عالطول كده من غير لت وعجن ;)
نص ك لحم مفروم
بصله متوسطه
م ص ملح
م ص فلفل
حبه واحده طماطم
الطريقه\\\\
هاتى البصله وابشريها ناعم وبعدين صفى الميه بتاعتها وخليها على جنب >الميه<
هاتى الكبه وحطى البصل المبشور واللحم والفلفل والملح واخلطيهم كويس
ولو معندكيش كبه اعجينيها كويس او دوقيها فى الهون ;)
ابشرى الطماطمايه وحطيها على ميه البصل اللى طلعت من البصل وحطى شويه ملح وفلفل زعننين
هاتى بقى الكفته وبلى ايديك فى ميه البصل والطماطم وصبعى الكفته
بعد متصبعيها سيبها شويه فى التلاجه
وهاتى طاسه حاميه وحطى معلقه زيت وشوحيها تشويح بسيط لحد لونها الاحمر مابتغير
وبعدين حطيها فى صينيه وفى الفرن تكمل سواها ولما تستوى
طلعيها وهاتى حته فويل واعمليها زى الطبق وحطى فيها حته زبده او زيت
وتكونى مولعه حته فحم وتحطيها فى الفويل اللى فى الزبده وتعطيها بالفويل بسرعه علشان الدخان مش يطلع
لان السر فى الدخان ده
وبالهنا والشفا واللى يجربها يقولى