مربى لذيذة جدا ومفيدة جدا جدا للصغار والكبار
مقاديرها سهلة جداا وطريقتها كمان
المقادير
كوب جزر مبشور
كوب سكر
2 معلقة مية
ذرة قرفة مطحونة
ذرة حبهان مطحون
2 معلقة ماء ورد
عصير نصف ليمونة
ملحوظة المقادير دي تعمل كمية صغننة وانتي ممكن تزودي براحتك
الطريقة
نجيب الجزر نقشره ونغسله
نبشره بالمبشرة او الكبة
نجيب طبق ونحط الجزر والسكر في شكل طبقات طبقة جزر ثم طبقة سكر وهكذا
(الكمية بتاعتي عملت طبقتين جزر وطبقتين سكر)
وهنا هزيت الطبق بايدي بدون تقليب عشان اضمن ان السكر وصل لكل الجزر
نسيب الخليط ده من ساعة الى ساعتين حسب الكمية وهنلاقي الجزر نزل مية كتيير اوي
نحط الجزر على نار هادية ونحط عليه ذرة القرفة والحبهان والمية ونسيبها ربع ساعة على نار هادية
وبعدين نحط الليمون وماء الورد ونسيبها ربع ساعة كمان لحد ما يبقى شكلها كده
نطفي النار ونسيبه يبرد شوية وبعدين نضربه في الخلاط ضربتين تلاتة خفيف بس مش كتير عشان نحافظ على قوام الجزر ونعبيه في برطمانات
وندخله التلاجة يسقع ويتماسك
وده شكله النهائي
وطبعا تتاكل سندوتشات لوحدها او مع القشطة بتبقى وااااااااو :thumbs_up:
وبالهنا والشفا F: