قلبي مش قادر يسامحها

السلام عليكم ورحمة الله وبركاته

كيفكم يا بنات :

حبيت اخذ مشورتكم في مشكلة عندي وبالنسبة الي هي مشكلة كثير كبيرة وان شاء الله القي الحل عندكم لاني اثق فيكم . القصة طويلة بس بدي اختصر المهم الي هو اساس المشكلة.

المهم ما بدي اطول عليكم باختصار المشكلة مع ام زوجي انا متزوجة من سبع سنوات واول سنتين زواج كنت ساكنة جنب اهل زوجي بنفس البناية بس انا تحت وهم فوق طبعا انا موظفة والبيت كثير ضيق وصغير ومش صحي كنت قاعدة فيه مؤقت وزوجي بعرف هذا الكلام انو احنا قاعدين فيه مؤقت المهم بعد سنتين اتفقت انا وزوجي انو ننتقل لبيت قريب من المدينة قريب من شغلي وشغله كون بيتنا القديم الي عند اهله خارج المدينة وبعيد كثير عن شغلي وشغل زوجي يعني كل يوم ندفع مواصلات قد اجار شقة المهم لاما امه عرفت انو بدنا ننتقل على بيت جديد جن جنونها وحاولت اتخرب علينا وتعمل مشاكل كثير اصلا من اول زواجي وهم يسولي مشاكل مع زوجي بس انا كنت اطنش عشان زوجي والمشكلة انو زوجي كان منصاع الهم ويسمع كلامهم مع انو عارف انو انا على حق بس مش قادر يتكلم ويدافع عني.

انا لما عرفت طبع زوجي انو ظعيف الشخصية قررت اني ارحل عشان ارتاح بس زوجي للاسف سمع كلامهم وبطل الرحيل بس انا قررت الرحيل ورحت غصب عن الكل لانو هذا الشي من حقي انا مش من حقي اهل زوجي يدخلوا في حياتي وزوجي كان راضي لاني انا كنت متفاهمه معاه وقفت جنبه كثير في امور مادية لما اتزوجنا ليش ما يوقف معايه لما احتاج منه طلب بصراحه حسيت انو انا ساذجة بضحك عليه بس لا تفهموني غلط انا ما ساعدت زوجي عشان اي مقابل بالعكس انا وفقت معاه لانه زوجي ولازم اوقف معاه وبش بعايره او بتجمل عليه لاء انا بحب زوجي وبعتبرانو انا وياه حياتنا وحدة بس هو اتخلى عني لما طلبت منه طلب الرحيل.

المهم رحلنا وانتقلنا على بيت جديد بس بعد معاناة مع اهله الله لا يوريكم ردة الفعل كاني عاملة جريمة في حقهم وحق ابنهم كاني انا هربت في ابنها وسافرت فيه على بلاد غريبة اصلا البيت ما ببعد عن بيت اهله بس ربع ساعة بالسيارة ونصف ساعة مواصلات امه الله يسامحها غلطت في حقي كثير من اهانات وقالت عني كلام مش من حقها تحكي هي واولادها قاطعوني 4 سنين ما يحكو معي ولا كاني زوجة ابنها مع العلم اني حاولت اروح عندهم على البيت اكثر من مرة وهانوني في بيتهم وسبو عليه وزوجي بعرف بهذا الكلام عشان هيك انا قررت اني ما اروح عندهم نهائي.

زوجي فضل مضايق مني عشان ما بروح عند اهله مع انو هو عارف انهم غلطو عليه وسبو عليه امه واخوانه كثير جرحوني بالكلام قدام الناس الله لا يوريكم شو كان موقفي قدام الموجودين ما خلو عندي كرامة . ولا خلوني حتى افكر اني اصالحهم او انسى الي صار وزوجي مش كاين يفهم اهله انهم هم الي غلطوا عليه وغطو في حقي بدو اياني انا اروح كمان مرة عندهم عشان اراضيهم والله انها صعبة عليه كثير صحيح عشان زوجي بس زوجي مش عامل لي كرامة بدو يهيني عشان اهله يعني مش فارقة معاه المهم اهله يكونوا راضيين عنه على حساب كرامتي.

انا اسفة طولت عليكم كثير بس انا كثير تعبانة ومش عارفه اتصرف .

قبل شهرين تقريبا صار بيني وبين زوجي مشكلة تافهه ما الها علاقة باهله نهائي وتركت البيت ورحت عند اهلي وزوجي اخذ اولادي وراح عند اهله فترة مؤقته انا حكيت خليه يروح عند اهله بجوز يريح اشوي ويرجع متغير بس حصل شيء انا ما اتوقعته نهائي ولا حتى خطر في بالي انو يصير هذا الشيء شو ممكن تتوقعوا ام زوجي شو اتصرفت مع هاي المشكلة اخذت اولادي وخلتهم عندها شهر ونصف ما خلتني اشوفهم طبعا اولادي اربعة واصغر طفل عندي بنتي عمرها 7 شهور واكبر طفل 6 سنين ومش بس هيك راحت على بيتي واخذت كل اغرضي من البيت وحطتهم عندها بالبيت يعني خربت كل حياتي لا فضل بيت ولا اولاد وزوجي ماشي معاها على خراب بيته وحرمت ابني من دراسته فضل شهر ونصف ما يروح على المدرسة ونفسيت اولادي تعبت كثير ودمروهم حتى بنتي الصغيرة نسيتني .

بعد شهر ونصف ما قدرت تتحمل اولادي لانهم غلبوها كثير كونهم اربعة وقررت ترجعلي الاولاد وزوجي رد عليها وجابلي الاولاد واضطر يرجعلي البيت والاولاد ونسكن من جديد في بيت جديد لانه اتعذب من الجلسه عند اهله هو والاولاد بعد ما انتقلنا على البيت الجديد زوجي شــــــــــــــــــــو صــــــــــــــــــــــــــــــــــــــــــــــــــار طلب زوجي مني اني اروح عند امه الي خربت بيتي ودمرت اولادي نفسيا والله لو اتشوفو اولادي ولا كانهم هم الي كانو عندي كثير تعبانين وحالتهم حاله وانا بصراحة مش قادرة اسامحها على الي عملتو معايه ومش قادرة اشوفها لاني مش قادرة اسامحــها لانها هي كانت السبب في خراب بيتي شو اسوي ارجوكم لا تقسو عليه دلوني على الطريق الصحيح انا مش قادرة اروح اشوفها لانها دخلت بيتي واخذت اغراضي وبعثرت بيتي واشيائي الخاصة وصرت فرجة للناس واغراضي عندها مرمية في بيتها وكل الي بيجي عندها يشوف اغراضي كلها تخيلو كيف ممكن اقدر اروح عندها مش قادرة اروح او حتى اشوفها شو رأيكم. اسفـــــــــــــــــــــــــــــــه كثيـــــــــــــــــــــــــر طولت عليكم.