ازيكم عاملين ايه
انا عملت النهارده صينية قرع عسلي وحبيت انزلكم الطريقه
الخطوات
نجيب القرع العسلي ونقشره ونقطعة مكعبات ونسلقه في كوب مياه و كوب سكر ونسيبه يغلي ع النار لمدة ربع ساعة لغاية لما يكون زي المربى كده وبلاش يغلي كتير علشان الفايده بتاعته متروحش وكمان علشان كتر الغليان بيحوله لالياف
وبعد مايتسلق القرع نصفيه من المياه ومنرميش المياه نسيبها علشان هنستخدمها في البشاميل وبعد كده يتهرس بالشوكة ونسيبه يبرد ع جنب
ونحضر البشاميل
4 ملاعق دقيق 4 ملاعق زبده ومعلقة نشا وسكر و2 كوب لبن وكوب من مياه القرع العسلي
نحمر الدقيق في الزبد او السمن ونحط عليه اللبن والمياه والسكر والنشا وقلبي كويس ولو كلكلع حطي الخليط في الخلاط وهيطلع مظبوط اوي احسن من وجع الايد هههههههههههههههه انا بصراحةبعمل كده من غير ما وجع ايدي في التقليب
ونحضر صينية مدهونه زبد ونحط نص خليط البشاميل وعليه القرع العسلي
وبعدين نحط طبقة التانيه من البشاميل
وندخله الفرن عالي لمدة نص ساعة وبعدين نشغل الشوايه
ودي النتيجة
وبألف هنا