مشكلتي مع زوجي !!!

السلام عليكم
شخباركم مشرفات اتمنى تكونوا بخييير
بغيت اطرح لكم مشكلتي واتمنى تلقون لي حل لأني تعبانه هالأيام منها:(واشكر صديقتي الصدوقه جالنج الي عطتني نك نيمها اكتب فيه مشكلتي ...
أول شي بعطيكم نبذة عن حياتي ..متزوجة صار لي تقريباً 3 سنوات وعندي بنوتة ..علاقتي بزوجي طيبة أحبه ويحبني ربما أكثر من نفسه ..ملتزم وخلوق ..كريم بماله ومشاعره ..طيب المعشر رومانسي ..تحدث بينا بعض المشاكل ولكن سرعان مايقدم لي اعتذاره ويبحث عن ارضائي بأي طريقه
قبل 5 أيام بعدما ذهب إلى النوم اكتشفت في جهازه عن طريق الصدفة عناوين لملفات اسمائها أثارت فضولي وشكيت فيها .. لما حاولت فتحها ماانفتحت ..رحت الى الهستوري شفت انه كاتب في قوقل كلمات فاضحة عن الجنس ..انصدمت وطاحت دموعي والله اني ماتوقعتها منه أبداً خاصة اني ما مقصرة معه في هالناحية بالذات ..ولا مرة من بدايه زواجنا لحد الآن رفضت طلبه بالعلاقه الحميميه .. وحتى لو انا تعبانه مااتهاون بالعكس احاول اكون باجمل صورة واكشخ والبس له واتعطر وهو بنفسه يقول انه يرتاح معاي واايد وبصراحة هالشيء واضح عليه ..عشان جذي انا انصدمت وانكسر قلبي وطول ليلي ابكي من شدة القهر

في الصباح جا يسلم علي كعادته كل يوم قبل لا يروح الشغل وانا بذيك الحزة قلبي غليان عليه ..سوويت نفسي راقدة لكن هو حس من وجهي اني مارقدت وقال لي باين عليج تعبانه اليوم لاتسوين شي ولاتطبخين انا بجيب معاي غدا قلت له اووكي

وانتظرته يوصل الشغل ودزيت له مسج اني مصدومة فيه وووو ....ذيك الحزة ماعرف شيسوي تم يتصل وانا مارفعت التلفون اولاً لأني مو طايقة اكلمه وثانياً لاني كنت ارضع بنتي ...في هالحزة هو استأذن وجا لعندي البيت وحالته حاله لما كلمته قام يبكي ندماااان والله او مرة اشوفه جذي يبكي من قلب ويحضني ويقولي انه ندمان وانه مايستاهلني ..يقول انه مووو جذي بس ضعفت نفسه بذاك الوقت ووصار الي صار ...وبصراحة انا صدقته لان طول وقته معاااي او في الشغل ..في الشغل ماعنده وقت حتى يحك شعره

بس مع هذا ظل قلبي مجروح لليوم ..هو ظل متضايق ويبكي ندم يومين ..ولحد الآن باين عليه مضايق من الي سواه ..قبل يومين كان يبي يتقرب مني وانا اصد عنه ...واثرت عليه حركتي وتضايق وايد ...انا ودي ارجع له مثل قبل بس والله كرهت المعاشرة واحس انه بيطبق علي الي شافه في المواقع وقلت له عطني اجازة هالايام عشان انسى الي صار ...
حاليا اتكلم معاه عادي بس الجو مكهرب بينا شوي ...احس قلبي للحين ماصفا عليه وعلاقتنا مو مثل قبل
والله تعبانه وخايفة على حياتي الزوجية من الضياع !!!!!