ازيكو يا حلوين
انهرده عملت فراخ بالروز ماري والتوست بس تحفة جدااااااااااااااااااااا
واهم حاجة طبعا الحمدلله الحمدلله عجبت زوجي جدااااااااااااا
نبدا
المقادير
دي نص فرخة بس انا خليتها من العظم والجلد وقطعتها بس مش قطعتها رقيق لا يعني قسمتها نصين كده بس
وتوست وروز ماري وتوم
انا ماكنش عندي توست بس لقيت عندي عيش فينو فنشفته جوه الفرن وبقى زي التوست بالظبط
فلفل حامي انا استخدمت نص ده ودقيته مع التوم
حسب الرغبة ممكن من غيره خالص زي ما تحبو يعني
طبعا اول حاجة تبلت الفراخ اطول وقت ممكن وده شكلها في التتبيلة
تبلتها بزبادي ومعلقة خل صغيرة وميه بصل وملح وفلفل والبهارات اللي تحبيها طبعا بس انا ماصورتش الحاجات دي للاسف
بعد كده جبت طاسة ع النار وحطيت فيها سمنة بلدي او زيت زي ما تحبو
بعد كده نزلت بقطع الفراخ المتبلة وهديت النار وسبتها تنزل ميتها عشان تستوي
وطبعا كنت كل شوية بقلبها على الجنب التاني
وسبتها تقريبا تلت ساعة لحد ميتها ما نشفت خالص واحمرت حاجة بسيطة اوي
ودي شكلها ما شلتها من ع النار
بعد كده جبت التوست بتاعي وحطيته جوه كيس نايلون ودقيته بايد الهون عشان بتفتفت
بس نسيت اصوره بعد ما دقيته للاسف
وبعد كده جيت في نفس الطاسة اللي كان فيها الفراخ ونزلت بالتوم وشوحت شوية
وبعد كده نزلت بالروز ماري والتوست
وبعد كده شوحت شوية وهنا شكله بعد ما خلص
بعد كده جبت الفراخ بتاعتي وحطيتها فوق الخلطة بتاعنا وبقيت اضغط عليها بايدي وقلبتها الناحية التانية برضو لحد ما الخلطة لزقت فيها وباقت بالشكل ده
بعد كده رصيتها في صينية
ودخلتها الفرن طبعا من تحت شوية وبعد كده ولعت الشواية تتحمر شوية
وده شكلها بعد الغرف
وكنت مقدمة معاها محشي ورق عنب وسلاطة خضرا وسلاطة طحينة
وده كان غدانا انهرده
وبس كده
ها ايه رايكو بقى
الموضوع حصري لعرووووووووووووووس وبسسسسسسسس
ولا احلل نقله
:032::032::032::032:
:032::032::032:
:032::032:
:032:
:032::032::032:
:032::032:
:032: