في الشهر الثاني ونزل علي دم

وش نوعية الدم ..!
احمر ولا بني
طيب سؤال شوي محرج هل سبقها جماع ؟!

اذا بني وقليل زي النقط تعب ولازم ترتاحين
واذا احمر كثير روحي المستشفى خيه افضل

شكرا الله يعطيك العافية على ردك
ما صار جماع ولونه بني
ليه يوم كامل بينزل علي

والله ماادري حبيبتي انتي بكرة روحي للدكتوره اففففففففضل ممكن انتي متعبه نفسك شايله شي ثقيل وانتي مو حاسه او ماشيه كثير ..

روحي للدكتوره تطمنك اكثر

شكرا جزاكم الله خير
ما قصرتو

الله يثبت لكم حملكم إنشاء الله ...

ويرزقكم الذرية الصالحة ...

NanaWewe;11950829:
السلام عليكم اخواتي
بالله ردو علي نزل علي دم وانا في الشهر الثاني
وماني عارفة ايش اعمل
اللي حصل معاها ياليت ترد علي
لاني قلقانة مرة

روحي راجعي دكتوره

اكيد شايله شئ ثقيل تعب

هذااااااااااااااعليج بلراحه ثم الراحه ثم الراحه

ماتشوفين شر وربي يثبتلج حملج

××

انا زيك ياقلبي نزل عليه شوية دم لونه بني

والله خفت وصرت ابكي وكان زوجي وقتها بالدوام

نصحتني ماما ارتاح واشرب حليب

لحد مارحت الدكتوره خوفتني الله يهديها قالت ممكن يكون بداية اجهاض

صرت ارتجف ومرره خفت بس بعدها رحت لدكتوره احسن قالت عادي

لانه فترة تبويض واهم شي ارتاااااحي وكلي فواكه ومرره لاتجهدي حالك

والحمدلله انا بالخامس الان

وان شاء الله ربي يحمي جنينك

××

حبيبتي كلش لا تخافين

اني بعد صادني جذي في الشهر الثاني

وروحت المستشفى وقالوا لي عادي طبيعي

اهم شي الكمية قليلة

واستمر 3 ايام وانقطع

الراحه....الراحه

انا صار معاي بحمالاتي كلها حبيبتي يسمونه ثبااات وزوجة اخوي بولدها نزل عليها دم احمر ولما راحت الطبيب قالها ترتاح وقال انه الدم اذا كان احمر مع الم معناتها شي خطر وان كان احمر من غير الم عادي والحين عندها علاااوي القمر ربي يرزقك الولد الصالح يارب واذا تبين تطمين اكثر روحي لدكتورتك علشان تتطمنين

الله يثبت حملج يا قلبي
راجعي الدكتورة علشان تعطيكي مثبتات

روحي للدكتورة تعطيش مثبت
وارتاحي لا تعبين روحش

عادي لا تخافين

ربنا يثبت حملك يارب

بالنسبه لي بقولج عن تجربتي

الحمل الثاني نزل علي بني اول يوم وتجاهلته قلت يمكن عادي لاني كنت ماشيه كثير اليوم الثاني نزل دم احمر

رحت المستشفى قالت لي لين زاد رجعي لنا وارتاحي وكنت وقتها اشتغل وخبرت الدكتوره اني اشتغل واتحرك كثير على اساس اذا كان يستدعي اقعد عن الشغل لو لا قالت لي لا لا عادي تحركي يعني مو لدرجة انج تظلي في الفراش لا تحركي عادي بس ريحي

المهم رجعت البيت وزاد الدم وانتظرت يوم ويوم الي بعده قعدت عن الشغل ورحت العصر المستشفى مره ثانيه شافت الدم و وقالت لي يبي لج راحه وسوت لي اشعه انه اول يوم شفت نبض بس هاليوم الصراحه ما راوتني وما سجلت اي تعليق على صور الاشعه ونفس الشي قالت لي ريحي وسألتها عن الشغل قالت اعطيج بس عن اليوم لانك ما داومتي وانتي بكره اجازه بس عادي تروحي بعدها الشغل عاد رجعت البيت والدم ما خف طبعا ما عطتني مثبت ولا شي

يوم ثاني العصر رحت دكتوره عياده خاصه مجرد شافت الدم استغربت انه ما عطوني مثبت وعملت اشعه قالت ان ما في نبض وان الجنين خلاص بينزل وخبرتني انه بجيني نزيف واني بحتاج لتنظيف وفعلا هذا الي صار وفي نفس الليله جاني نزيف ورحت وعملو لي تنظيف. وهذا كان الاجهاض الاول .

والحين انه امر في نفس التجربه الاسبوع الي راح يوم الثلاثاء نزل علي بني وخفت لاني مريت بترجبه مماثله وما خبرت زوجي وصادني حركه كثيره في هالايام

قلت دام بني يمكن ما ينزل دم اليوم الثاني نزل دم مع افراز خبرت زوجي ورحت المستشفى وطلبت من الدكتوره تعطيني مثبت عملت لي اشعه وقالت ان الكيس مكانه الصحيح والحمدلله الوضع سليم

يوم ثاني زاد الدم علي وتميت اخذ المثبت وقلت في نفسي ان المثبت بينقذ حملي هالمره وما بيصيدني مثل المره الي فاتت لانه ما عطوني مثبت في ذاك الحمل

يوم ثاني الي هو الجمعه زاد الالم وزاد الدم وجتني دوره وقلت لامي اني حاسه ان الجنين احتمال ينزل الليله لان الدم الي ينزل مثل اليوم الي اجهضت فيه المره الي فاتت فأما ينزل اليله او المثبت يثبت الحمل والحمدلله مرت الليله على خير .

في اليوم الثاني زوجي اصر اروح عياده خاصه ورحت الدكتوره اول ما عملت اشعه تلفزيونيه قالت ان الجنين بينزل خلاص وان الكيس صغير وشكله ما فيه الا بقايا جنين
ما تتصوري شعوري ساعتها وقالت عشان تتاأكد بتعمل لي اشعه من تحت انه وافقت عشان كنت ابي اتأكد وذبحتي بهالفحص ونزلت لي الدم بكثره

قالت لي خلاص توقفي عن المثبت ويمكن تحتاجي لعملية تنظيف طبعا بكيت وحالتي حاله ورجعت البيت يوم ثاني الي هو الاحد كان راسي واجعني من البكى فرحت المستشفى في الليل على اساس ان مفتكره ان الجنين خلاص نزل لان نزل على قطع دم ورحت على اساس يعملو لي تنظيف

عملت لي الدكتوره فحص تلفزيوني وقالت لا الكيس مكانه وفي شي صغير داخله يعني احتمال ما اجهظتي واستمري على المثبت ورجعت لي الامل من جديد بس الدم الي ينزل علي كثير وفي قطع يعني ما يبشر بخير

تميت في المستشفى لي الساعه 2 الصبح ويوم الاثنين بالليل قررت اروح اقعد عند امي عشان اريح وما اتحرك يمكن في امل احتفظ بحملي

بمجرد وصلت عند امي جاني الم في ظهري والدم يزيد وما قدرت انام من الالم وكل شوي تكرمين اروح الحمام وينزل دم وقطع الساعه وحده باليل دخلت والا شي كبير نزل مني شفت والا شكله كيس ناديت امي تشوفه اتأكد وقالت امي اي هذا اهو عورني قلبي عليه شالته امي في كيس

ورحنا فيه المستشفى والحين لي كم يوم قاعده عند امي وتعبانه كثير .

السموحه طولت عليك بس عشان تعم الفايده حبيبتي لا تتهوني بالدم والراحه ثم الراحه ثم الراحه احنا ينقصنا التوجيه والتثقيف الصحي

ما كو وعي كافي يعني اقول للدكتوره ان شغلي في حركه ومشي كثير عادي اروح تقولي اي عادي ما بعطيش اجازه واجهض يوم ثاني يعني اي راحه الي تقصدها الدكتوره اني احتاجها اذا كنت بمشي مسافه كيلو متر اي راحه تقصد وسياقة سياره لمده ساعه لا حول ولا قوة الا بالله العلي العظيم.

والي ذبحني المثبت الي تميت اخده والمفروض ان الجنين بينزل تميت كم يوم اعاني دم ودوره ما اقدر امشي والم ويطلع السبب المثبت الي اخر الاجهاض

والحين اعاني التعب والم . والله كريم يعوضني خير.

تحملي بروحج ولا تتحركين خاصه اذا كان عندك درج خلي حد يعتني فيك والله يثبت لك ان شاء الله