قصة ولادتي تدعو للتفاؤل وخاصة للبكريات

بسم الله الرحمن الرحيم

والصلاة والسلام على سيدنا محمد سيد الخلق وخير المرسلين

تأخرت في كاتبة قصتي بالحيل بس وش اسوي في النفاس كنت بيت اهلي ويوم رجعت من

الاربعين

انشغلت مع النونو<<<<<<<<<<< لا حول قصة حياتها اخلصي علينا:01:

المهم ياطويلات العمر انا موعد ولادتي كان 13يناير هذا على حسب دورتي

اما على حسب السونار 20يناير:058: يعني شوية تلخبطت

انا كنت اتابع واروح مواعيدي اول بأول عدا الشهر السابع فوت فيه موعدين وقلت مو لازم

وهذي غلطة كلفتني كثير:091:

الشهر الثامن بديت انتظم لا روحاتي للمواعيدي عشان حسيت انو خلالالالالالالالالالالالاص

تعبانة مو قادرة لان فيني التهابات مو طبيعية وماخليت مستوصف خاص مارحت يمه:091:

يعطوني مضاد وغسولات ويرجع الوضع مثل اول واشد

رحت المستشفى اللي كنت اتابع فيه من اول لاني قبل الحمل كان عندي اكياس وكنت اعالج

عندهم فهم عارفين وضعي تمام المهم انو الدكتورة كشفت علي وانصدمت :047:انو مو التهاب

وكيف متحملة هالوضع لان اللي عندي ماكان مجرد التهاب كان ورم ومغطي مكان فتحة البول كلها

وانتوا بكرامة وكتبت لي تنويم عشان اخذ طلق صناعي وانا رفضت قلت اشاور زوجي وارجع

كتبت لي تحويل عالمسالك وضروري اروح لانه مو عارفين نوع هالورم وصرت في حالة نفسية

مايعلم فيها الا ربي:091:

رحت المسالك وجاء بدل الدكتورة ثلاثة استشاريين وقالوا صعبة انتي حامل الحين حتى الاشعة

خطرة عليك انتظري لين تولدين والدكتورة تقرر اذا تولدين طبيعي ولا قيصري

شاورت حماتي لانها استشارية نساء وولادة وقالت لا تستعجلين عالطلق عالاقل خذي من

التاسع شوي قلت لها انو الدكتورة تبغى تولدين عشان حجم الجنين صغير وماابعد عن القيصري

بس هي اقنعتني وانا بعد اقتنعت عشان اختي بعد حامل وشهرها قبلي وفصعب امي

الله يعطيها الصحة والعافية تنفس ثنتين:093:

وصارت مواعيدي بشكل اسبوعي بدل من اسبوعين واروح احيان مرتين في الاسبوع

حتى يشوفون وش استجد:ok:

دخلت التاسع ولا في اي بوادر ولادة بالعكس الطلوق اختفت والورم صار يظغط وكملها رأس

الجنين وصارت حالتي لله تعبت بس كنت ابي الولادة تجي من الله من دون طلق وخرابيط

وولدت اختي:013: فرحت وقلت كويس يصير بينا فترة على الاقل لو 20 يوم:03:

المهم من دخلت شهري والدكتورة تقولي ياله ولادة بطلق ماراح تتحملين وانا اقول صابرة

كل ذيك الفترة لان الورم جاني وانا بالخامس يعني مو توه

في يوم السبت 9يناير مانمت ذاك اليوم يمكن يدوب ساعة مو قادرة ارق وزيادة احس كأن شيء راح

ينزل مني بس من دون طلوق يوم الاحد اختي كانوا جينا لها حمولتها قلت فرصة اروح السوق

امشي واشتري لي شيء البسه لان كل لبس ضاق علي مشيت شوي وانهد حيلي

وتسوقت:064: وماقدرت ساعة ورجعت وجوا ضيوف اختي العشاء وكنت تعبانة والكل يدعي

لي الله يهون علي وانا اباشر مع امي واشيل واحط وحسيت نفسي خلاص مو قادرة

طلعت من المجلس وقلت مرت اخوي تكمل عني امي حست اني تعبانة وقالت الليلة

لاتروحين بيتك اجلسي عندنا قلت ان شاالله

الاثنين11 كان عندي موعد بعد الظهر وقلت لزوجي انت ودني واستأذن من دوامك لانه متعود

السواق يوديني استغرب وش معنا اليوم قلت <حاجة في نفس يعقوب>

وادخل عالدكتورة وشافت تعبي قالت الى متى وانتي تتحملين وتكابرين واضح التعب

عليك عالاقل اسوي لك تحريض:091: قلت خلاص توكلت على الله وسوت لي توسعة

ونزل علي دم بسيط وقالت يومين ثلاثة ان شاالله والدة بس لا تقولين لحماتك اني وسعت

لك لان حماتي صديقتها وهي كانت حيل خايفة علي من الطلق والقيصري

المهم طلعت من عندها وانا احس بتعب فظيع ياله امشي وركبت وسألني زوجي

بشري مافي بوادر ولادة قلت الله كريم:014:

المهم كلمت امي وقلت لها بجي اخذ بنتي لاني اخليها عندها وقت مواعيدي

وصلت بيت اهلي بعد العصر وكانت امي مصلحة لي الله يعطيها الصحة والعافية غداء

وخذيته واخذت بنتي وحاولت انو امي ماتشوف وجهي لأني كنت شوية :035:

وصلت بيتي حاولت اتغدى ماقدرت وكان زوجي جايب فطاير وبيتزا يقول لي اخف لك

بس برضوا ماقدرت اكل وبعد المغرب صلحت لي قرفة وشربتها وجلست اتمشى في البيت

ومسكت في رأسي اغسل الملابس:085: مسكة ماادري وش تبي المهم جلست اغسل

كل الغسيل واكنس البيت وارتب ماشاالله وزوجي يضحك وفي عيونه سؤال وش حادك:01:

جت الساعة عشرة وتجي لي انقباضات وتقلصات مثل الم الدورة واكلم حماتي

وام زوجي كأني اسلم مسوية اعرف السنع:094: واقول لحماتي فلانة لو جاني دم ومغص

متى المفروض اروح قالت كل عشر دقايق او خمس قلت اوكيه:03:

بعدين جاء زوجي يمي قال شكل فيك ولادة وانتي تتصبرين قلت لو فيني قلت لك

<ياعيني مسوية قويــــــــــــة>وقال بدخل انام لو حسيتي بأي شيء قوميني قلت له بدري

علي ليش العجلة:041:

وانا كان يجيني الم كل ثلث ساعة بالضبط بس ماعطيته اي اهمية

بطله البنت ههههههههههه

وجلست اتصفح المنتديات واقرأ ورد الولادة وكررتها كثير من الساعة 12 بالليل لين

الساعة 2 الفجر

دخلت انام لان بنتي نامت حاولت بس ماقدرت يمين يسار ابد ماقدرت

الساعة 3 صحيت على الم منتظم كل 7 دقايق بالضبط

وحاولت اقوم من السرير ماقدرت اقوم الا بصعوبة قمت بس الالم كل ماله يزيد اكثر واكثر

وطبع كل سبع دقايق كنت اون وابكي بقلبي زوجي قام على وني وارتاع وقالي ياله

قايل لك ولادة وانتي تقولين لا قلت بصبر شوي ماابي اروح واتبهذل في الكشف كل شوي

المهم جاب لي رطب كانت امي حبيبة قلبي مجهزته مخصوص واكل سبع منه

وزوجي يسوي لي مساج لظهري ومرة احس براحة ومرة يجيني طلق اجلس افحط بمكاني

وطول الوقت كنت استغفر وادعي بانو الله يسهل علي وعلى كل حامل

وفي عز طلقي تذكرت خواتي المتأخرات هنا بالمنتدى لان عشت معهم 3 شهور

كنا نواسي بعض ونحزن لبعض ونفرح لبعض

وصرت ادعي لهم جميعاً وبقلبي ثلاث عضوات مع اني دعيت للكل بس

ندوش وكريستالة ومحبة الرسول كنت اذكرهم بالاسم بان مامثل ماربي اكرمني

بهذا الحمل يكرمهم بالذرية الصالحة عاجلاً غير اجلاً وكل محروم يارب ومحرومة

المهم الساعة 5 الا ربع الفجر قلت لزوجي خلالالالالالالالالالاص خلنا نروح:096:

وهو جلس يلبس ويتكشخ كنه وقته:058: وراح يغسل للصلاة الفجر

لبست عباتي وجتني لوعة فظيعة وبديت وانتوا بكرامة استفرغ وزوجي يقول هاه خلصتي

لا توسخين سيارتي وانا ودي ارجمه بأي عندي احر ماعندي ابرد ماعنده

المهم ركبنا السيارة وكنا برد ذاك اليوم حيل وبنتي وراء معنا قال بوديهالخالتي يقصد امي

قلت خير عسى ماشر ترانا تونا الفجر تبي تروع امي لا خلها معاك لين اولد:093:

ووصلنا المستشفى وانزل من السيارة وانا عيني على بنتي قلبي يتقطع عليها

وهي ياقلبي تقول بابا ابي ماما وتبكي وانا اناظر فيها حسيت اني خلاص ماعاد اشوفها

واجلس استغفر وش هالكلام جبتها من قبل ماصار فيني شيء وتوكلت على الله

ودخلت طوارئ وفحصتني دكتورة باكستانية وقالت 6 سم بس ايش اللي زايد هنا

وجهها تغير وقلت لها هذا ورم بمجرى بول وانتوا بكرامة بس مااستوعبت وكتبت لي ولادة

ودخلوني على طول وطلبوا مني اغير ملابسي وجلست على سرير التخطيط

وتجي لي ممرضة سعودية تطالع فيني وتقول متأكدة انو الدكتورة قايلة لك ولادة طبيعي

قلت ايه ان شاالله وهالورم مالها دخل في الولادة وسألتها عن دكتورتي وقالت مو مناوبتها

اليوم وسألت عن حماتي وقالت امس كانت مناوبة وقلت لها هالثنتين يعرفون كل شيء

عني ويعرفون وضعي كيف لان الدكتورة كانت متابعة معي من اول شهر لين اخر يوم وهو

امس والثانية حماتي وقالت ليش ماقلتي كذا وراحت جابت لي دكتورةسودانية حبوبة

وسألتني عن ولادتي السابقة ومن متى جاني هالورم وحماتك والدكتورة قالوا لك طبيعي

على اي اساس وقلت لانه في مجرى البول ولا له علاقة المهم قامت عني

وراحت تفحص اللي جنبي وكانت الساعة سبع الا ربع وكان الطلق كل ثلاث دقايق

وجاء الاستشاري توه جاي يسألني ويكشف:040: الا احس بموية تدفق من تحتي وانادي

على الدكتورة وجت تركض ومعها الدكتور وفصتني الا 8 سم وقال الدكتور ولادة ليش

ساكتة ومتحملة كل هذا :047: ماقلت لكم

<بطلة> لاني مابكيت ولا صرخت ولا دمعة نزلت مني ماشـــــــــــــــاالله تـــــــــــــــبـــــــــارك الله

كنت ادعي بصوت شبة مسموع حتى الممرضات يجون يمي ويمسحون على رأسي:06:

ماتعبتهم معي ابد ودخلت غرفة الولادة والقابلة كانت تقول لا تدفعين

لسى ماسوينا لك توسعة وحتى اغراضهم ياله جهزتها المهم تسوي لي توسعة بس

واحد وقالت حاولي تدفعين وشافت رأس الجنين انا هنا نزلت دمعتي وقالت اقري الزلزلة

دخلت ممرضة ثانية وتطالع فيني صايرة فرجة لهم:066:

المهم اقرأالزلزلة وكانت قدام عيوني عالجدار وجنبها ساعة اول بوووووووووووش سويته ماصار

شيء ثاني واحد ماشاالله تبارك سويت بوووووووووووووووووووووش طووووووووووووووووووويل

بعدها طلع رشودي فديت قلبه 7و15 12 يناير 27 محرم

دقيقةوالممرضات صاروا يصاروخون ويصفقون ويقولون بطل طلع

خير وش يخليه بطل انا اللي تعبت هههههههههه وانا بطله

وحسيت بشعور غريب ودي احضن كل اللي عندي:013:

واخذته الممرضة ولفته وتكشف عليه وجات وحدة تسألني من الموظفات

تقول الحمد لله على السلامة وش جبتي من زود التعب قلت بنت ههههههههههه

وقالت هذا بنت وجلسوا يضحكون علي قالت هذا بوي وتوريني العضو حقه:040:

وحطوه في القزازة لين يجي طبيب الاطفال وجت تخيطني الممرضة ويتغير وجهها

وقالت مدام انتي ماتحسين بشيء قلت لها كأني انزف وراحت طايرة جابت دكتورة

وتجلس الدكتورة تهزأ فيهم كيف صار كذا لاني استعجلت في الدفع وصار معي تمزق

في المهبل وعشان الورم كان ضاغط عالمنطقة والمهم سووا لي بنج نصفي وصرت مااحس

بنفسي ولا رجولي وصارت تخيط ومن عرفت انو حماتي تشتغل معهم توصت فيني:040:

وخلصت خياطة 9 و35 دقيقة

بعدها طلبت من الممرضة تعطيني جوالها عشان جوالي خذوه اول مادخلت وعطوه زوجي

وكلمته وماكان يدري اني ولدت حسبت الاستعلامات قالوا له ويقول ان شاالله بتهون

قلت ابشرك هانت وولدت بالسلامة وولادتي ولا اروع منها وفرح وقال الحمدلله على سلامتك

وقلت جبت راشد وطبع هو كان يبي هالاسم لانه اسم ابوه الله يرحمه وفرح وجلسنا نسولف

وسألت عن بنتي وقال خخخخخخخخ حطيتك من هنا وديتها لخالتي من هناك عصبت قلت

ليش تروع امي قال عادي خالتي مأخذة عليه

المهم قلت له يكلم اخته عشان شنطتي ماوصلتني ويبلغها اني ولدت بالسلامة

وكلمها وجت طايرة تبوس فيني وقالت ليش ماقلتي عشان البنات يتوصون فيك

قلت ماقصروا كلهم لا ممرضات ولا دكاترة والتساهيل من رب العالمين:ok:

واحس اللي في الغرفة فرحوا بكلامي وجلسوا يمدحوني ويقولون ولا دمعة ولا صراخ

كانت صابرة مع انو ولادتها غريبة في ظل هالورم:08:

وهذا من فضل ربي ولله الحمد كنت طول الوقت ادعي ماصارخت ابد لا الصراخ راح يوترني

ويوتر اللي راح تولدني فماله داعي معي رب اسمه كريم مثل ماتكرم علي بالحمل

تكرم علي بولادة سهلة ميسرة ماشاالله تبارك الله

مع انو يابنات المستشفى اللي ولدت عندهم حكومي وقديم حيل والكل يتنحش منه

بس التساهيل من رب العالمين وهم سبب الله اللي يسهلها من عنده:ok:

يعني لا من مستشفى وسمعته ولا دكاترة ولا شيء

الدعاء والاستغفار سلاح العبد المؤمن

وانصحك كل اللي على وجة ولادة اثناء الطلق خلك طبيعية ولا تتوترين وخلي ذكر الله بالسانك

وكثري دعاء واستغفار وبيسهلها رب العامين وهو ارحم بعبادة من اكبر استشاري

واكبر مستشفى

اعذروني طولت عليكم حيل بس حاولت اختصر قد مااقدر<قولوا وانتي خليتي شيء:094:>

قلت اقولكم قصة ولادتي تستفيدون وخاصة البكريات اقولهم الولادة تساهيل في تساهيل

وكلي امرك لله دعاء واستغفار وصبر تقدرين تولدين ولادة سهلة

والله يسهل عالجميع

دعواتكم لي بنات الحين انا اراجع عشان الورم في المسالك واتضح انه ورم في الوريد

وان شاالله انه سهل ومااحتاج عمليات وخرابيط دعواتكم

اختكم

تفاحــــــــــــــــــة آدم