اليوم جايبة لكم سلطة و لا اسهل :013:
سهلة و سريعة و ما تاخذ من وقتج ربع ساعة :092:
نبدا الخطوات و المكونات كلها في الصور .. جوفوا معاي
اول شي بنحتاج له .. خس و المقدار حسب الاشخاص اللي بتسوين لهم
انا كنت مسوية لشخصين و استخدمت 10 خسات تقريبا :038:
بعدين قطعت 2 طماط حجم صغير في صحن بروحه
و السبب :042:
اني اتحكم في كمية السوائل في السلطة .. ما ابي ماي الطماط يذبل السلطة :03:
ضفت الطماط المقطعة الى الخس
بعدين قطعت 1 خيار لقطع صغيرة و ضفتها الى السابق
بعدين ضفت 3 - 4 ملاعق زيتون مقطع الى السابق :014:
حطي 4 - 6 ملاعق ليمون او حسب الرغبة >> طبعا انا حطيت اكثر لاني اموت بالليمون :02:
ملح حسب الرغبة >> بعد كثرت منه لاني احبه :037:
حطيت 3 ملاعق زيت زيتون :060:
نصيحتي : لا تتخوفين من هذه النقطة و جربيها :07:
انا زوجي ما يحب زيت الزيتون :034: و قلت الا اجرب :071:
و الحمد لله عجبته و قال طعمها طالع حلو :009:
قبل لا نضيف مكونا السري .. نخلط السلطة عدل بالليمون و الملح و الزيت :036:
و مكونا السري هو هذا
ما ادري شنو يسمونه .. بس هو عبارة عن قطع خبز صغيرة و محمصة جاهزة
طعمها رهيب في السلطة و تعطي طعم مميز :092:
و اهني بعد ما ضفنا الخبز المحمص
نصيحة :017:
لا تضيفين الخبز الا قبل دقيقة من التقديم
لان الليمون ممكن يخليه لين و شكله مو حلو >> تروح القرمشة :036:
السلطة جدي جاهزة :094: لكن اذا تحبين الجبن مثلي :032: تقدرين تسوي هالخطوة
و هذا هو شكلها النهائي
و بالف هنا و عافية على قلوبكم
و اذا عجبتكم طريقتي قيموني :087: