ابغي من بنوتات المنتدى طلب صغير

حبيبتي ألحين موضه ( الشك ) يعني اللى كله فولك وخرز أنزين.
الموديل يجي قطعتين من فوق قطعه ( الشك ) الصدر يعني وباقي الفستان خلق يناسبه.. عموما القماش هذا يجي مع بعض تشترينهم من محلات الخلق. أو تقدرين تسوين لج فستان كاااااااااااااامل من قطعه الشك هذي بس وصدقيني بيطلع روووووووعه.
بالنسبه للخياييط عندج (شامواه ) اللى فى ( الديه ) بس هو غالي أشوي وفيه خياط ثاني يمه بالضبط ( جنبه ) يخيط تمام بعد بس ماني فاكره أسمه.
أنشاء الله أكون أفدتج بس:) :)

الشك موديله راح سويلي لج موديل بسيط وحلو
اذا تبين تكونين احلى وحده طرشي لي ايميلج راح ارسل لج موديل
وايد حلو فصلته ولبسته في عرس اختي تجنن الموديل وايد حلو

ممنوع اضافة الاميل الخاص في المشاركات

حبيبتي أنا أمي من البحرين ... وكنت أسمع عن خياطة اسمها الأولى ... ويقولون أسعارها حلوة .. وأفكارها بسيطة ... وخياطتها مرتبة ... بس انت تختارين القطعة .. وهي ترسم لج الموديل ...
وأحب أقولج ياريت تختارين قطعة للصدر فيها شك وشغل .. ولباجي الفستان أو التنورة شيفون .... والتنورة إتكون اللي على شكل الغجري والطبقات الملتفة على صوب ... ومرتفعة شوي على طرف .. انت فهمي الخياطة الفكرة اللي في بالج وهي بتتفنن لج في الموديل ... وإنشالله أكون فدتج .. وياريت إذا فصلت هذا الفكرة .. تلبسين الصندل اللي فيه خيوط وينربط على شكل إكسات لحد الركبة ... وإنشالله يطلع كل شي حلو ....
وبعد حبيت أقولج ... ياريت موديل القميص إكون ( هاي نيك ) ... أي الرقبة المسكرة بالكامل مثل الموديل الصيني ... وإذا ماكنت إتحبين العاري .. سوي الأكمام طويلة وضيجة .. أي إنها اتكون راصة على إيدج ... وياريت إتكون الأكمام من قماشة التور المناسب للون القطعة ...
وبالتوفيج .. واسمحيلي إذا طولت عليج .........:shy:

يا سلام عليج يالمها خطيرة كالمعتاد ;) ... اسمعي نصيحتها تراها ذويقة :)