المقادير
2 ك دقيق
معلقة صغيرة خميرة تدوب في نص كوب ماء ومعلقة صغيرة سكر
ربع كوب زبدة
3 ملاعق كبيرة لبن نيدو
4 ملاعق كبيرة سكر
معلقة صغيرة بكنج بودر
ربع كوب ماء للعجن
ذرة ملح
كاكاو خام - قرفة بودر - سكر
الطريقة
نخلط المقادير الجافة اللي هي دقيق وبكنج ونيدو وسكر وذرة الملح
نحط على الخليط الزبدة ونقلب
وبعدين الخميرة ونقلب
ونزود ماية شوية شوية لحد ما العجينة تلم وتبقى تمام
اسيبها تخمر ساعة او اتنين
افرد العجينة بالنشابة واحاول اشيل الطروف واخلي شكلها مستطيل
ادهنها بمعلقة او اتنين زبدة وارش عليها كاكاو خام وسكر وقرفة
الفها بشكل اسطواني واقطعها بشويش بالسكينة حلقات وماكبرش الحلقة عشان حجمها بيزيد ارصهم في صنية مدهونة واسيب مسافة بين كل واحدة والتانية
واحطهم في فرن وسط ومش بتاخد وقت عشر دقايق او ربع ساعة بالكتير وبعدين احمر الوش بالشواية
وبعدين ارشهم بالصوص اللي احبه شكولاته توفي كراميل وفي ناس بترشها بلبن محلى
انا رشيتها بحاجة كده مش عارفة ايه ده :!!: باللي كان عندي وقتها وطعمها طلع حلو
سيحت نص كوب سكر عالنار ولما بقى ذهبي حطيت نص كوب اللبن عليه لقيت السكر جمد قوي ومش عارفة اقلبه رحت سيبته وزعلت :( رجعت لقيته ساح وتقل ;)
ملحوظه العجينة بتتعمل بسكر بودرة بس مش لقيت عند العطار وعملته بالعادي ومشي الحال
والطروف اللي شلناها من العجينة نلمها ونفردها تاني ونعمل سينابونة صغننة F:
وبالهنا والشفا والطعم مش هقولكو عليه جربوها وادعولي :thumbs_up:
