لحقوا شوفوا شنو لقيت عند خدامتي ربي يستر ....

يا ساتر ، ما ادري شنو هذا بالضبط بس يبدو كان الورقة بيها طلاسم و فيها شي داخل مربوط ، اختي اخاف هذا سحر اللهم يا كافي ، يا ريت لو تشغلين سورة البقرة بالبيت ، و هذه الاغراض لي لقيتيها وديها حق شيخ يمكن يقدر يفك السحر لي سوته الخدامة
الله يحفظج و يحفظ عيالج و زوجج من كل مكروه

الله يحفظك ويحفظ عيالك وزوجك
وربي يرد كيدها لنحرها
كرري دعاء ربي اكفينيها بماشئت
وديه لشيخ وشوفي
بس حاولي انك تبعديها عن البيت حتى ماتشك او تدور عليه ولا تردينه لحد ماتتأكدين

سفريهاعلي طوول بدون اغراضهاا تراهم الشغاالات سحاار
من يون قبل ما يجون عندنا يسيرون عند ساحر ويقولهم اذا لبيت فيه ومافية ويجوونا بسحرهم الله يكفينا شرهم يارب

انا حجزت لها على الاسبوع الياي من غير ماتدري اهي سفرتها كانت مفروض على شهر 6 امس جذي قلبي نقزني قمت افتش في اغراضها وصورت علشان اوري امي وقلت خل احطه لكم
قاعده اعد الايام بس علشان تطلع من بيتي وربي قلبي مقموووت من شفت هالشي وانا متضايقه حدي خايفه على بيتي وعيالي
باجر بنلغي اقامتها وربي يحفظني ويحفظ زوجي وعيالي من شرورها وشرور الشياطين اللهم امين

بس احرصي انها ماتظل بالبيت وديها اي مكان

ام عزوز انا ما خذته شفته ورجعته مكانه الصراحه خفت اجيسه او افتحه او اخذه يضرني
خليته مكانه
ناس قالولي سوالف البوذا اذا تزوجت تسوي تعويذه تلبسها برقبتها
وناس قالولي انها ذكرى من زوجها
وناس قالولي هذا الصبغه الحمرا اللي تنحط بالراس
وانا شاكه انه سحر الله يكافينا الشر


كان عندي اليهال بالبيت ماينامون مستحيل طول الليل يبجون من فتره طويله جم سنه وانا اعاني من هالسالفه وقبل شهر استمريت على الرقيه الشرعيه وسورة البقرة ... الحمدلله هدت الاوضاع عندي مع اليهال بس الخادمه الحين اليوم بس تذكرت انها انعفست كله تبجي وتبي تروح عند اهلها
مره قالت لي بعد رمضان بعدين قالت شهر سبعه بعدين قالت شهر سته وتبي ترجع يعني تبي تقعد شهرين عن اهلها وترجع وانا نفسيتي كنت شاكه انها بوذيه مو مسلمه
لان اول ماوصلتني كانت بوذيه واقنعتها بالاسلام واسلمت وتصوم بس ماتصلي وعيزت معاها على الصلاة اعلمها عطيتها كتب ماتصلي
سألت شيخ دين بخصوص عيالي انهم ماينامون قالي شنو خادمتج بوذيه قلت لا مسلمه قالت متأكده قلت له كانت بوذيه وأسلمت نبهني هالشيخ جزاه الله الف خير ومن يومهاا وانا ابجي ابي اسفرها وزوجي يقول لاتظلمينها قاعده تصوم معانا

وانا امس وديتها بيت اهلي ورجعت بيتي قلت بفتش بغراضها انا بس شفتهم على طول حجزنا لها من غير ماتدري ونفسيتي تعبت

ما اقول الا الله يحفظنا من كل شر اللهم امين



دمتم سالمين
اختكم شريفة

ربي يحفضكم ويكفيكم شرهااا ..انا مع كلام اختي ام عزوز انو اهم حاجه ماتخلينها عندك بالبيت..

طمنيني عليك اختي شريفه
ودي اللي حصلتيهم عند شيخ وهو ادرى سحر او تعاويذ
الله يكفيك الشر

عورني قلبي يا شريفه
طيب ليه ترجعينه لازم يشوفه شيخ
الله يحميكم ويكفيكم شرها

يؤ يؤ يا شريفة ،، ثابتنا عليك أم صلوح يالغالية ،،

ما تشوفون شر ، بالأول شغالتكم شو جنسيتها ؟

فيه بعض الخيوط اللي شفتهم بالصورة يبينوا نفس اللي يلبسوها في معاصمهم ،يعني بعض الشغالات بالذات الهنديات يلبسون هالخيوط ( كعادة ) في ايدهم أو ذراعهم من فوق ،، وهاي أونه مثل الحرز بالنسبة لهم ،،

بس الغريب في الصورة ذيك الطلاسم !! وأيضا الكبوس وبقية أغراض سعودي اللي خاشتهم تحت سريرها !!

من هنا الأمر ما ينسكت عنه ، وزين يوم سويتي وحجزتي لها ،، ديري بالك وفتشيها عدل مدل قبل لا تسافر الله يعزك حتى ملابسها الداخلية فتشيهم ،،

الله يسلمك من كل شر حبيبتي ،، ومتابعين لك والتطورات اللي تصير وياك في هالموضوع ،،

اعوذوا بالله عورني قلبي وانا اشوف والله مدري وش هذا بس شكله يخوف
الله يكفيكم شرها يارب ويحميكم منها بس اهم شي انها ما تاخذ اي شي يخصكم لانها يمكن انها تسوي بيه سحر في بلدهاا
طمنينا عليكم ؟؟

حبيبتي وش فيك روحي الحين انتي وزوجك ودوها مكان جيرانكم اي مكان فتشوها وسفروها على طول

وخوذي الطلاسم هاذي الشنطه كلها وديها لشيخ يشوفها وفتحي البقره في البيت اربعين يوم ونشالله ماشر


بس ياعمري ترا هاذا عمل واضح اصلن زي الشمس انا نصحتك وبس ونتبهي منها لاتدري عن شي ابد ودوها عند جيرانكم والا اي ناس بعيدين عنكم وفتشيها

وعلا طول سفريها لاتدخل البيت ابد ولا تعطينها شي من اغراضها ابد

والله يستر عليك وعلا ولدك وزوجك بس الواضح انها ناويتكم بشر ..

ايه اشتريلها ملابس داخليه اذا تبين رايي وقميص اي شي

وخليها تلبس قدامك لاتاخذ شي من ملابسها ترا الشغالات حيات يخيطون بغارضم اشيا وشيا

تعالي الحين اذا اخذتي السحر يضرك والله

امي مره لقت اشيا عند شغالتنا قديمه عاد تخيلو حاطته بغرفتها ومقفله عليه وهو في كرتون زي البودره


تخيلو يوم جت امي تعطيه الشيخ مالقت البودره اختفت

توقعون ان السحر اذا انوخذ يضر

لاحول ولاقوة الا بالله الله يكفيكم شرها ربي يجعل كيدها بنحرها لو منج مارجعه مكانه اوديه عند شيخ ان شاء الله مب سحر واغراض سعود بس هالشكل بايقتهم لواحد من عيالها او امن اهلهم طمنينا عليج متابعين معاج

صباح الخير
طمنينا عليك يا أم سعود
إن شاء الله خير

الله يحفظكم اختي
عورني راسي من
شفت الاغراض
الله ينتقم من هالشغالات
ويرد كيدهم في نحرهم
ويقلب السحر عليهم
وعلى السحره ومن
والاهم وعاونهم.
طمنينا عليج