كيف حالكم ..
في الاول تفضلوا
:083::083::083:
هاذي ورود متواضعه لكم ..
ندخل في الموضوع ..
في الاول انا ما احب السمك افضل الربيان عليه اكثر ولو آآكل ربيان طول اسبوع ما امانع :03:
لكن في يوم من الايام ...خدامتي سوت طريقة ايدام السمك وهي من الجنسيه البنغلاديشيه
وصراااااااحه طعم لذيييييذ :ok:
الصينيه ما يقى منها ولالالالالا آآآآثر من السمك ..انا وبناتي قمنا ناكله اكثر من الرز والسلطه ..
فحبيت انزل طريقته مرفقآآ بالصور وكنت متابعه معها ...كل شويه ادخل المطبخ واصور واسألها عن الطريقه .
في الاول قطعت السمك وتبلته بالكركم والملح
وبعدها حمرته بالزيت ..
وشالته من الزيت وحطته على منديل حتى يمتص الزيت
وقطعت بصل شرايح وثوم وايضآآآ شرايح طماطم عريضة
وحمست البصل والثوم في زيت واضافت له بهارات وماجي وكركم شويه
وحطت شرايح السمك المحمره وشوية مويه (بحيث يكون فيه مرق عند الغرف)وما تكون المويه تغطي السمك!!! وتحرك بخفه ويضاف لها شرايح الطماطم
وتترك على نار هادئه لمدة 10 دقائق الى ربع ساعه ويضاف له فليفله حتى يعطي طعم اروع
والان جاااااااهز
وهنا وهو في الصينيه
وهنا على السفره ...
سويت رز عنبر ابيض لانه يكون الرز الابيض الذ معاااااه
وبالعافيه على قلوبكم يااااااااارب
:025:
