رؤيــآي

حلم جميل هناك إختيارات في حياتك وستوفقين
في الإختيار الأفضل

والله أعلم

حلمت أني بغرفة النوم وجالسة على سريري وكان بحضني اوراق او كتب وكأني اقرا فيهم او اذاكر..
وفجأة دخلت أختي ومدت لي فلوس وقالت هذا جزء من مهرك على ولد عمي"إبراهيم" والباقي بعدين
قلت:
شلون يخطبني وهم يعرفون أني اكبر منه وكنت متفأجاة بالمره من هالخبر وكان ظاهر على ملامح وجهي

وقالت اختي:
أنا ما ادري هم قالوا لي اعطيك الفلوس وكان ظاهر على اختي علامات عدم الرضى
ولما عديت الفلوس كانوا تقريبا 2525

وجلست بعده افكر كيف صار كذا ...و اقول بنفسي كيف يخطبني وهو من قبل خطب اختي

مع العلم انه بالحقيقة:
خطب اختي اللي اصغر مني بس ما صار نصيب

إن كنت تفكرين به أو يعجبك أخلاقه فالحلم ما هو إلا حديث نفس
وإن لم يكن فاحتمال أن هناك خطيب سيأتي أحواله لا تسر

والله أعلم

الله يجزاك خير اختي حبيت استفسر عند معنى الرقم بالحلم السابق
وشاكره لك

لا معنى له

السلام عليكم...



حلمت أن رن تيلفون بصالة البيت ورديت وكان رجال وقال تحية السلام ورديت عليه..
ثم بدأ يسأل عن الحال والأحوال ويررحب بي فلم تعجبني صيغة كلامه فلم ارد عليه وكأنه يتغزل بصوتي ثم قال لا تفهميني غلط أن عندي بحث وعندي مجموعة اسأله ممكن تجاوبين فقلت له تفضل أسأل فكان سؤاله..
أي نادي تشجعين؟
وبدأ بسرد مجموعة من الأندية السعودية فقاطعت كلامه وقلت" أنا مريحه راسي ما اشجع ولا نادي"
فقال انا بعطيك رقم عشان لو بغيتي تدقين بخصوص البحث و قال الرقم وأنا كنت متكأة على مكتبة او دولاب خشبي وبيدي ورقه وقلم عشان اسجل الرقم وكان بدايته57/58والباقي احاول اجمع الارقام وانساهم وقلت له عيدة مره ثانيه ونفس الشي ما قدرت اكتبه وللمرة الثالثه طلبته يعيدة فقالي هو نفس الرقم اللي عطيتك بالمرتين اللي قبل فقلت له نسيت عيده فكأن يتهرب ما يبغي يعيد فحسيت من تهربه أن الرقم مو صحيح "يعني مألفه من راسه"

وكنت ببيت خالتي مدري اختى وان احنا طالعين نحط اغراض بسيارة وانا طالعت معهم واشوف نفسي من غير عباية صايره قصيرة وشكلي اصغر واحلى
وجنبنا سيارة فيها رجال امكن عمرة 30 وزود من النوع المحترم ويوم شفته عجبني قمت اسوي نفسي كني اتكلم مع اللي جنبي والعب معه احاول الفت انتباهه واقول لااااااااااا بصوت عالي وهو شكلة يناظر
* فيني وانا فرحت وكأنه يحاول يعطيني شي اسمعه انه ناسخه بسي دي" او اسطوانة ما اذكر اذ اخذته او لا"
وبعده شفت نفسي ببيت وكن زميلتي فاطمة الهتلان متكيه واناظر فيها اناديها فطوم ابي اسلم عليها هي غمضت عيونها"كانها ما انتبهت لي"
*تتبسم كنه ما شافتني وبعد رحت اكلم ولد اختى صغيراحاول ادارك موقف الاحراج انها ما ردت علي
*وفي غرفة ثانية كنت مع بنت خالتي ومع وحدة بنت من الاهل تسالني البنت عندك حق الشعر اقولها رغوة لا ما عندي بس مثبت عندي
قالت وين قلت لها بصندوق ع اليسار ويوم راحت تشوف قالت ما ابي مثتت ابي شمع شعر قلت ما عندي
*ودخلت حرمه وسلمت وتقول لي ولبنت خالتي وش تقرب لك هذي ردين مع بعض بنت خالتي
*وانا كنت العب بقذلتي قامت من مكانها وقعدت تحرك قذلتي معي وقالت زينه هالبنت وشعرة واجد؟ بصيغة سؤال وردت
*بنت خالتي ايه
*وقعدت مكانها وقالت شكل هالبنت تعاني من جلوسها بالبيت وتناظر بي

السلام عليكم...



حلمت أن خالي مسوي اطباق من الطعام وكان عزمنا ببيته وطاولة الطعام مليانه اكل وجالسين ناكل "انا ما ادري سبب هذه العزومه"
وبعده شفت بنت خالتي مع بنات اعمامها.. وبنات عمتها مجتمعين بغرفة وعندهم ملابس وكانوا يتشاورون في اللبس وكل وحدة تقول لثانية شرايك بهذي البلوزه وهذا اللبس ..
وانا كنت جالسة اناظرهم من غير ما اشاركهم
وبعدة شفت نفسي في صالة بيت خالي وكنت جالسة ع الكنب وجات اختي معها ورقة وقلم وقالت" حددنا زواجك في اربعه
قلت لها: اربعه ايش ؟ شهر 4 او يوم4 ؟
قالت اكيد شهر 4

الله يجزاك خير يعني زواجي بيكون بشهر اربعة<يؤخذ بظاهر الرؤيا
بشريني ربي يعافيك

/

السلام عليكم...



حلمت أن أبوي يدف بيتنا من مكانه ونتيجه الدف تششقت ارض البيت وبين جوف الأرض وكأن فيه فار طلع من التشققات...

أختي الكريمه
الحلم مكروه لا داعي لتفسيره
والله يكتب اللي فيه الخير لكم إن شاء الله

السلام عليكم...


حلمت اني رحت عيادة لشعر والبشرة عشان اهتم بشعري وجلست الدكتورة تفحص شعري ثم قصه الاطراف وحطت شعر ع الطاولة ويوم شفت قلت لها قصيتي جزء طويل قالت لا عشان يتحسن شعرك وشفت شعري بالمرايه كنه صار افضل
وبعدها كان فيه حرمه اماراتيه جات وقالت لي لو اخطبك لاخوي توافقين؟..قلت طيب وكيف و وين بعيش بعد زواج قالت:حياتك كلها تنتقل للامارات قلت اخاف اهلي ما يوافقون..صج انا قبل اتمنى اعيش خارج منطقتي بس ما توقعت خارج سعودية
وبعدين جلست انا ودكتورات وممرضات ومعنا دكتور رجال ع طاولة دائرية عليها فواكه"برتقال/تفاح/موز" وجنبي حرمه هندي تاكل فواكه مقطعه واستغربت انها تحط مع الفواكه قطع دجاج
والدكتور قال للمرضه قومي جيبي طبق موز بعدين انا اخذت الموز اللي جنبي تقريبا 3 حبات وحطيتهم بالوسط وبدا دكتور ياكل شي بسيط وقام يغسل يده واحنا ظلينا نسولف

حلمك من اضغاث أحلام
ولا بأس عليك إن شاء الله

حلمت اني ذهبت لدكتورة النساء والتوليد ولما دخلت شفت بنت خالي واقفه وزوجة جالس ع كرسي وكانهم خلاص خلصوا كشف بيطلعون وانا دخلت وجلست ع الكرسي وقلت لدكتورة انا متزوجة من سنة ومتاخرة بالحمل..
فقالت لي نسبة الدهون عندك 83 على 33 وسألتني كم وزنك؟ ثم قالت اطلعي ع الميزان و وزنت طلع وزني 61 قالت وزنك ممتاز والمفروض المثالي لك 63
وبعده جلست تسالني وكذا الا فجاة دخلوة مجموعة كبيرة من الاطفال ع العيادة وسووا ضجة وحوسه بالمكان وانا ع طول اخذت ورقة اللي فيه نسبة الدهون وجوال الدكتورة وخليتهم بيدي خفت الاطفال بضيعونهم



ــ


في الحقيقة انا غير متزوجة/ وبنت خالي هذي حامل

ــــــــــــــــ