افيدوني راس البيبي فوق وانا في التااسع؟

أم محمد رضا;11931998:
اهلين خيتووو الله يفرج عنك ويسهل عليك ياااااااااااااااااارب
لا تتعبين نفسك ولا تتوترين سمعت البنات يقولوا هنا بالمنتدى انو كثرة السجود والحبي على الارض مثل حبي الطفل يعني
تخلي راس البيبي ينزل لتحت حاول انتين سبوعين تكثرين من السجود وحاولي تحبين
وان شاء الله يتعدل وضع البيبي وتوكلي على الله ولا تخلي كلام الدكتورة يحبطك ارفعي معنوياتك
انتي الحين تحتاجين للمعنويات العالية لا تضيقين خلقك ولا تكدرين حالك انتي هذا ثالث ولادة لك يعني راس البيبي في مدة قصيرة قبل الولادة ينزل طبيعي ولا كأنه فيه شي
وسوري اطلت عليك
الله يسهل عليك وتولدين بالسلامة ياااارب

•●شااانيل●•;11932447:
حسبي الله عليها ليش قاعده تحطم فيج جذي
ما في شي بعيد عن رب العالمين
احبي مثل الاطفال وطولي بالسجود
واخر الليل ادعي ربج
وان شاءالله يتعدل من نفسه يارب

ميس_الريم;11932600:
جربي الطبيبه بدبي اللي بتعدل الوضع

قريبتي كانو مجهزين غرفة العمليات للقيصري

والطبيبه لفت البيبي من برا سوت حركات بالبطن بايدها خارجيا وقالت لو ماضبط نولدك قيصري
مع ابرة الظهر حتى ماتحس بالالم

والحمدلله قدرت وولدتها طبيعي

اتكلي على ربي وروحي للطبيبه كمحاوله


وخذي اكثر من راي طبي

والبيبي عنده فرص يغير وضعه ويتعدل ان شاء الله


موفقه وربي يسهل عليك وتولدي طبيعي

Bretty;11932703:

الي اعرفه انو الجنين بالحمل الثاني والثالث يختلف موعد نزول رأسه للاسفل

يعني يمكن قبل الولاده بيومين يتعدل وضعه والله اعلم لكن انتي صلي وادعي
وان شاءالله يتعدل وضعه

والله يسهل لك

أم حسوون;11932713:
حبيبتي ليش ما اتروحين لمراخه
اسمع بنات وااايد يروحون لمراخة علشان اتعدل وضعية الجنين
والله يسهل عليج يا رب

ام سمسومه;11934017:
حبيبتي لاتخافين ناس واجد وقت الولادة يعدل الجنين وضعه وبعدين سوي الي قالوا ليك عليه البنات كثري السجود وانشاء الله الوضع يصير طبيعي وما بيصير الا الي الله سبحانه وتعالى كاتبه والله يسهل عليك ويقومك بالسلامة

مغربية اصيلة;11934123:
اختي لا تخافين و لا تتعبين نفسك ، كلام الدكتورة ماله اي اساس من الصحة ، كنت مثلك فولادتي الاولى قبل الاولادة باسبوعين كان راس البيبي فوق و كنت خايفة بس الطبيبة طمنتني قالت لي لاتخافين هذا مو معناه انك راح تولدين بقيصرية لان الجنين بين فترة و فترة يتغير وضعه خصوصا وقت الطلق ، يعني ممكن يتعدل وضعه ، و الحمد لله قبل الولادة باسوبع راجعتها و كان وضع الجنين طبيعي و ولدت طبيعي

rose2006;11937054:
مثل ماقالو البنات الحبي والسجوود ويارب تولدين طبيعي ولاتخافين ولاتحاتين اهم شي النفسيه حق يوم الولاده سوي نفسي انا بشهر السادس قالولي ربط ومادري شنو وتخريع وفلم رعب والله ولاهمني اتكلت على الله وتلاقين اختك تروح وتجي وتسنع وتظبط كله على النفسيه اهم شي نفسيتك لاتفكرين وايد وتحاتين وطلعي صدقه واكثري من الاستغفار اختي