ساعدوني .. هدية ولد أختي

صح كلامج .. هدايا الاولاد اصعب !!


تقدري تاخذي بوكس او كيس ورقي
و تخلي فيه هدايا صغيرة و متنوعة داخله مثل اليويو و هالسوالف

ما بتكلفج واجد و في نفس الوقت بترضي كل ولد بشكل او باخر

اطفال روضة وصغار بالسن يعني هدية بسيطة بتفرحهم
وانتبهي ان لازم كلهم نفس الشي لابدل مايفرحون يصيحون خخخ

روحي محلات بو 200فلس او فخر المملكة واختاري شيء بسيط اليهم

مثلا:
قارورة ماء عليها رسومات اولاد او حتى لون سادة حلو
سيارة صغيرة تطلع صوت او اضواء
مجلة تلوين والوان
حيوانات صغيرة
لعبة شخصية محبة للاولاد مثل سبايدر مان وبات مان وبن تن
الحين بعد طالعين باليويو يسوون به حركات

ومابتتحيرين هالمحلات مليانة هدايا بسيطة

في عيدميلاد كتكوتي اخترت هدايا مختلفة لكل طفل " الحفل كان بسيط وخاص جداً فكنت عارفة ميول كل طفل فيهم تقريباً لأن كلهم أطفال أخواتي " بس كان في شيء واحد مشترك

دفاتر تلوين تعليمية داخلها ملصقات وتلوين وأنشطة " رياضيات أو حروف " الدفاتر كانت 3 أنواع حسب الأعمار بس كلها نفس الفكرة وسعر الدفتر كان 200 فلس وأخذت معاه علبة ألوان بـــ 150 فلس

المهم يوم الجمعة هذي تحديداً كانت أختي تسألني عنهم تقول أكثر شيء عجبوا أولادها ( بنت وولدين ) وكملوا وتبي تآخذ مثلهم إلا كل أخواتي يقولون نفس الشيء أن اولادهم فرحوا أكثر شيء على هالدفاتر " وترى أكثرهم أولاد " رغم أني كنت مآخذة لهم طين ومسدسات فقاعات ومضارب إلخ !!!

وميول الأطفال عندنا مختلفة وكنت اتوقع البنات ينجذبون أكثر لهم لأن الأولاد يحبون الحركة والعنف يميلون لهذي الألعاب أكثر بس من هالتجربة كلهم حبوا الدفاتر خصوصاً لأن فيها تلوين وتمارين وملصقات

المهم الدفاتر أخذتهم من ريف مارت و5 دوائر

ماشاء الله الكل ماقصر

انا بعد اييد فكرة الدفاتر عيد ميلاد ولد اخوي كنت محتاره شو اييب له

لان ماشاء الله الولد الوحيد وكل شي عنده اخوي حتى الدراجات الكبيره ماخذ له

والسيارات اشكال والوان حتى ببترول شي يشتغل فحترت

رحت خذيت بوكس ويبت له دفتر توم جيري تلوين ودفترين تعليمي مع الوان ومقلمه كامله بكل شي

ويبت له كاب وصورة سبيدر مان تتلصق بالغرفه ويبت له صورة العنكبوت مدري شو يسمونه والله

وخذيت له تمثال بيبي يرضع عشان يتم ذكرى عنده

وخذيت له سياره وخذيت له مصاصات اشكال مختلفه ولعبة اليويو

والله ما اذكر شو بعد بس وايد استانس على الدفاتر ولقلامه

قالو وايد حلوه هديتج متنوعه كل شي تقريبا فيها


انا احس لو تاخذين لهم دفاتر والوان وتدبسين لعبه مثل اليويو وايد ايحبونها

شكرا جزيلا كلكم حبيباتي بلا استثناء على اقتراحاتكم الحلوة


ان شاء الله راح اخبركم عن هدية البطل اللطيف واصدقاءه قريب