استغلال عيني عينك

السلام عليكم
بحكي لكم حاجه صارت معي وابغاكم تحكمون بانفسكم
هذي وحده من قريباتي تخيط شنط بنفسها المهم بطلت هالشغله من زمان لها اكثر من 15 سنه المهم نصحتها ترجع تخيط لانها راح تربح ومن هالكلام المهم قبل كم شهر رجعت تشتغل عالخياطه وشجعتها قلت لها بشتري منك اربع شنط بجيب لك زباين المهم قالت خلاص ببيعك بسعر رمزي وخاص واخذت منها الشنط مع اني ماعجبني لونهم لانها سوت لي على ذوقها وخذيتها بس تشجيع لها وسعرها مره غالي واكتشفت انها مسويه لناس ثانيه ببلاش وسكت قلت بنفسي هي حره بس مافيه داعي تكذب علي وتقول ببعيك بسعر خاص واكتشف انها مااخذت من احد غيري
المهم اليوم كلمتها على اساس جايبه لها زبونات المهم قلت لها لازم اخذ حلاوتي قلت الزبونات يقولون الشغل حلو بس غالي خليها تنقص بالسعر قالت لا قلت طيب بيعيهم بسعرك اللي تبين وانا لي 30 بالميه قالت لا مااعطيك شيء
وبصراحه انقهرت منها حسيت انها تبي تتربح مني وبس مايكفي انها من اشتغلت مااحد اشترى بالسعر اللي انا اشتريت فيه واخواتي يقولون انتي لطانه وش عليك منها تشجعينها وتربحينها
مدري ليش الناس صارو كذا مهما تسوين فيهم معروف يكافؤنك بالنكران والجحود اعوذ بالله صار الواحد مستعد يخسر احباب ومايخسر فلوس