السلام عليكم
أقدم لكم تقرير سفرتي لدبي بتاريخ 23ابريل إلى 26 ابريل 2010
السفرة كانت مفاجئة من زوجي بمناسبة ذكرى زواجنا والحمدلله استمتعنا فيها وغيرنا جو
السفرة كانت مفاجئة من زوجي بمناسبة ذكرى زواجنا والحمدلله استمتعنا فيها وغيرنا جو
نبتدي التقرير
يوم الجمعة الموافق 23 /4 توجهنا لمطار البحرين الدولي وصلنا المطار على الساعة 1ونص الظهر
يوم الجمعة الموافق 23 /4 توجهنا لمطار البحرين الدولي وصلنا المطار على الساعة 1ونص الظهر
حجزنا كان على طيران الخليج وموعد الاقلاع كان على الساعة 3 ونص وطبعاً الوقت من البحرين إلى دبي هو ساعة واحدة بس يعني وصلنا دبي على الساعة 4 ونص بتوقيت البحرين
ومن مطار دبي أخذنا تاكسي وتوجهنا إلى فندقنا اللي هو فندق ديرة سيتي سنتر (الصورة من النت)
ومن مطار دبي أخذنا تاكسي وتوجهنا إلى فندقنا اللي هو فندق ديرة سيتي سنتر (الصورة من النت)
لوبي الفندق
وهذا المنظر من غرفتنا
الفندق 5 نجوم وهو متصل بمجمع السيتي سنتر من الطابق الثاني نقدر ندخل على المجمع مباشرة
بعد ما ريحنا شوي وصلينا المغرب بدلنا وقررنا ننزل السيتي سنتر نتعشى لأن كنا ميتين من الجوع
وهذي صورة للسيتي سنتر من النت
وهذي صورة للسيتي سنتر من النت
أول شي سويناه رحنا كارفور اشترينا قاري (عربة) لبنتي علشان أسهل لنا في التنقل والحركة وبعدين رحنا ساحة المطاعم بس الوضع ما كان يشجع أبداً لأن المكان كان مليااااان على الآخر خبركم يوم جمعة ودبي ما شاء الله جميع الجنسيات فيها فزوجي قرر إن نطلع نتعشى في مطعم بره المجمع أفضل وهذا اللي صار أخذنا تاكسي وقال إليه زوجي يودينا مكان يكون فيه مطاعم وراعي التاكسي وصلنا مكان يسمونه شارع المرقبات في مجموعة مطاعم عربية اخترنا منها مطعم عراقي اسمه صمد
وكان اختيار موفق أجواء المطعم عراقية روووعة والأكل ولا أحلى
ويقدمون الستارتر مجاناً وكان عبارة عن
ويقدمون الستارتر مجاناً وكان عبارة عن
شوربة عدس يمي يمي لذييييذة جداً وسلطة وطبعاً خبز تنور عربي كل ما خلصنا واحد جابو لنا غيره سااااااااخن
و نسيت ما صورت لكم الطبق الرئيسي ما تذكرت إلا بعد ما قضينا عليه خبركم الجوع وما يسوي :D
بعد ما خلصنا العشى نزلنا تمشينا شوي في الشارع والمكان كان حيوي رغم إن الوقت كان نص الليل وبعدين أخذنا تاكسي ورجعنا الفندق وبعد ما نامت بنتي قعدنا أنا وزوجي نخطط للأماكن اللي بنروحها في اليوم الثاني واستعنا بموقع المسافرون العرب واستقرينا إن نروح دبي مول وجميرا بيتش
يوم السبت 24/4 قعدنا من النوم على الساعة 10 إلا ربع جهزنا على السريع ونزلنا نتريق في الفندق الريوق كان فيه تنوع بس الشاي ما عجبنا لا أنا ولا زوجي ما كان فيه طعم وعلى قولة زوجي ما يجيب الراس
بعد ما خلصنا الريوق صعدنا غرفتنا مرة ثانية وتجهزنا للانطلاق حسب خطتنا كان هدفنا نروح دبي مول وزوجي قرر إن نروح في المترو بدل التاكسي
وهذا اللي صار طلعنا من الفندق وتمشينا لمحطة المترو لأن كانت قريبة من فندقنا وهناك زوجي اشترى تذكرة ركوب المترو وسعرها رخيص على ما أعتقد 7 دراهم يعني 700 فلس فقط
بعد ما خلصنا الريوق صعدنا غرفتنا مرة ثانية وتجهزنا للانطلاق حسب خطتنا كان هدفنا نروح دبي مول وزوجي قرر إن نروح في المترو بدل التاكسي
وهذا اللي صار طلعنا من الفندق وتمشينا لمحطة المترو لأن كانت قريبة من فندقنا وهناك زوجي اشترى تذكرة ركوب المترو وسعرها رخيص على ما أعتقد 7 دراهم يعني 700 فلس فقط
للأسف ما صورت المترو بس هذي صورته من النت
وأنصح اللي يروحون دبي إن يستخدمونه للتنقل لأن سريع ورخيص والتنقل فيه ممتع تقدر تشوف دبي كلها من خلاله:thumbs_up:
وصلنا محطتنا اللي هي محطة برج خليفة/ دبي مول
بس لأن المترو ما يوصل عند المول مباشرة فكان لازم ناخذ الباص اللي شفناه ينتظر من بعد ما طلعنا من المحطة وعلى طول ركبناه
ووصلنا إلى المول خلال أقل من 10 دقايق
وصلنا محطتنا اللي هي محطة برج خليفة/ دبي مول
بس لأن المترو ما يوصل عند المول مباشرة فكان لازم ناخذ الباص اللي شفناه ينتظر من بعد ما طلعنا من المحطة وعلى طول ركبناه
ووصلنا إلى المول خلال أقل من 10 دقايق
(من النت)
طبعاً دبي مول يعتبر من أضخم المجمعات في العالم وعلشان نفتر فيه كامل ما تكفينا ولا حتى 6 ساعات وهو صاير بجانب برج خليفة اللي يعتبر أطول برج في العالم
وهذي صور من داخل المول
وطبعاً المجمع يطل على نافورة دبي فقلنا نطلع شوي نشوف المنظر الخارجي واللي كان رووووووعة شوفوا
ومن الجهة الثانية يبين برج خليفة بارتفاعه الشاااهق
(الصورة من النت)
(الصورة من النت)
بعدين رجعنا لداخل المول لأن الوقت كان ظهر والشمس بعدها حارة ،، تمشينا وصعدنا الطابق الثاني ندور على الاكورايوم اللي كان الهدف الأساسي من زيارتنا للمول وأخيراً حصلناه ورحنا على طول شرينا تذكرة الدخول تفضلوا معانه نشوف الأسماك مختلفة الأحجام والأشكال والألوان
يتبع الرجاء عدم الرد
