ابي اسويه عائلي..وبيت عمي مو فاهميني..بنات البحرين ساعدوني..

اهلين اختي
احس داخله عرض مو من البحرين <<بس قلت ادلي برايي
بصراحه هذا القهر في الزواجات
اذا كبرتيه ماعجبهم واذا صغرتيه هم ماعجبهم وجابولس كل عوايلهم لو يعرفون ان البيت مايشيل ؟؟

انا من رايي سوي اللي انتي تبين
وقولي لها بنخليه عائلي على قدنا وبعد ماترجعين من السفر سوي استقبال وخليها تعزم لللي تود
حاكيها بالسياسه كوده ينفع معها

بنت اخوي كذا بعرسها
عزمت بس القراب مررره العمات والخالات وعمات ابوها بس الكبار وخلات امها هم الكبار بس
وحريم العم وحريم الخال بس
يعني مو كثيرين
وبعد الزواج بشهر تقريبا" سووو استقبال <<احنا نسميه عندنا زواره
في قاعه ونادوا كل اللي يعز عليهم
والحمدالله تم كل شيء على خير

الله يسهلك يالغلا ويوفقك في حياتك وفي امتحاناتك يارب

تدرين .. اصدميمهم بالامر الواقع .. شوفي انتي حاطه في بالش جم

وقول ليهم سوينا اكل على هالعدد

واذا جو ناس اكثر بتتفشلون لان ما راح يكون لهم مكان و لا اكل .. وانتهى الموضوع ...

واذا كان لابد من العزيمة ..

اخدي ليش ماتم صغير .. او عائشة المؤيد ب 40 دينار .. وبارسلات وفكي روحش ..

انا من راي سوي في قاعه عائشه المويد ,, اتسع وايد
و رخيصه ,, و سو ي ليهم بارسلات من المخابز ((رخيصه)) و عزميهم كلهم و ريحي بالش,, و سوي يوم واحد الجلوه و الحفله
هو صح العرس خساير عليش و بعد ما يعجب الناس سوى ,,سويتين او لا
بس في نفس الوقت راح يكون فرحه ليش طول حياتش و بتذكرينه و مو حليو ان ما تلبسين ابيض
و تتحسرين على هل يوم ,, و سوي في اليوم اللى يريحش مو اللى يريح غيرش و على ضروفش مو ضروف غيرش

وبالاخير فكري زين و سوي اللى يريحش و على ضروفكم

و بالتوفيق ان شاء الله ,,الله يعينش

شلون البحرين انتوا الزواج على اهل العروس ؟؟؟ احنا كل شي على المعرس العروس ماتدفع ولا ريال

عروسة حمووودي;11888831:
شلون البحرين انتوا الزواج على اهل العروس ؟؟؟ احنا كل شي على المعرس العروس ماتدفع ولا ريال

مصاريف الحفلة من المبلغ اللي عطاه الزوج للزوج عند العقد

احنا نسيمه الطايح !!

حبيبتي بالتفاهم كلشي يهون
وانتي بداية حياتج لازم تكونين اكثر ريلكس مع اهل زوجج لانج بتعيشين معاهم وبتكبرين في عيون زوجج

ربي يحفظج

نور البحرين
اذا بتسوين حفل عائلي في بيت اختش واهلكم بيجلونش وبتعزمين خواتش وعماتش وخالاتش
المفروض تعزمين بيت عمش وخالاتهم وعماتهم .. لان لو ماعزمتينهم اكيد بيصير زعل
هذا يومش .. حلاته الكل صوبش ،، بس اذا انتين تبين حفل عائلي لازم تعزمين المقربين من عمات وعموم اهلش واهله



موفقة \\

مصاريف الحفلة من المبلغ اللي عطاه الزوج للزوج عند العقد

احنا نسيمه الطايح !!

اها .. احنا نسميه المهر .. وتصرفه الزوجه على تجهيز نفسها من ملابس واكسسورات ومجوهرات واحذيه وشنط ومي اب وعطورات وفستان الزواج والمصوره ومسكة العروس وغيره

بس حفلة الزواج 100% على الزوج و الخطوبه بعضهم الزوج يسويها والبعض على حسب مين طلب الخطوبه
اذا بنت الي طلبتها واهل الزوج موناوين يسوون حفله هي تسويها واذا اهل الزوج هم يبون يسووونها يكون على حسابهم
وبعضهم مايكونوا ناوين يسوون حفلة خطوبه حق ولدهم ويسمعون ان البنت ودها بحفلة خطوبه يسوون لها وعلى حسابهم يعني حفلة الخطوبه على حسب كل عائله بس الزواج كل العوائل على الزوج


على العموم بالتوفيق

اي والله حيره وعوار راس الله يعينش
اني مريت بهالشي في زواجي بس يعني كان اهون بس مسكينه امي اللي ضحت وماعزمت واهل زوجي اللي كانوا اكثر .. بس ليله وتعدي وبتنسين اي شي عكرش اهم شي فرحه الكل
حاولي تتفاهمين وياهم ترى العمات ماينسون !
ورايي من راي البنات صدق فكره حلوه ان تسوين استقبال وماتحتاجين لذيك المخاسير وتقدرين حتى تلبسين ابيض !

عروسة حمووودي;11888831:
شلون البحرين انتوا الزواج على اهل العروس ؟؟؟ احنا كل شي على المعرس العروس ماتدفع ولا ريال

اول شي ..

حبيت اوضح شغله ,

احنا بالبحرين المهوور بسيطه تقريبا ,

يعني المعرس لما يتفقون على المهر يسال كم المهر الا هو حق العرووس ,

واغلبهم يكون 1000 ديناار , ويسالهم كم الطاايح الا هي مصاريف الحلفه ,

والا اغلب يكون بين 500 دينار او 600 دينار وهذا ما يسووي زواج اكيد لانه مبلغ بسيط ,

علشان جذي العروس تطر تسوي من عندهاا حفلة العرس,

لانها من البدايه ما طلبت اكثر ,

وفي بعضهم ما يرضون ويدفع كل شي عن زوجته لو كان مقتدر ,

والبعض النص بالنص والبعض على المتفق عليه بالعقد والا طلبته ,

وعلشان جذي تضطر تدفع من عندهاا اكيد ,,!

::

وبالنسبه لصاحبة الموضوع ,

انا اقول لا تسوين لج مشاكل مع اهل ريلج ..!!

دام هو يبون يعزموون قلو لهم الميزانيه ما تسمح الا لعدد معين !

او سوي في ماتم وسوي بارسلات بسيطه كلش على قدكم ..!

وفرحي وما عليش من كلام النااس والا في بالج سوويه ..!!