سؤال حير بالي .. تكفوووون ..

والله الميكروييف ماحد يستغني عنه ابد
انا استخدمه لدرر
وانا سمعت انه فيه ضرر بس مو متاكده وانشالله وحده سالت الدكتور تقولنا
وانشالله مايشوفون شر عيالنا

أنا عندي ميكرويف لكن مادري ليش ماحبه ولا أحب اسخن فيه أحس اشعاعه مضر ..اسخن على النار احسن واضمن

حبيبتي انا عن نفسي دائما استخدمه

لاني سالت دكتورتي و ممرضة الاطفال و اكدولي انه ما منه مضرة

و اللي اكدلي هذا الشي يرنامج التفاح الاخضر هم مرة قالت انه مو مضر

و الله يحمي عيالنا من كل شر

انة بعد مثلكم على اطول استخدمة وما اقدر استغني عنة بصراحة

الله يحمي عيالنا من كل شر ياارب

اللي اعرفه انه مضر وبقوة بعد
لدرجة ان مرة من المرات في التفزيون كان دكتور يقول يجب الابتعاد عن المايكروويف اثناء ماهو يسخن لان بعض الانواع تطلع منه الاشعاعات وتكون خطيرة تدخل مباشرة في اجسامنا

امس كنت اطالع برناامج حكمة نساء في ابو ظبي وقال الدكتور مو مضر

انا قرات كثثير قبل لا ادخل هذا الجهااز عندي ..

وكذا مره شفت برامج و منها اجنبيه بعد ,

واخرها عن صناعته واضراها وفواايده ..!!

وبصراحه فووايده اكثر بكثير من ما تسمى اضرار ..

,

يعني لما تسخنين الطعام فيه راح تحافظين على ,,

الاملاح + الفيتامينات + المعاادن .. الموجوده بالاكل ,

وافضل بكثير من التسخين العاادي ..!!

لانه العمليه تتم بسررعه ,

وعلشان جذي يحاافظ على القيم الغذائيه الموجوده في الطعام ..!

::

وفي برنامج التفاح الاخضر قالو ..!

انووو لا يسبب التسخين بالميكروويف أية أضرار اشعاعية ،

لأن موجات الميكروويف تتوقف وتختفي بمجرد اطفاء الجهاز .

ولا تستمر الموجات في التواجد في الطعام ،:)

::

وبالتالي فهي لا تتسبب في أن يكون الاكل,

في حالة اشعاع بعد اطفاء الجهاز.

و من كل كلامي الا فووق نقدر نقوول أن الميكروويف ,

هو طريقة أمنه لتسخين الاكل وحتى طهيه :cool: ،

و أن الموجات الميكروويف لا تتسبب في تدمير مكوناته,

وتحافظ على العناصر الغذائيه أكثر من طرق الطهو الثانيه ،

وبعد قالو في برنامج التفاح الاخضر ,

أنه هذه الموجات لا تغير من الاصل الكيميائية للاكل ،

و لا تظل موجوده بعد ما نطفي الجهاز يعني تروح بسررعه ..!!

::

اتمنى افدتك بكل شي عندي ..!

F:

أني بصراحه عندي ماكرويف..بس نادرآ ما أستخدمه لين بسخن فيه شي..وأفضل اسخن على نار..وكل شي ليه منافع ليه أضرار وبس..

اني وايد اسمع عن مضاره بس احاول اقلل الاستخدام لاني ما استغني عنه ابدا يفيديني في تسخين صحن الغدا او الساندويش والمعجنات والمكرونا ..

التجربة هي أنه تم الإتيان بوعائين للماء ... تم وضع الأول على النار وتم وضع الثاني داخل الميكروويف .... وتم تسخينهما إلى درجة الغليان .... ثم بعد ذلك تم تركهما حتى يبردان واستخدامهما لسقي نبتتين ... واحدة بالماء الذي تم غليه بالنار والأخرى بالماء الذي تم غليه في المكيروويف

سجود الروح .. والله كلامك خوفني كثير ..!!!

وبنفس الوقت كلام الاخوات اللي قالوا مو مضر طمني شوي ..!!!

بس ما زلت محتاره ..

اجل احسن الحلول الوسط .. ما أكثر استخدامه ..

مشكورات غالياتي على الردود ..

:025:

ام علي الضرر مو بموجات الكروييف نفسه الضرر من نفس الصحن اللي تسخنين منه يعني لبلاستيك مضر جدا
خصصي صحن زجاج لمكرويف تسخنين فيه لا الزجاج يمنع الموجات للوصل للاكل

طول عمرنا نسمع انه مضر ..الناس تخاف من كل شي جديد ..

لكن انا اتفق مع الاخت ام علاوي ..المكرويف ما منه مضره ..والكل يستخدمه ..وحتى الحامل ما يأثر عليها ..لكن احتياطا ً انا ابتعد عنه وهو شغال ..

انا احترام كل الارااء ..

بس الكلام الا كتبته بردي الاول ,

سمعته في برنامج , من مختصين + من مصنيعين الجهاز نفسه ..!!

لكن الانسان عدو ما يجهل , والاحتياط واجب ,,

وبالنهايه براحتكم اكيد ..!

سجود الروح;11962660:

معلومات ثانية حبيت اضيفها من النت ..

بس قبل كل هذا حبيت أقول ان الميكرويف يأثر على المرأة الحامل بشكل كبير وممكن يسبب تشوهات للجنين لا سمح الله

.....................

لو هذا الكلام صحيح ..كان ثلاثة ارباع المواليد مشوووهين ..لانه ما يخلي بيت منه والكل يستخدمه ..


وزي ما قالت ام علاوي الانسان عدو ما يجهل ..

رقة الورد;11967426:
لو هذا الكلام صحيح ..كان ثلاثة ارباع المواليد مشوووهين ..لانه ما يخلي بيت منه والكل يستخدمه ..


وزي ما قالت ام علاوي الانسان عدو ما يجهل ..

اختي انا اقصد الميكرويف وهو شغال يأثر على الجنين مو الاكل الي بالميكرويف

وكل شخص وقناعته

شي اكيد ما راح اجازف بنفسي وباولادي عشان جهاز
مع العلم سبق وقلت اني استخدمه وباعتدال


تحياتي للجميع