ولــــــــــــــــدت و يبت احلى بنوتة**قصتي**

مرحبااا الغاليااات
اشحااااالكم
اشتقتلكم وااااايد :L:
ابشركم
من بعد سنين طوال
ولدت الحمدلله و يبت احلى بنووووته:K:
[FONT=Arial Black]و هذا جزا الصابر الحمدلله
الله عوضني باحلى بنوته
ربي يحفظها و يباركلي فيها
و يرزقني بوجودها كل خير ان شا الله

ولادتي ولله الحمد كانت طبيعيه
بس واااايد وااااااايد تعبت و الحمدلله على كل حال:badly:

ربيت فالاسبوع ال39 من حملي
يعني كان باقي علي اسبوع واخلص التاسع
[FONT=Arial Black]و بيني و بينكم فالشهر ال9 واااايد كنت تعبانه
ما كنت اقدر امشي نهائيا....!!
استوابي شــد مش طبيعي في ريلي اليسرى

و يوم راجعت الدكتورة قالتلي ان جسمج الظاهر مافيه كالسيوم نهائيا !!
عشان جذه عظامج رقيقه و مش متحمله وزن البيبي بالمررره!!

المهم
ما بطول عليكم
ببدا قصة ولادتي
يوم الاحد من وعيت من نومي ماحسيت بحركة البيبي
كانت حركتها جدااا بطيئة و يا دوووب احس فيها !!:-o
اترييت لين المغرب
قلت لازم اسير الكورنيش اللي هو مستشفاي اللي اراجع فيه

المهم قلت حق ريلي اني ماحس ابحركتها و لازم اسييير المستشفى اتطمن
خاف حليله و على طووول وداني
[FONT=Arial Black]سوووولي تخطيط و كل شي طلع طبيعي الحمدلله
جان تفحصني الدكتورة من تحت تكرمون
و طلع الرحم متبطل عندي 2 سم بس !
مع اني مش حاسه بأي ويع !!:D
قالتلي بما انج صارتلج قبل ولادة
[FONT=Arial Black]مبكرة و انفصال فالمشيمه و فقدتي البيبي
خلينا انولدج بما انج ما شا الله فالاسبوع ال39
[FONT=Arial Black]يعني البيبي ما شا الله وزنه زين و مكتمل و لله الحمد
ف باجر الصبح بنولدج ...
و انا عااد ما صدقت
قلت اموافقه و ريلي كذلك !! خخ:thumbs_up:
و ما تتخيلون كيف كنت مستاااااااااااانسه طااااايرة الا من الوناااااسه
قلت خلاااااص واخييييرا ببشوفها
و اخيرا بربي و برتاااااح :)

نوموني ف العنبر فوق
و كانت الليله طوييييله :050:
مستعيله ابغي اربي ابسررررغه !!
و مشتطه و حالتي حاله من الونااااسه
و موووول ما كنت افكر ف الولادة و كيف بتكون
بالعكس كنت مستااااانسه و مستبشرة خير
حتى ما يتني النومه
ظهرت من الغرفة اتمشى ف العنبر :050:
عل و عسى اربي قبل !!!ههه مستعيله الاخت
حليلي مادريت باللي يترياني ف غرفة الولادة هههه:037:

[FONT=Arial Black]المهم قلت حق ريلي برايك سير البيت انته عسب اتريح و ترقد
لان باجر وراك يوم طويييل وشااااق !!! ههه:worn_out:
و الساعة 6 بتصلبك اوعيك عسب تيني
لانهم قالولي الساعه 6 بندخلج الولادة:clock:

المهم
خبرت اهلي
و يو نصهم و النص الثاني كل شوي يتصلون يتطمنون !!
المهم مادري كيف رقدت
و نشيت الساعه 6 اتريقت و لبست عباتي
و اتصلت فالنيرس اقوللها اني زاهبه
يالله ودوني غ الولادة!!:058:

[FONT=Arial Black]المهم
و دوني الولادة و يا ريلي على طول
حليله حتى هو يقول مارقدت زين
ماياني ارقاد
مش مستوعب اني خلاص يعني بولد و بتينا بنوته من عقب هالسنين!!! هههه
حليله
الحمدلله لك يارب

المهم بطلو كيس الماي الساعه 9 و عطوني طلق صناعي
و ريلي كان ويايه فالغرفه
بس قتله اطلع لو سمحت لاني استحي !!! ههههه:o
و طلع حليله
و رجع عقب ما خلصو
المهم
الحين بيبدا الجد ...!هع
و اللي قلبها ضعيييف لا تكمل قرايه خخخخ:hysterical:

الساعه 10 بدا الويع عندي :hysterical:
و آآآآآآآآآآه منك يا ويع آآآآآآآآآآه :035:
ما خلاني دقيقة اتنفس
و الله العظيم اني حسيت لوهلة اني خلااااااص في عداد الاموات:-#
و لولا الاكسجين اللي كنت استنشقه كل شوي ما ادري شو كان حالي!!!
مستعيلة عالولادة مادريت [FONT=Arial]كل هذا يترياني:o [/FONT]
[FONT=Arial][FONT=Arial Black]عبالي السالفة مثل ولادتي القبلية ف بنتي كنت 6 شهور بس طلغت مندون ما احس فيها
لكن طلعت السالفة غييييييييييير
لكن الحمد لله على كل حال

[FONT=Arial Black]احس رب العالمين كتبلي عمر يدييد الحمدلله

المهم النيرسات اللي وياية كانو باااااااارداااااات :thumbs_down:
لدرجة اني والله دعيت عليهم
قلت حسبي الله عليكم و نعم الوكييل

اقوللها يا بنت الناس ساعديني سويلي شي
دخلي ايدج سوولي مساج داخلي عسب يلين الرحم

لكن طااااااااااااااااااااااااااااااااف
بس فالحة تقولي بوووووووووووووش و بوووووووش:confused:
يعني اضغطي بس !!!
و انا خلااااااااص مش قادرة اصييييييييييح و ازاااااااااااااعق
و ريلي واقف على يساري رافعني بيد و ماسك ايدي بيد ثانيه!
حليله مرتتتتبك و زيغغاااان و اشوف الدمعه في عينه
يقوللهم سوو شي ساعدوها
لكن ............لا حياة لمن تنادي
و اضغط بكل قوة لكن ماشي فايدة
مش راظية تطلع
و الالم ذابحني ذاااااابحني
لدرجة وصلت لمرحلة اني ما اسمع اللي حواليه و لااااا اشوفهم تخيلو!!!! من شده الالم:worn_out:
و فجأه بصوت عاااااالي و انا اصيييح و انا في قمة الالم و المعاناااة
مثل كأنه حد نطقني قلت (( يا الله ترزق كل محرووووووم يا الله )):L:
و كل اللي حواليه صاحو و تأثرو قالو امين يااااارب العالمين

و عالساعه 1 و ربع طلعت احلى بنوتة
و يوم سمعت صياحها و حطوها ع صدري على طووووووووووووول تميييييت اصيييييييح انا وريلي
و امي فديتها و خالتي و الكل تم يصيييييييييييح من الوناسه
و الحمدلله الله عوض صبرنا خير الحمدلله
و الله يحفظها يارب
و الله يرزق كل محررررررررروم ان شا الله
و يسهل على كل حامل ياااارب [/FONT][/FONT][/FONT][/FONT][/FONT][/FONT][/FONT][/FONT][/FONT]
[/FONT]