الى متى بصبر ...؟؟

//




ما ادري وش اقول وش اكتب



ودي اقووم الحين اكفخه



تعبت وربي وربي تعبت



الى متى بصبر يآآآآرب



مشكلتي زوجي


اليوم وبعد عشر او احد عشر سنه زواج يمد يده علي يضربني


وبعد حآآآآآمل


ودي اروح عند اهلي بس مصبرني عيالي


ودي اروح ارتاح يومين عند اهلي بس اعرف عيالي بيتكلمون على اللي صآآر وانا مابي احد يعرف


زوجي اليوم ضربني قدآآآم عيالي


وعلى ايش


على سبب تافه مثل وجهه


كل هذي الحوسه والضرب والصياح والبكا


علشان بنتي احل لها الواجب

واذا غلطت صارخت عليها


قام وعصب ورمى الكتاب وليش تصارخين عليها

مسوي نفسه الاب الحنون

وهو يوم اقول له ذاكر لها

اذا جا يذاكر لها ومافهمت صارخ عليها

مايشوف نفسه


المهم


اخذ الكتاب والدفتر وجاب جزمه { الله يكرمكم كبيره } يقولي ذاكري لها واذا صارختي بهذي الجزمه


اخذت بنتي ورحت غرفه ثانيه وجا ورانا وهو مشعلل نار


وانا خانقتني العبره يكلمني بهالاسلوب قدام عيالي


ورميت الكتاب وصرخت عليه وبكيت

وهو يردد احسن ابكي مثل ماتبكي هي

ودعيت عليه

ويوم رميت عليه المخده جا وضربني يقولي تمدين يدك علي


وانا حآآآمل


وقدام عيالي


بعد المكافخه والصراخ وهذا كله الصباح قبل لاتروح بنتي المدرسه

وانا ابكي تذكرت بنتي وتذكرت الواجب حقها وادري استاذتها عصبيه

اخذت الشنطه مره ثانيه وناديتها وبنتي كانت متأثره من المنظر الصياح والضرب

وقلت لها تحل الواجب وانا اتوجع من الالم رحمتني بنتي وقالت بكتبه في الفصل قبل لاتجي الابله

قلت لها طيب / ولبست وراحت المدرسه


/



آآآآآآآآآآآآه يآآآآآآآبنات بالحييييل مقهوره




وربي ودي اقوم اكفخه



تعبت تعبت


الى متى بصبرر


ماهو ارحم مني من بنتي



كل شي في سبيل عيالي يهون




آآآآآآآآه رحمتك يارب