مشكله يا ترا شو حلها

بسم الله الرحم الرحيم

راح اقولك علي مشكله ..وابا رايكم فيها .. اهي اتخص وحده ..

اتعرفون قسم الزواج .. دشة هالبنت علي قسم الزواج لمجرد فضول بس لانها تبا اتعرف هل الناس الي داخل جادين ولا لا .. المهم يوم سجلت وخلصت عشان اتي اليوم الثاني اشوف فيه رسايل ولا لا .. في بادي الامر نست هالبنت انها مسجله بس لما فتحت الايميل نالها اذكرت انها مسجله وراحت اشوف الرسايل .. شافت اكثر من رساله المهم من هالرسايل فيه رساله لشاب يصغرها بالعمر يمكن ثلاث سنوات .. حبت هالبنت اتعرف ليش مطرش لها رساله مع ان بينه عمر .. وفيه بنات اصغر منها ومنه ليش اهي بالذات .. كان عندها فضول .. المهم اتجاوب وياها الاخ وقال لها انا من شفت كلماتج اعجبت فيج .. قالت هالولد من بدايه جذاب ... زحبت اتعرف اكثر عنه لانها كانت تبي اسوي بحث .. (الزواج من خلال النت )..المهم كلمته علي الماسنجر وعرفها عن نفسه واهي قالته ما قالته عنها الا معلومات بسيطه .. المهم تمو علي هالحال تقريبا شهر وشوي بس ما كانو تيلاقون كل يوم يعني بالاسبوع جم يوم ,, المهم الولد عطاها رقم تلفونه وقال لها انه حبها ولابد من ان يزيد التعارف اكثر واكثر .. اهي طبعا ما صدقته من هالناحيه .. وقالت في خاطرها معقوله ايكون حبني من خلال كلمات وما مر الا شهر .. قالت هذا ايعرف كيف اجذب علي البنات .. المهم يوم اعطها رقمه قال لها سجليته قالت له نعم واهي سجلته علي الوبايل مالها لانه اذا قال لها اعطيني الرقم تعطيه علي طول وما ايقول هذي اجذب .. المهم بعدين بعد مرور شهرين .. (علي فكره النبت من دوله والولد من دوله ثانيه ) وهاي البنت عندها اهل في نفس الدوله الي اهو فيها .. كانت ادز مسجات حق قريبتها وبس المسجات ما توصل لانه حاولت اكثر من مره وما يوصل اي مسج حق اي اهلها .. وفي يوم كات ادز مسج اخطات بالرقم ودزت علي موبيله .. وسبحان الله المسج وصل استغربت ان المسج وصل وحق قريبتها ما يوصل .. المهم الولد ما اصدق دز لها مسج وقال لها انتي فلانه اهي من الخوف قالت له شوف انا ما كنت قاصده .. المهم الولد قال لا اتخافين لاني ما راح ازيج بشي .. وراح ايرسلها علي المسج ونادرا ما يتكلمون علي التلفون يعني اذا يبا يسال عنها وعن صحتها كل عن طريق المسج .. المهم هالولد في بدايه الامر كان وايد مهمتم فيها لين ما اهي حبته صج .. واهو قال لها انه حبها .. المهم بعد مده اتغير الولد ما قام يراسلها مثل قبل حست اهي بشي .. وقالت له انك اتغيرت ما عدت مثل قبل صار شي اذا انته تبي تنهي العلاقه ما اجبرك علي شي وان الي ايبعني ابيعه .. اهي وايد في بدايه الامر مهتمه فيه وتساله وين رايح وين انته واتخاف عليه واتحاتيه ومن هالقبيل .. بس الولد ما يبا جذيه وقال لها انتي وايد تسالين لو كانت مرتي ما سالت جذيه وايد اتقولين اني اتغيرت عليج وان هالحال ما يعجبني .. اهنيه اهي قالت لها بسالك سؤال انا وش بالنسبه لك قال سؤال صعب .. بس انتي انسانه محترمه وعزج وطيبه واذا ابا اخطبج بس هذا مستحيل مستحيل .. اهنيه عرفت البنت شو اهي بالنسبه لها .. بس اهو قال لها انه ايحبها ويباها ... بس قالت تصرفات غير ما قمت تسال عني ويالله ادز مسج واحد او اثنين اي حب هذا .. قال لها انه مشغول وايد وما عنده وقت اصلا وبعد قال لها انه وصل مرحله التشبع مع انه ما صار لهم الا شهرين وقال وصل مرحله التشبع وما دامت اهي اتحبه لاخلاص وانهم ما دامو ايحبون بعض خلاص ليش يسال ويطرش مسجات بس كفايه مسج او اثنين (طبعا ما يتكلمون بالتلفون الا نادرا جدا )..اهنيه اهي محتاره تتركه كرامتها فوق كل شي ولا لا ..



ادري طولت وايد .. بس شو رايكم تتركه وانه يتسلي فيها بعد ما شبع ولا تسمع كلامه ..وتعيش علي هالشكل الي اهو طالبه منها ..