بنات البحرين ذكرى زواجنا الاول

هلا يتومة

اممم انا اقول نبراسي حطيه عند وحدة من خواتش و حجزي برجة راقية او روحوا نادي الشراع بروحكم و عيشوا جو شهر العسل .. يعني اتوقع بيكون رومانسي اكثر بدون ما تتقيدون بالبيبي

مادري بس فكري فيها صدقيني بيتانس زوجج:092:

فكرت فيها وخاطري انفذ هذي الفكرة بس المشكلة ما عندي الا اخت وحدة وما تعرف لليهال ههه ..

وامي الله يشافيها ان شاء الله .. وحالياً اللي تجود ولدي عمتي ام زوجي بس استحي اقول لها خلية عندج ليلة وحدة بتصير خدودي وردية هههه

هههههههههه يوه عادي اذا تدري انج بتدلعين ولدها بتستانس ..
قولي لانه ابي اسوي مفاجأة لابو نبراسي:o

أنا بعد رايي من راي نيغار
انتو اثنينكم أحسن بعيدا عن أي ازعاج

بالنسبه حق المكان،، تروبيكانا ماقط دشيته بس اللي أعرفه ان المكان مش ولا بد مب حيث السمعه والناس اللي يروحونه:confused:

هو مادري جم ميزانيتج بالضبط،، اذا عندج 100 دينار مثلاً تقدرين تحجزين لج إليت سويتس، عندهم شقق واجنحه حلوه وعلى مستوى
وسعرها اعتقد 70-72
روحي حزة الcheck in وعدلي غرفة النوم وحطي شموع مثلا في الصاله وعندهم جاكوزي في الغرفه تقدرين تحطين فيه ورد وهالحركات
وانتي تعدلي وتكشخي،، عاد قصي عليه قولي له رايحه الصالون او اي مكان :rolleyes:

وبعدين اتصلي فيه على انج عازمته في المطعم اللي هناك على غدا متأخر او عشا من وقت خخخخخخ
لين وصل هناك يتصل فيج عشان تدلينه "المطعم" خخخخخ وقولي له وين اييج، اي طابق ولف يمين يسار لين يوصل للحجره

وبسس عقب شسمه :adore:

عاد العشا طلبي لكم شي من برا،، يا انه تستلمينه قبل وتخلينه في المطبخ وبعدين تسخنينه أو انج تطلبين وانتي هناك

وفي الصبح عندهم ريوق، وريوقهم حلو بعد :o

وال check out في الظهر

هههههههههههههههههههههه اهي اشكرة تحب هالسوالف ... بحاول اتشجع واقول لها ان شاء الله يمكن يصير يوم خميس ليلة جمعة لانة تاريخ 11/6

باقي شهر يعني :)

وبيوم الخميس اشوة حمواتي يباتون معاها يعني بيساعدونها شووي :)

انا الشوق ما قصرت ,.

وان شاء اللهت تضبط ليش يتوم

شوووااقة والله فكرتج حلوة بس ما اعتقد الميزانية بتسمع وثانيا ابي مكان مفتوح شووي لانة زوجي ما يعرف يقعد في هالاماكن مثل الفنادق يستحي هههه ...

يعني البندر على طول من تدخل سيدة الكابين او توربيكانا من تدخل من البوابة سيدة الكبين بعد ونادي الشراع بعد هم نفس القصة ..

وفعلاً مثل تفكريي برتب المكان وبتعدل وبقول لة عندي شغلة في هالمكان اوو اي خدعة ههه

يتوم روحي البندر بس عاد ولدج اذا بتودينه لازم ترقدينه عشان مايزعج

كل الاماكن الي قلتي عنها مااعرفها ...
لكن اذا ميزانيج ما تسمح تقدرين تسوين كل التعديلات والكشخة في شقتج وتطلعوون على عشا حلو و رومانسي وبعدين روحي سينما وما ترجعون البيت الا المكان كله معدل ومتكشخ

ورايي من راي البنات وزعي نبراسي :P

تسلموون حبايب قلبي وفعلاً شكلي خلاص بوزع نبراسي .. بس اختي روز المشكلة انة بيتنا تحت البناء حالياً وعايشين في شقة مع عمتي وحماتي :)

علشان جذي ابي اخذ راحتي برة البيت ..

امممممم لا اذا في هاي الحالة لا تطلعين برا ..

شووفي اذا ميزانيتج تسمح تاخذون غرفة في فندق او سويت ..

بس حبيت أوضح ملاحظة بسيطة

بالنسبه لي خطيبي ما يرضى بهالشي يعني أخلي ولدي يبات عند أحد عشان إحنا ..........
يعني مره قلت سالفة وحده جدامه وعصب قال لي ما عندهم سالفة وعيب وما أدري وشو

أنا أقول تأكدي من زوجج بالأول أحسن ......

وتقدرين تعزمينه على غدا بهالمناسبه وتعطينه هديه وهو بيفكر إن خلاص
وبالليل زيني الغرفة وسهرو مع بعض

يتوم ما اظن بيتنه بعيد عن بيتكم جيبيه عندنه وعد ما بخلي علوي يلعب ابه
عاد لا ترديني

ههههههههههههههههه همسات بعد جبدي هبابش على علوووي :)

حتى لو اني برضاها زوجي ما بيرضها .. ولو زوجي رضاااها عمتي ما بترضى :)

عمتي تحبة وتسمية ولدها ههههه ومستعدة تجودة ومتأكدة اني 100% بس تعرفين تستحين تقول ليها عمة خلي عباس ( اهي تسمية عباس ) عندج الليلة انا وزوجي بنطلع ههههههه ما ادري شلون اصيغ الكلام لانة عمري ما طلبت منها شيء ..

وعلى سالفة البيت صوب بعض اهو فعلاً اعتقد بيت ابوج صوبنا وبيتكم بعيد شووي .. تعالي صج عندي سؤال بطرش لج رسالة

يتوم مثل ما قالوا لج البنات

نبراسي لا تاخذينه معاكم

كونوا بروحكم احسن

واحتفلوا بره مو بشقتكم كتغيير

مثل ما قلتى فى البندر اخذوا شاليه بكون جو رومنسي بس اثنينكم

ولا الشراع

ولا منتجع دراجون الى بجزر امواج شاليهاتهم على 110 الليله

واذا عندج ميزانيه حلوه روحوا بنيان تري

تقدرين تدشين موقعهم وفية الاسعار ..

في وحده من الاخوات حجزت في البندر شوفي موضوعها حلو ما شاء الله

http://forums.3roos.com/showthread.php?t=524246

ان شاء الله يفيدك .. :)