هل هذا زوج او رجل غريب

اختي الله يعينج
شوفي اختي هالمشكله صارو يعانون منها الكثير من البنات في هالزمن
اذا الاولاد كلهم كذا يعني الغلط مب من ريلج الغلط من اهله الي من البدايه ما مسكوا عيالهم وعلموهم الصح من الغلط
والظاهر ان ريلج واخوانه ما عندهم احد ينصحهم ويردهم عن الغلط
المفروظ ان امه وابوه من البدايه ومن قبل عن يتزوج ومن يوم هو صغير من يسمحوا له بالسهر برع بس الظاهر هو متعود ع السهر من قبل عن يتزوج
والمفروظ ان امه وابوه يعوده ع الصلاه من يوم وهو صغير لان هو متعود على الصلاه وهو صغير مستحيل يتكرها وهو كبير
انتي تبغين حل لمشكلتج وانا اقولج ان صعب تصلحين من حاله
لان القطو العود ما يتربي
وانا استغربت من بعض الكلمات الي قريتها مثلا (( واحيان تخيلوا انام انا ويآه مثلا الساعه 2 في اليل واصحى قبل الفجر وانا خيفه والاقيه طالع من البيت ؟؟؟؟؟
واذا اتصلت عليه ,,,,,,,,,,,,,,,,,, يقول ابجي.....

ويالا الاسف مايجي الا الساعه 7 الصبح ومرات يطلع من بعد صلاة الفجر ومايجي الابعد الظهر ))
اختي ما ابغي اخليج تشكي بس الموضوع مب طبيعي
واحد يطلع من البيت هالكثر
المهم اختي سمعي ابغيج تتفاهمي وياه بكل هدوء وخلي الجوء رومنسي وخبريه ان هالشي غلط وما يصير يسهر برع لهذا الوقت
وقولي له اذا ما سمعت الكلام انا بروح بيت اهلي احسن لان انت معتبر البيت فندق وناسي ان عندك زوجه تحبك وتموت فيك
حبيبتي ابغيج انتي تكونين اخته وامه وصديقته
بتقولي كيف وهو ما يجلس في البيت
شوفي ريلج شو يحب اكثر ولما يروح لربعه شو يسوا هناك
ولما تعرفي هو شو يسوي
قولي له ابغيك هاليوم تجلس معي والله لاخلي يومك احلى من ايام ربعك
المهم واليوم هذا ابغيج تلبسي احسن لبسي وبخبري وعطري المكان وتمكيجي وسوي كل شي
ويلسي شوفوا فلم في البدايه وانتي ماسكه يده وبعدين روحوا وتعشوا وانتي خلاص تكوني مجهزه العشا من قبل عن تتلبسي
ومنه هالسوالف
وهكذا
وبالنسبه للصلاه
ابغيج انتي الي تعوديه على هالشي
لا تنصحيه مباشره لانه مستحيل يسمع منج وراح يعاندج يمكن
مثلا انتي صلي جدامه شغلي قران بالغرفه
مثلا حطي خلفه في الحجره واكتبي اقم صلاتك قبل مماتك
واهم شي الدعاااااااااااااااااااااااااااااااااااااااااااااااااااااااااااااااااء
الدعاء ثم الدعاء ثم الدعاء
ونصيحتي لج شيلي فكره الزواج من بالج
ما ابغيج تفكري في الطلاق ابدا

والله مشكلة هذي :(
طيب حاولي تقولين له ان هالشي مايصير
وقولي له الناس وش راح يقولون عننـا ؟
زوجها دوم بره البيت ومايكون عندها
بيقوولون انا مقصرة في حقك او مثلا انا ماقدرت اسعدك وانك تحاول تتهرب مني باي طريقة ممكنه
وبعدين تراه هو مو عزوبي عشان طول الوقت يسهر بره لين الفجر ولبعده!
عجيبين هالشباب ابدا ماعندهم تفكير

ليششششش الانفصال كلها ايام واتعدي

معليش استحميله مصيرهم ربعه بيتزوجون وبيرجع لج و لا انج ترجعين بيت المرض هههههه امزح

البنت بيت اهلها اجيره وعند زوجها اميره

اهلج ماراح يدومون لج حتى اخوانج ترا الاخو اخو مرته

تخيلي انج مطلقه عشان ريلج راعي سهر هههههههههه مب حلوه كلششش

اعرف بنات ازواجهم يشربون والعياذ بالله ومتمسكين في بيوتهم ويدعون لهم بالهدايه

عليج بالدعاء والله يهديه لج

الله يكون في عونك حبيبتي ... شوفي ياقلبي قولي له حدك الساعه مثلا 2 طبعا 2 مابعدها شي خصوصا للمتزوج ...ولا ترى بسكر باب الغرفه ... وبخليك تنام بالصاله ... ترى الرجااااال موووته ولا تسكير باب الغرفه .. واذا شفتيه ما جاء سكري بابك ولا ترددين مصيره راح يتسنع اذا شافك جاده معاه بالامور ... والله يسهل امرك ...

اصبري انشاء الله فتره وتعدي بس انتي ضلي وراه
ولا تخلين الشك يدخل بقلبك تره انتي الي بتنظرين
الله يهدي بالج ويوفقج

الله يكون في عونج اختي ويهدي

سوي مثل الي قالو لج الخوات
واذا ماطاع لا تعطينه شرعه
قولي له انت مو مريحني وتبيني لفراش وطبخ بس !!
نوع العقاب بس بالتأديب طبعا
والله يسخره لج
لاتفكرين بالانفصال
حاولي تيبين له عيال اذا ماعندج يقولون انه العيال يربطهم
:]

حبيببتي انتي كلمييه ولا زم يعرف ان كلللشي له حدود وفعلا الريال ادا مهمل اتمل المرة معاه كلمييه قولي لهاسمحح لك تطلع لكن حدك تررجع لي 4 الفجججر ابيك اتنام يمي احس فييك صت اخاف انام بروحي ..وربي يوفققج ويهدييه يارب

الله يجزاكم االف خير........... وصدقوني سويت له لليلة شموع وحركات ومافيه فايده..... ودئما انصحه للصلاة واقومه للصلاة الفجر حتى وفيني العاده الشهريه .......

هذي الحركات قد سواها اول ماتزوجت بس وقف عنها


والان الله يهديه رجع لها وبالنسبه لطلعته يكون في الاستراحه يشيشون وعلى النت والعياذ بالله




والله طفشششششششت حتى وحده من مرات اخوانه اشتكت لام زوجي من بعض حركات ولدها قالت لها ام زوجي اولادي كلهم كذ ا؟؟؟؟؟؟؟؟؟

اختي الغالية..
عليك بهذه العبادات فوالله ثم والله لن تندمي.
1..قيام الليل..
2..الاستغفار
3..الصبر. فالصبر مفتاح الفرج.
4..الدعاء في اوقات الإجابة.
5..ذكر الله الا بذكر الله تطمئن القلوب
6..الإكثار من قول لاحول ولاقوة الا بالله فانها تشفي من 99داء ايسرها الهم
7.. عدم اليأس والقنط من رحمة الله
8.. قبل ان تفعلي اي شيء استخيري, فلا خاب من استخار.
وآسفة اطلت عليك
واسال الله ان يفرج همك وينفس كربك

الله يهديه انشاء الله ويسخره ليكى

الله يهديه يا رب لا توثلي الموضوع للطلاق لا سمح ا لله و اتمسكي فيه و حسسيه انك ما تقدري تعيشي بدونه و اتفاهمي معاه بكل حب و رومانسيه و المشكل مشكله وقت و تنحل ان شاء الله

الله يهديه وفقك مع زوجك