ : أخونا الفاضل
ومقابلة خاله ووالدته هناك من أجل التبرع بالدم )))
وعرفت من متابعت جوزى للموضوع ان مراته حامل وهى اللى واقفه جمبه فى كل حاجه الله يكون فى عونها ويقويها يارب
فحبيت انقل لكم الموضوع يمكن حد يحب يساعدهم فى اى شئ
انا مش عارفه ممكن احط اللينك بتاع الموضوع وله لا بس اللى يحب يعرف تفاصيل يقولى
وسبب نزولى للموضوع ده هو عشمى فيكم خير
والسبب الاهم هو اللى يقدر يساعده ياريت واللى مايقدرش ياريت يدعليه
لانه شاب وكمان تدعوا لمراته الحامل
لانه شاب وكمان تدعوا لمراته الحامل
على فكره انا معرفهمش وكمان مايعرفوش انى هنزل الموضوع هنا بس انا قولت اكيد هينوب كل اللى يدعيله ثواب
وكمان ممكن دعوتكم تستجيب ويخفف عنه المرض ويقوى مراته ان شاء الله
ربنا يشفيه ويخفف عنه ويرجعه لمراته وابنه اللى جى ويقويه ويكون فى عون مراته ويقدرها ويقويها يارب
وربنا يبعد عننا كل شر ويشفى كل مريض ويخفف عنه يارب ويحفظنا من شر المرض
