بعد السلام والتحية ....
عملت رولات دجاج بالبيبر صوص
وعجبت الكل..
جوزي حبيبي قاللي اكلة فخمة:ok:.. نفس المطاعم واحلى:03:.. احم احم :013::013:
يلا حبوباتي شوفوها وجربوها..
المقادير
صدور دجاج
جبنة موزاريلا ..ممكن تحطي عليها شوية توابل..
فلفل احمر واخضر
ليمونه كبيرة
بهارات(توم بودر - فلفل اسود - روزماري - نعناع مطحون- ملح - ولو بتحبي اي بهارات مميزة لاكلاتك ضيفيها)
صويا صوص
هنحتاج للبيبر صوص:
1 فلفل اخضر بارد مفروم ناعم مع 1 بصلة صغيرة
كوب حليب ساخن
م ك طحين
2 م ك صويا صوص
ملح وفلفل اسود
الطريقة:
اول حاجه نجهزها نضيف عصير ليمونة مع كل البهارات اللي عندنا ومعلقتين كبار صويا صوص ونخلطهم كويس
نفرد صدور الدجاج بالمدق الخاص كده
ولما نخلص الكميه كلها نتبلها بالليمون والبهارات اللي عملناهم(نبقي من العصير شويه تقريبا معلقتين كبار)
ونخليها في التلاجه ساعه او 2 حسب وقتك
ناخد الفلفل ونحطه في ماء مغلي 5 دقايق بس عشان نزيل قشوره
ده شكله بعد ماطلعته من المية المغلية
نزيل قشور الفلفل ونقطعه شرايح طوليه عريضه
ونضيف عليهم اللي تبقى من تتبيله الليمون والبهارات
- انا استعملت فلفل رومي عادي بس اخدت 2 فلفل حار عشان جوزي بيحب الحار..
يعني عملت بعضهم بارد وبعضهم حار ..
ناخد قطع الدجاج ونحط فيها قطعة فلفل احمر وقطعة فلفل اخضر بالشكل ده
ولو عملتو فلفل حار
خلى الفلفله زي ماهيه متقطعيهاش
بعدين حطي شوية موزاريلا
ولفي الدجاج رول
بالشكل ده
ولفيه بالخيط كويس جدا..
لازم بالخيط
لان اعواد الاسنان هتخلى الجبنة تطلع
لكن الخيط بيقفلها كويس
بعدها نحمرهم في سمن
ونقلبهم من كل الجوانب لغاية ما يستوو..
مش هياخدو وقت كتير لان التتبيله بتخليه بسرعة يستوي..
ده شكله بعد التحمير..
نعمل البيبر صوص:
في حلة نحط معلقة كبيرة سمن ونخليها تسخن كويس
نحط الفلفل والبصل
ونقلبهم باستمرار ولما يبدا لونهم يكون دهبي نضيف معلقة طحين
نستمر بالتقليب لغايه ما الطحين ياخد لون دهبي..
بسرعة نضيف كوب الحليب
ونقلب باستمرار لغايه مانشوف القوام اصبح تقيل.. نفس قوام القشطة.. نطفي النار
بعدها نضيف 2 م ك صويا
م ص فلفل اسود
ملح
وكده خلصنا البيبر صوص
طبعا رولات الدجاج بعد ما تبرد نفك الخيوط منها ونقطعها..
شوفو شكلها بعد التقطيع..
الفلفل الاحمر والاخضر والجبن بينهم .. بس مش باين شكله بوضوح في الصورة
هنا شكله عند التقديم
عملت معاه رز بالخضروات..
وحطيت قطع الدجاج وعليها البيبر صوص
والأقرب أحلى..
انشالله يعجبكو طبقي اليوم..:086:
انتظر ردودكم الحلوووووووووووة:ok:
بايووووووووو يا قمراااااااات:087::087::087: