مو حابة اكتب مشكلتي بس حابه افضفض معاكم

الله يفرج عليك
و ما تخافي رب العالمين معك
المهم ريحي نفسك من التفكير ولي حابه الله راح يكون و اكيد فيه خير

ربي يمتعك بالسلامة

الله يفرج همك
ويقومك بالسلامه

الله ايسهلها عليج يا رب، صح انج ما طلبتي حلول بس ما يمنع.

ولدج ان شاء الله بتكون معاه حماتج في البيت، فيعني لا اتحاتينه، اما بالنسبة لج انتي، جهزي روحج من احين، جهزي اغراضج حق الولادة عشان ما تحتاجين احد في شي، وبعدين شوفي وحدة من ربعج صديقاتج او حتى النسوان الي ايوصلون اتفقي معاها انها اتييلج حزة الولادة وتوديج المستشفى...


اذا كنتي بتولدين في مستشفى خاص فلا اتحاتين شي، اهمه بيقومون باللازم وزيادة، واذا كنتي في حكومي بعد لا اتحاتين بإذن الله، بس اهتمي في نفسج ولا اتحطين في بالج انه ضروري احد معاج.... آدري انج شايلة في خاطرج الي سواه ريلج وامه، لكن الواحد في هالدنيا يتعلم ايشيل روحه بروحه ولا ينتظر شي من احد...


انزين سؤال، ليش امج ما اتيي عندج؟ وبالنسبة انج اتروحين عندها عقب الولادة بإذن الله، اذا حالة هلج المادية زينة روحي على حسابهم، ترى اهم شي النفسية، الفلوس ما تسوى مقابل الراحة...


والله ايسر لج ولادتج يا رب ولا تنسين ان الدعاء وقت الطلق مستجاب بإذن الله.... نسألكم الدعاء

انشاءالله يارب ماتولدين الاوحماتج معاج بالبيت

ويارب ايسر امو ولادتج يارب

الله يجيب اللي فيه الخير

الله يعينج .. والله أنا ما أشوف شي يمنع إنج تنبهينهم .. لا تكونين ساكته و خايفه ...

جلسي معاها و قوليلها أنا متعمده عليج و مالي غيركم ياخذني للمستشفى .. و من هالكلام .. عشان ما يقولون هي ما خبرتنا و لا بينت لنا حاجتها ... الله يقومج بالسلامه يا رب و يجعل مولودج قرة عين

الله يسر ويسهل ولادتش
خيو اتقولين سلفتش زينه وياش من اتحسين ابالام اتصلي فيها حتى لو خفيفة خصوصا ان عندها خبر
خيو ولدش ما بضيع اختي لما جاها الطلق كنت في السعوديه وولدي عندي امي اخذته وياها المستشفى وصلت البحرين على طول المستشفى وللعلم عمر ولدي كان 4 شهور
تعالي عندي الشقه واحطش في عيوني بعد

الله يسهل ولادتك

الله يفرج عليك

خلاص روحي لامك وقولي هشي لريلك علشان يظغط على امه وله اخته انهم يبقون معاك لان بعد لاتفكرين بس بالولاده في ورا الولاده بتحتاجين لاحد يساعدك بالبيبي وبالبيبت وبولدك مافيها شي كلميهم حاولي معاهم وقولي لابوعيالك انك بتروحين لامك لان محد بيبقى معاك وهو مابيقول لا ان شاف فعلا مافي اي احد معاك يعني معاك حق تطلبين هالطلب الله يسهل عليك يارب

اختتتي دام امك عاييشة لازم تروحيين عندها ..ولا تعاتتبين احد ماعليج من احد روحي لي امج وربي يوفققك

الله يفرج همك يااارب ولايحدك على اي مخلوق ان شاء الله ويقومك بالسلااامه ويريح بالك ياااااااااااااارب

مشكورين اللكل اللي جاوب على ودعا معي ان شالله ما ايحط وحدة فيكم فموقفي يارب


بالنسبة لسؤالج (تعبت خلاص ) امي ما تقدر اتجي لانها تشتغل استاذة وما عندهم هل الحزة اجازة هي الود ودها اتييني اليوم قبل باشر وعلي تحاتيني اكتر مني احاتي نفسي

وبالنسبة اروح على احسابهم والله ان ودهم وكلا ايقولولي تعالي ترا ما نبي منج شي بس انا حسيت اني بصغر زوجي جدام اهلي بيقولون ما عنده وشذي فما حبيت صراحة

مشكورة اختي ilshj والله دمعت عيني يوم قريت الرد اقول فخاطري شوف ناس حتى ما ايعرفوني كلش ويبون يكسبون فيني اجر وانتم الي يازعم اهلي تتخلون عني فوقت شدتي
الحمد لله على كل حال والله يبارك لك فولدك وتشوفينه مثل ما تبغين يارب

مشكورة اختي خطيرة على ردج بس هم يدروون ما يحتاج اقولهم هي اتقولي ما بتولدين لين خلصتي التاسع بالله عليكم الواحد يدعي ان الله يعجل ويسهل الولادة وهي اتقولي لا انا حاسة وانج ما بتولدين لين خلصتي التاسع
اقولها انا سالت الدكتورة قلتلها ايصير اولد دي الايام قالتلي اي ايصير لان راس البيبي تحت وكلشي الحمد لله زين
وهي تدعي ان اتاخر
يالله الله كريم

وبالنسبة لشغل البيت بجيب خدامة هدولا اللي بالساعات تنظف وتشتغل وشقتي اصغيرة بسرعة تستوي ما ابي اتعبها بشي بس ابي اتكون موجودة يعني انا مو كلبة اولد ابروحي مو معاي احد وانا كنت عايشة فبيت اهلي معززة مدلله اخر ايامي اكون ابروحي ؟؟؟؟؟؟؟؟؟؟؟؟؟؟؟؟؟؟؟؟؟


الحمد لله والشكر على كل حال وكيف ما قالو البنات الله يسهلها من عنده

يا اختي ..

انتي امك ببساطه قالت لك .. انك .. تعالي بعد اسبوع الحمدالله يعني اسبوع مقدور عليه ورتبي نفسك اسبوع بعد ما تولدين والحمدالله انتي الحين مو بكريه تقدرين تشيلين نفسج.. والصراحه المفروض ماتعتبين عليها .. تدرين ليش .. بالنهايه هي ام زوجك... وهي ما بتعتبرك الا كنتها وبس ..

عموما ان شاء الله العرس الي بتروحه .. ما بطول , وكلها ايام وراجعه ..وادعي رب العالمين... ان يتممها عليك ويسر امورج يااختي... وتقدرين تكلمين زوجك انك تكونين عند اهلك .. قبل الولاده .. على الاقل هناك لمن يكون الولد فبيت امج .. احسن من لا شي... وبعدين امك شغلها يخلص الظهر . خلاص ..بعد الدوام تباري ولدج..

يااختي .. سهليها تسهل.. والدوره كلها شهر ونص تقريبا اربعينج كامل ... تكونين راجعه حق زوجك بكامل صحتك واناقتك... واخذيها مني لا تعتبين على اهل زوجك.. انا ياما صادتني ظروف ماعمر ام زوجي مسكت بنتي من يوم ولدتها لين الحين .. ولا عمري عتبت عليها..او قلت تفضل بناتها علي ببساطه انا اشوفها ام زوجي وهي تشوفني كنتها وكل الي بينها رسميات في رسميات.. وسلام عليكم السلام ..والواجب من باب الله وعشان زوجي.. مع العلم اني عايشه معها.. ووصلت للمرحله هذه من بعد امور كثيره حصلت ببدايه زواجي..

هذي نصيحتي لج والله ييسرلج امورج ويسهل عليج اللهم امين

ام جنى

الله يفرج عليك يارب ويسهل أمرك وأمر كل مسله يارب ,,

صراحه موقفج واايد صعب...خصوصا إنتى على ولاده

ولاتفكرين ولاتحاتين

الله ما يضيع أحد


والحمد لله على كل حاااااااااااااال

مشكورين حبايبي والله ما اتقصرون
خلاص انا رديت بالواقع وسلمت امري لله وقررت اني لا بسافر ولا شي وبتوكل على الله وكيف ما قلتو الله ما ايضيع احد
الصبح كل من زوجي وام زوجي سافرو والحمد لله


كلامج يانور صج بالفعل لازم ما اعتب عليها او شي لانها اهي ام زوجي فقط صاجة والله
انا بعد فولدي الاول ولا عمرها قالت خليه عندي حتى المستشفى اوديه وياي وما اخليه عندها ولا اهي اتقول

بقولج امس صار موقف والله صرت مصدومة يمكن اهي ما خدت بالها بس انا حزت بنفسي (يمكن هرمونات الحمل الحساسة ) بعد الواحد ما ايظن السوء

المهم احنا كنا راجعين من برة كان فاضيلي بعض الاغراض ورحنا يدوبك نص ساعة ورجعنا لا بنت اخت زوجي طالعة فالدرج وولدي ايموت عليها قالتلي بوديه وياي فوق قلتلها اوكي وديه وللعلم فعمرها 6 سنوات المهم احنا اشوي وطلعنا على ربع ساعة شي شذي عشان اسلم عليها وهم ولدها ايسلم عليها

شفتها فالمطبخ اتسوي بيض طماط حق بنت بنتها وحتى ما كلفت نفسها اتسوي لولدي معاها
وانا لين اتجي عندي ما اخلي شنو اعطيها واستحي اعطي لولدي شي وهي قاعدة اتشوف مع انها لا بنت بنتي ولا هي بنت ولدي انا بحسبة غريبة عنهم

وبس نزلت نزلو لدموع غصب تعبت اياودهم ما قدرت قلت الحين لو معاه ابوه وانا فالمستشفى عل الاقل اكون عارفة انو لا بيجوع ولا بيعطش


والله اعلم يمكن هالظروف اللي انا فيها مخليتني حساسة زيادة ما ادري والله


ومسامحة والله يجازيكم خير تنصحون واتبردون قلب المهموم

والله لا ايضيقها على مسلمة يا رب

لا تحاتين والله يسهل امورج بدون ما تحتاجين احد
والله يكون في عونج