هلا غاليتيF:
طبعا حياة الأنسان كلها تجارب ممكن حسنة او سيئة ! وبناء على تجارب الواحد فينا تتكون شخصيته ويتعلم اشياء ما كان ممكن يتعلمها من الكتب بس او حتى من تربيته في بيت ذويه.
اليكم تجربة شخصية علمتني شي مهم عن نفسي وعن ان الإنسان مهما فكر انه محصن الا لازم ابليس يتغلب عليه ويوقعه في الغلط ,
ما قول اني مفتخره بهاالتجربة لكن هاي التجربة خلتني اشوف اني مو كاملة وانه مازالت في اشياء خفيه عليا لازم اشتغل عليها واحاول احسنها. واهم شي ابطل غروري وتفكيري اني عمري ما اسوي شي خطأ:lol:
ما ابي اطول عليكم واتركم مع القصة:cool:
الزمن السنة الثانية_ الترم الأول خرجنا من المحاضرة الأخيرة الساعة 1 ظهرا, كنا عطشانات دخلنا كانتين البنات والمكان كان خالي تماما حتى مافي عمال بالكانتين! معظم الطلاب والطالبات طلعو من المحاضرات وطارو على بيوتهم قلنا اوكي خلاص مافي حد ياله نروح على بيوتنا وكنا خلاص بنطلع الا نشوف ملف واحدة من الطالبات محطوط على الطاولة قلنا خلنا نشوف لمين ونرجعه ( قال يعني امينات:rolleyes:)
واحدة من صديقاتي قالت مالنا خص اللي اهو مالها بترجع تاخذه مافي داعي ندخل بشي ما يخصنا.ووافقتها صديقة ثانية بس انا وواحدة ابليس كبر السالفة براسنا على اساس اننا بنشوف اسم البنت وبنرده الها :thumbs_down:
ومع اخذ ورد ا بين الأيه واللأ! قامت صديقتي اللي كانت مؤيدة لكلامي وفتحت الملف( اقسم بالله والله على ما اقول شهيد ان كل شي في جسمي كان يرتعش رعشة مو طبيعية ابدا وكأني كنت اطالع حد متعري او بيسوي شي حرااااااام:o)
المهم تغلب ابليس حتى على صديقتاي المعارضتان وقمنا كلنا نطالع دفاترها الا طاحت من بين ثنيات الدفتر ظرف فيه رسالة وصور فوتوغرافية طبعا كنا مستمرات في التفتيش _ كانو صور واحد من اقارب صديقتنا اللي معانا راح امريكا حتى يتخصص في اللغة كاتب رسالة حب لهذة الطالبة شكلهم كانو على علاقة لأن احنا خفنا نقرا الرسالة!
مرت الدقايق سريعة الا وكل واحدة فينا كانت تتعرق حتى تحت عيوننا قامت تتعرق!
وفجأة دخلت علينا بنتين وكأنهم كانو عارفين وش قاعدين نسوي من شدة الخوف والربكة رمينا الظرف باللي فيه تحت واحدة من الطاولات وقمنا مشينا بأسرع مايمكن لين طلعنا من الباب قمنا نجري وفجأة سمعنا صوت واحدة منهم تصارخ وتقول ( بنات وقفو شوي لو سمحتو)قمنا وقفنا وعملات حالنا مو مسويات شي وبريئات:!!:
حققت ويانا عن اللي صار وانكرنا انكار تام اللي حصل وكبادرة اخلاقية قلنا الها اذا تحبي تفتشين ملفاتنا وشنطنا اتفضلي ما في شي نخبيه:worn_out:
اهي ماصدقنتنا طبعا بس مادري وش اللي خلاها تتركنا في امان وفي هذة اللحظة جت صديقتنا الخامسة على شان تستعجلنا وسمعت اللي صار بيننا قامت تزمجر وتتوعد وتقول للبنت ( عيب احنا بنات ناس وما نسوي ها السوايا واكيد انت غلطانة وانا عمي بيشتغل في امن الكلية وبكلمه فالبنت خافت لا واعتذرت بعد:thumbs_down: واحنا قلنا الها ما صار الا الخير واذا حابة نجي ندور على بوكج اللي ضاع حنا مستعدين لأنها قالت في شي ضايع علي جفتوه ) المهم بعد ماراحت واحنا مشينا سألتنا رفيجتنا على الموضوع قلنا الها كل شي الا قامت تصارخ وتقول ياويلي لو كنت وياكم كنت اعترفت من اول مايت يمي واكيد كنت بوطي على ريولها تسامحني:lol: وبينما نحن نتكلم طلعت البنت ويا رفيجتها صاحبت الملف وعيونها حمرا شكلها كانت تبكي في هاي اللحظة كرهت نفسي واللي سويته, وللحين كلما اتذكر هاي القصة استغرب اشلون سويت جذي انا ولله الحمد اتربيت احسن تربية وطول عمري ما مديت يدي حتى على اغراض اخواني او حتى امي 0 الله يحفظها ) بس ما ادري وش اللي صار وخلاني اسوي ها الشي.
بس بعد ها الحادثة صرت اتعلم اشلون اطرد ابليس اول ما يبدأ يوسوس لي اسوي اي شي خطأ مهما كان ولله الحمد خففت درجة غروري بأني معصومة من الخطأ( حسبي الله ونعم الوكيل)
تعلمت بعد ان الأنسان لازم يكون قوي بالحق ومع الحق وان الصاحب ساحب يعني نحمد الله ان المسألة ماتطورت لشي اكبر كان رفيجتنا العاقلة انضرت بسببنا بالرغم من تحذيراتها ورفضها للي سويناه.
آسفه طولت عليكم بس حسيت اني لازم اشاركم شي من تجاربي , انشاء الله تستفيدون منها F:
اطلب من كل اللي تقراها تشاركنا بقصة حدثت لها واستفادت منها و خرجت منها بعبره.
طبعا حياة الأنسان كلها تجارب ممكن حسنة او سيئة ! وبناء على تجارب الواحد فينا تتكون شخصيته ويتعلم اشياء ما كان ممكن يتعلمها من الكتب بس او حتى من تربيته في بيت ذويه.
اليكم تجربة شخصية علمتني شي مهم عن نفسي وعن ان الإنسان مهما فكر انه محصن الا لازم ابليس يتغلب عليه ويوقعه في الغلط ,
ما قول اني مفتخره بهاالتجربة لكن هاي التجربة خلتني اشوف اني مو كاملة وانه مازالت في اشياء خفيه عليا لازم اشتغل عليها واحاول احسنها. واهم شي ابطل غروري وتفكيري اني عمري ما اسوي شي خطأ:lol:
ما ابي اطول عليكم واتركم مع القصة:cool:
الزمن السنة الثانية_ الترم الأول خرجنا من المحاضرة الأخيرة الساعة 1 ظهرا, كنا عطشانات دخلنا كانتين البنات والمكان كان خالي تماما حتى مافي عمال بالكانتين! معظم الطلاب والطالبات طلعو من المحاضرات وطارو على بيوتهم قلنا اوكي خلاص مافي حد ياله نروح على بيوتنا وكنا خلاص بنطلع الا نشوف ملف واحدة من الطالبات محطوط على الطاولة قلنا خلنا نشوف لمين ونرجعه ( قال يعني امينات:rolleyes:)
واحدة من صديقاتي قالت مالنا خص اللي اهو مالها بترجع تاخذه مافي داعي ندخل بشي ما يخصنا.ووافقتها صديقة ثانية بس انا وواحدة ابليس كبر السالفة براسنا على اساس اننا بنشوف اسم البنت وبنرده الها :thumbs_down:
ومع اخذ ورد ا بين الأيه واللأ! قامت صديقتي اللي كانت مؤيدة لكلامي وفتحت الملف( اقسم بالله والله على ما اقول شهيد ان كل شي في جسمي كان يرتعش رعشة مو طبيعية ابدا وكأني كنت اطالع حد متعري او بيسوي شي حرااااااام:o)
المهم تغلب ابليس حتى على صديقتاي المعارضتان وقمنا كلنا نطالع دفاترها الا طاحت من بين ثنيات الدفتر ظرف فيه رسالة وصور فوتوغرافية طبعا كنا مستمرات في التفتيش _ كانو صور واحد من اقارب صديقتنا اللي معانا راح امريكا حتى يتخصص في اللغة كاتب رسالة حب لهذة الطالبة شكلهم كانو على علاقة لأن احنا خفنا نقرا الرسالة!
مرت الدقايق سريعة الا وكل واحدة فينا كانت تتعرق حتى تحت عيوننا قامت تتعرق!
وفجأة دخلت علينا بنتين وكأنهم كانو عارفين وش قاعدين نسوي من شدة الخوف والربكة رمينا الظرف باللي فيه تحت واحدة من الطاولات وقمنا مشينا بأسرع مايمكن لين طلعنا من الباب قمنا نجري وفجأة سمعنا صوت واحدة منهم تصارخ وتقول ( بنات وقفو شوي لو سمحتو)قمنا وقفنا وعملات حالنا مو مسويات شي وبريئات:!!:
حققت ويانا عن اللي صار وانكرنا انكار تام اللي حصل وكبادرة اخلاقية قلنا الها اذا تحبي تفتشين ملفاتنا وشنطنا اتفضلي ما في شي نخبيه:worn_out:
اهي ماصدقنتنا طبعا بس مادري وش اللي خلاها تتركنا في امان وفي هذة اللحظة جت صديقتنا الخامسة على شان تستعجلنا وسمعت اللي صار بيننا قامت تزمجر وتتوعد وتقول للبنت ( عيب احنا بنات ناس وما نسوي ها السوايا واكيد انت غلطانة وانا عمي بيشتغل في امن الكلية وبكلمه فالبنت خافت لا واعتذرت بعد:thumbs_down: واحنا قلنا الها ما صار الا الخير واذا حابة نجي ندور على بوكج اللي ضاع حنا مستعدين لأنها قالت في شي ضايع علي جفتوه ) المهم بعد ماراحت واحنا مشينا سألتنا رفيجتنا على الموضوع قلنا الها كل شي الا قامت تصارخ وتقول ياويلي لو كنت وياكم كنت اعترفت من اول مايت يمي واكيد كنت بوطي على ريولها تسامحني:lol: وبينما نحن نتكلم طلعت البنت ويا رفيجتها صاحبت الملف وعيونها حمرا شكلها كانت تبكي في هاي اللحظة كرهت نفسي واللي سويته, وللحين كلما اتذكر هاي القصة استغرب اشلون سويت جذي انا ولله الحمد اتربيت احسن تربية وطول عمري ما مديت يدي حتى على اغراض اخواني او حتى امي 0 الله يحفظها ) بس ما ادري وش اللي صار وخلاني اسوي ها الشي.
بس بعد ها الحادثة صرت اتعلم اشلون اطرد ابليس اول ما يبدأ يوسوس لي اسوي اي شي خطأ مهما كان ولله الحمد خففت درجة غروري بأني معصومة من الخطأ( حسبي الله ونعم الوكيل)
تعلمت بعد ان الأنسان لازم يكون قوي بالحق ومع الحق وان الصاحب ساحب يعني نحمد الله ان المسألة ماتطورت لشي اكبر كان رفيجتنا العاقلة انضرت بسببنا بالرغم من تحذيراتها ورفضها للي سويناه.
آسفه طولت عليكم بس حسيت اني لازم اشاركم شي من تجاربي , انشاء الله تستفيدون منها F:
اطلب من كل اللي تقراها تشاركنا بقصة حدثت لها واستفادت منها و خرجت منها بعبره.