ابغى صديقات محترمات ... في الخبر

طلب غريب معليش ادري :01:




بس بعد ماتصالحت انا وزوجي من المشاكل اللي مرت علي
قررت اني لازم اغير حياتي ويصير لي صديقات وناس احبهم واهتم بهم غير زوجي اللي اخذ حياتي كلها :02:

من تزوجت وجيت الخبر وانا احاول الاقي لي صديقه ومالقيت
جاراتي :096:

لزقات بصراحه حاولت اتقرب منهم وندمت لانهم يطيحون الميانه يعني تخيلو من اول ماتعرف على جاراتي اللي تحت قالولي سويلنا فطاير فطايرك حلوه نبي مية حبه كروسان مية حبه بيتزا :060::060::060:
المره الاولى سويت لهم عادي وقلت يالله جيران عاد تحملي يابنت بس بصراحه من بعدها تعبت وصرت رسميه معهم شوي اكسرو ضهري :096:

جارتي الثانيه اروح لها مره قهوة مغرب :040:
تجيني عشر مرات عشاء ولا غداء وعندها اثنين ماشاء الله مايطلعون الا وبيتي يستغييييييث:042::042:

وزوجها حاكرها ماتقدر تطلع معي لازيارات ولا زواجات وانا ابي وحده تخاويني في زواج ولا زيارات بروح لها وحدي ابي وحده تروح معي اروح معها تجرئني واجرئها

تعرفت على وحده بس طلعت برضووو ماصخه:047:
الله يستر عليها ماغير مطيحه في الكافيهات والاسواق ومع اي تاكسي تركب عادي وسهرات الى اخر الليول والبلاك بيري :053: عندها اثنين واربعه وعشرين ساعه عيونها في شاشاته واحنا بصراحه قبايل زوجي مايرضى هالحركات

بنات ابغى صديقات محترمات زياراتنا تكون برضى ازواجنا نشترك في نوادي رياضيه سوا انعزمت انا زواج او انعزمت هي نروح مع بعض تزورن ازورها بالشهر مرتين ثلاث عاد اذا ازواجنا ودهم بعد هم يتصادقون نطلع تخييم بحر كورنيش <=== ياكبر احلامتس ياخجل :01:

انا وحيده في الخبر ماعرف احد عندي خويتي بالمدرسه اللي ادرس فيها بس هم في بقيق مايجون هنا وكبار سن ماهم من عمري

اللي ترغب في صداقتي والله احطها بعيوني

طول عمري دافنة نفسي في المذاكره ويوم تخرجت تزوجت ودفنت نفسي مع زوجي نفسي اجرب الصداقه الحقيقيه
انا معلمه عمري 29 عندي بنوته عمرها 5شهور قبيليه ملتزمه بعاداتي وتقاليدي بس احب الفله في حدود المعقول صريحه صادقه عيبي ماقبل الانتقاد اللي ماله داعي واذا حسيت وحده جرحتني انسحب بهدوءءءءء من حياتها

<==== مقدمه طلب زواج هع :085:

اللي تقبل صداقاتي من الخبر ترسل خاص او تقول هنا براحتها

بنات بليز اللي بتدخل تتريق لا شوفها :039:

نسيت شغله طقت ساعتي باربعه الاف وشنطتي من لندن بالفين وفستاني من مانقوا بعشره الاف ماحبهم الله الله على الجد والجد الله الله عليه واللي اولوه شرط اخرو نور واللي مالوش كبير يشتريلوه كبير وسمعني سلام لاحلى منتدى